കാര്‍ കുഴിയിലേക്ക് മറിഞ്ഞു

ഏറ്റുമാനൂർ: എം.സി റോഡിൽ പട്ടിത്താനത്ത് നിയന്ത്രണം നഷ്ടമായ കാർ തലകീഴായി മറിഞ്ഞു. എം.സി റോഡിലൂടെ എത്തിയ കാർ റോഡിൽനിന്ന് തെന്നിമാറി കുഴിയിലേക്ക് മറിയുകയായിരുന്നു. ഫ്ലക്സ് ബോർഡിൽ കാർ തട്ടിനിന്നതിനാൽ വൻ ദുരന്തം ഒഴിവായി. കാറിനുള്ളിലുണ്ടായിരുന്ന യുവതിയും ഡ്രൈവറും അത്ഭുതകരമായി രക്ഷപ്പെട്ടു.

വ്യാഴാഴ്ച വൈകീട്ട് നാലരയോടെ പട്ടിത്താനം രത്‌നഗിരി പള്ളിയുടെ സമീപത്താണ് അപകടം. കായംകുളം സ്വദേശികളായ യാത്രക്കാരാണ് കാറിനുള്ളിലുണ്ടായിരുന്നത്. ഇവർ അഗ്നിരക്ഷ സേനാംഗങ്ങൾ ചേർന്നാണ് രക്ഷാപ്രവർത്തനം നടത്തിയത്. പരിക്ക് ഗുരുതരമല്ല.