തിരുവള്ളൂർ: തിരുവള്ളൂരിലെ സ്റ്റീൽ പാലസ് ഉടമ മാമ്പയിൽ ഷംസുവിന്റെ മരണത്തെ തുടർന്ന്, കട നോക്കിനടത്താൻ ഏൽപിച്ച പറമ്പത്ത് അബ്ദുറഹ്മാൻ സ്ഥാപനം സ്വന്തമാക്കി ഷംസുവിന്റെ കുടുംബത്തെ വഞ്ചിച്ചതിനെതിരെയും ഷംസുവിന് ലഭിക്കേണ്ട 13 ലക്ഷത്തോളം രൂപ ലഭ്യമാക്കാനും സർവകക്ഷി ആക്ഷൻ കമ്മിറ്റി നേതൃത്വത്തിൽ മാർച്ചും ധർണയും സംഘടിപ്പിച്ചു. സി.പി.എം വടകര ഏരിയ സെക്രട്ടറി ടി.പി. ഗോപാലൻ മാസ്റ്റർ ഉദ്ഘാടനം ചെയ്തു. എം.ടി. രാജൻ അധ്യക്ഷത വഹിച്ചു. വിവിധ രാഷ്ട്രീയ കക്ഷി പ്രതിനിധികളായ ഗോപി നാരായണൻ, എം.സി. പ്രേമൻ, പി.പി. രാജൻ, കെ.കെ. ശങ്കരൻ, ഗോപാലൻ മാസ്റ്റർ, സന്തോഷ് മാസ്റ്റർ, ഇ.കെ. പവിത്രൻ, സുധി കരുവാങ്ങി, നിധിൻ കെ. വൈദ്യർ, സിനീഷ് വേലിക്കനി എന്നിവർ സംസാരിച്ചു. ----------- തിരുവള്ളൂർ സ്റ്റീൽ കോംപ്ലക്സിലേക്കു നടന്ന മാർച്ച് സി.പി.എം വടകര ഏരിയ സെക്രട്ടറി ടി.പി. ഗോപാലൻ ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.