മോദിയും പിണറായിയും ഒരേ നുകത്തിൽ ​ കെട്ടാവുന്ന അവസ്ഥയിലെന്ന്​​ ചെന്നിത്തല

കോഴിക്കോട്​: പ്രധാനമന്ത്രി നരേന്ദ്ര മോദിയും മുഖ്യമന്ത്രി പിണറായി വിജയനും ഒരേ നുകത്തിൽ ​ കെട്ടാവുന്ന അവസ്ഥയിലാണിപ്പോഴെന്നും അതിനാലാണ്​ മുഖ്യമന്ത്രി മോദിയുടെയോ അമിത്​ ഷായുടേയോ പേരുപോലും ഉച്ചരിക്കാത്ത​തെന്നും രമേശ്​ ചെന്നിത്തല എം.എൽ.എ. എൻഫോഴ്​സ്​മെന്‍റ്​ ഡയറക്ടറേറ്റിനെ ഉപയോഗിച്ച്​ കേന്ദ്രസർക്കാർ സോണിയ ഗാന്ധിയെയും രാഹുൽ ഗാന്ധിയെയും വേട്ടായാടുന്നു എന്നാരോപിച്ച്​ കോഴിക്കോട്​ ഇ.ഡി ഓഫിസിലേക്ക്​ നടന്ന കോൺഗ്രസ്​ മാർച്ച്​ ഉദ്​ഘാടനം ചെയ്യുകയായിരുന്നു അദ്ദേഹം. മോദിയും പിണറായിയും ഒത്തുകളിക്കുന്നതിനാലാണ്​ സ്വർണക്കടത്തിൽ പുതിയ വെളിപ്പെടുത്തലുണ്ടായിട്ടും മുഖ്യമന്ത്രിയുടെ പേരിൽ​ ഇ.ഡി നോട്ടീസ് അയക്കാത്തത്​. കേസിൽ നേരത്തെ കേന്ദ്ര ഏജൻസികൾ നടത്തിയ അന്വേഷണം മുഖ്യമന്ത്രി കേന്ദ്രത്തിന്​ കത്തയച്ചതോടെ നിലക്കുകയായിരുന്നു​വെന്നും ചെന്നിത്തല പറഞ്ഞു. കെ.പി.സി.സി ​​വർക്കിങ്​ പ്രസിഡന്‍റ്​ അഡ്വ. ടി. സിദ്ദീഖ്​ എം.എൽ.എ അധ്യക്ഷത വഹിച്ചു. കെ. മുരളീധരൻ എം.പി. മുഖ്യപ്രഭാഷണം നടത്തി. എ.പി. അനിൽകുമാർ എം.എൽ.എ, ഡി.സി.സി പ്രസിഡന്‍റുമാരായ അഡ്വ.​ കെ. പ്രവീൺ കുമാർ (കോഴിക്കോട്​), എൻ.ഡി. അപ്പച്ചൻ (വയനാട്​), വി.എസ്​. ജോയ്​ (മലപ്പുറം), പി.​കെ. ഫൈസൽ (കാസർ​കോട്​) എന്നിവർ സംസാരിച്ചു. അഡ്വ. പി.എം. നിയാസ്​, കെ.കെ. അബ്രഹാം, സോണി സെബാസ്റ്റ്യൻ, ആര്യാടൻ ഷൗക്കത്ത്​, കെ.എം. അഭിജിത്ത്​, മുഹമ്മദ്​ കുഞ്ഞി, കെ.സി. അബു, പി.കെ. ജയലക്ഷ്മി എന്നിവർ മാർച്ചിന്​ നേതൃത്വം നൽകി. മാർച്ച്​ ഇ.ഡി ഓഫിസിന്​ സമീപം റോഡിൽ പൊലീസ്​ തടയുകയായിരുന്നു. inner box.... പിണറായി ബി.ജെ.പിക്കാരുടെ ​ചെരിപ്പ്​ നക്കുന്നു -കെ. മുരളീധരൻ കോഴിക്കോട്​: ബി.ജെ.പിക്കാർ മുമ്പ്​ ഇംഗ്ലീഷുകാരുടെ ചെരിപ്പ്​ നക്കിയെങ്കിൽ ഇന്ന്​ ബി.ജെ.പിക്കാരുടെ ചെരിപ്പ്​ നക്കുന്നത്​ കേരള മുഖ്യമന്ത്രി പിണറായി വിജയനാ​ണെന്ന്​ കെ. മുരളീധരൻ എം.പി. ചെരിപ്പ്​ നക്കുന്നവരോട്​ പാരമ്പര്യമായി സ്​നേഹമുള്ളവരാണ്​ ബി.ജെ.പിക്കാർ. അതുകൊണ്ടാണ്​ പിണറായി വിജയന്​ നോട്ടീസ് അയക്കാതെ ഇ.ഡിയെക്കൊണ്ട്​ സോണിയ ഗാന്ധിക്കും രാഹുൽ ഗാന്ധിക്കും മോദി നോട്ടീസ് അയപ്പിക്കുന്ന​തെന്നും അദ്ദേഹം പറഞ്ഞു. കോൺഗ്രസ്​ നടത്തിയ ഇ.ഡി ഓഫിസ്​ മാർച്ചിൽ സംസാരിക്കുകയായിരുന്നു അദ്ദേഹം.