സിറാജ് മേൽപാലവും തുരങ്കപാതയും കൊടുവള്ളിക്ക് ഗുണകരമല്ലെന്ന്

കൊടുവള്ളി: നിർദിഷ്​ട സിറാജ് മേൽപാലവും തുരങ്കപാതയും കൊടുവള്ളിക്ക് ഗുണകരമല്ലെന്ന വാദവുമായി ഒരുവിഭാഗം ഭൂവുടമകൾ രംഗത്ത്. പാലം ജുമാമസ്ജിദുവരെ നിർമിക്കുന്നതും ഹൈവേ വീതികൂട്ടുന്നതും ഗുണകരമാണെന്നിരിക്കെ ​െപട്രോൾ പമ്പുവരെ നീളുന്ന തുരങ്കപാത ആശങ്കക്കിടവരുത്തുന്നതും അപകടം വരുത്തുന്നതുമാണെന്നാണ് ഭൂവുടമകൾ പറയുന്നത്. സിറാജ് മേൽപാലം പ്രാവർത്തികമാക്കി തുരങ്കത്തിനു പകരം നിലവിലുള്ള ഹൈവേ ​െപട്രോൾ പമ്പ് മുതൽ പഴയ ആർ.ടി ഓഫിസ് വരെ നാലുവരി പാതയാക്കി വികസിപ്പിക്കുന്നതിനുള്ള പ്രവർത്തനമാണ് നടക്കേണ്ടതെന്നും ഇവർ പറയുന്നു.