കുമ്പള: ഗൃഹനാഥനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. സീതാംഗോളി കോടിമൂലയിലെ ശങ്കറാണ് (55) മരിച്ചത്. കൂലിവേലക്കാരനായ ഇദ്ദേഹം ശനിയാഴ്ച രാവിലെ ഏഴു മണിക്ക് പതിവുപോലെ ജോലിക്കു പോയതായിരുന്നു. രാത്രിയായിട്ടും തിരിച്ചെത്താത്തതിനെതുടർന്ന് വീട്ടുകാർ തിരച്ചിൽ നടത്തിയെങ്കിലും കണ്ടെത്താനായില്ല. തുടർന്ന് ഞായറാഴ്ച രാവിലെ അന്വേഷിച്ചിറങ്ങിയ മകൾ രമണി കോടിമൂല ഗ്രൗണ്ടിൽ ശങ്കറിനെ മരിച്ചനിലയിൽ കണ്ടെത്തുകയായിരുന്നു. കണ്ണിൻെറ ഭാഗത്തും കഴുത്തിലും അടിയേറ്റ പാടുകളുണ്ടെന്ന് പൊലീസ് പറഞ്ഞു. രക്തപ്പാടുകളും കണ്ടെത്തിയിട്ടുണ്ട്. കഴിഞ്ഞ ദിവസം ശങ്കറുമായി ചിലർ വാക്തർക്കത്തിലേർപ്പെട്ടിരുന്നതായി പൊലീസിന് വിവരം ലഭിച്ചിട്ടുണ്ട്. മൃതദേഹം ഉച്ചയോടെ പോസ്റ്റ്മോർട്ടത്തിന് പരിയാരത്തേക്ക് കൊണ്ടുപോയി. കുമ്പള സി.ഐ പി. പ്രമോദ്, എസ്.ഐ എ. സന്തോഷ് കുമാർ എന്നിവർ സ്ഥലത്തെത്തി അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.