-രാഹുൽ ഗാന്ധി രാജസ്ഥാൻ സന്ദർശനം റദ്ദാക്കി ന്യൂഡൽഹി: കോൺഗ്രസ് ജനറൽ സെക്രട്ടറി പ്രിയങ്ക ഗാന്ധിക്ക് വീണ്ടും കോവിഡ് സ്ഥിരീകരിച്ചു. കോവിഡ് പ്രോട്ടോകോൾ അനുസരിച്ച് വീട്ടിൽ കഴിയുമെന്ന് പ്രിയങ്ക ട്വീറ്റ്ചെയ്തു. അതേസമയം, പ്രിയങ്ക, പവൻ ഖേര, അഭിഷേക് മനു സിങ്വി ഉൾപ്പെടെയുള്ള കോൺഗ്രസ് നേതാക്കൾക്ക് കോവിഡായതിനാൽ മുൻകരുതലെന്ന നിലയിൽ രാഹുൽ ഗാന്ധി രാജസ്ഥാൻ സന്ദർശനം റദ്ദാക്കി. കഴിഞ്ഞ വർഷം ജൂണിലും പ്രിയങ്കക്ക് കോവിഡ് ബാധിച്ചിരുന്നു. കോൺഗ്രസ് അധ്യക്ഷ സോണിയ ഗാന്ധിക്ക് ഈ വർഷം ജൂണിൽ കോവിഡ് സ്ഥിരീകരിച്ചിരുന്നു. രാജ്യസഭയിലെ പ്രതിപക്ഷനേതാവ് മല്ലികാർജുൻ ഖാർഗെക്കും ചൊവ്വാഴ്ച കോവിഡ് ബാധിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.