ന​ട​പ്പാ​ത കൈ​യേ​റി​യു​ള്ള ക​ച്ച​വ​ടം ഒ​ഴി​പ്പി​ക്കാ​ൻ ന​ട​പ​ടി

കോ​ട്ട​യം: റോ​ഡ​രി​കി​ലെ ന​ട​പ്പാ​ത കൈ​യേ​റി അ​ന​ധി​കൃ​ത ക​ച്ച​വ​ടം ന​ട​ത്തു​ന്ന​വ​രെ ഒ​ഴി​പ്പി​ക്കാ​ൻ ന​ട​പ​ടി സ്വീ​ക​രി​ക്കാ​ൻ ജി​ല്ല വി​ക​സ​ന സ​മി​തി യോ​ഗം തീ​രു​മാ​നി​ച്ചു. ഇ​തി​നാ​യി ത​ദ്ദേ​ശ വ​കു​പ്പി​നും പൊ​തു​മ​രാ​മ​ത്തു​വ​കു​പ്പി​നും പൊ​ലീ​സി​നും നി​ർ​ദേ​ശം ന​ൽ​കി.

വ​ഴി​യ​രി​കി​ൽ താ​ൽ​ക്കാ​ലി​ക ഷെ​ഡ് കെ​ട്ടി ക​ച്ച​വ​ടം തു​ട​ങ്ങു​ക​യും പി​ന്നീ​ട് ചെ​റി​യ ക​ട​മു​റി​ക​ളാ​ക്കി മാ​റ്റു​ക​യും ചെ​യ്യു​ന്ന​ത് വ്യാ​പ​ക​മാ​യ​താ​യി വി​ഷ​യം അ​വ​ത​രി​പ്പി​ച്ച ഗ​വ. ചീ​ഫ് വി​പ്പ് ഡോ. ​എ​ൻ. ജ​യ​രാ​ജ് പ​റ​ഞ്ഞു. കാ​ൽ​ന​ട​ക്കാ​ർ​ക്കും വാ​ഹ​ന​യാ​ത്ര​ക്കാ​ർ​ക്കും ഇ​ത് ബു​ദ്ധി​മു​ട്ടു​ണ്ടാ​ക്കു​ന്നു. പ​രി​ശോ​ധ​ന ന​ട​ത്തി ഇ​ത്ത​രം കൈ​യേ​റ്റ​ങ്ങ​ൾ ഒ​ഴി​പ്പി​ക്ക​ണ​മെ​ന്ന് അ​ദ്ദേ​ഹം നി​ർ​ദേ​ശി​ച്ചു. യാ​ത്ര​ക്കാ​ർ​ക്ക് ത​ട​സ്സം സൃ​ഷ്ടി​ക്കു​ന്ന നി​ർ​മാ​ണ സാ​മ​ഗ്രി​ക​ൾ, വൈ​ദ്യു​ത പോ​സ്റ്റു​ക​ൾ തു​ട​ങ്ങി​യ​വ വ​ഴി​യ​രി​കി​ൽ ഇ​ടു​ന്ന​തി​നെ​തി​രെ​യും ന​ട​പ​ടി വേ​ണ​മെ​ന്ന് ഡോ. ​എ​ൻ. ജ​യ​രാ​ജ് ആ​വ​ശ്യ​പ്പെ​ട്ടു.

ചെ​റു​വ​ള്ളി ക്ഷേ​ത്ര​ത്തി​ന്‍റെ ആ​റാ​ട്ടു​ക​ട​വി​ന​ടു​ത്തു​ള്ള സ്ഥ​ലം സ്വ​കാ​ര്യ വ്യ​ക്തി​യി​ൽ​നി​ന്ന് തി​രി​ച്ചു​പി​ടി​ക്ക​ണ​മെ​ന്ന ആ​വ​ശ്യ​ത്തി​ൽ അ​ന്വേ​ഷ​ണം ന​ട​ത്തി ന​ട​പ​ടി റി​പ്പോ​ർ​ട്ട് ചെ​യ്യു​ന്ന​തി​ന് കാ​ഞ്ഞി​ര​പ്പ​ള്ളി ഭൂ​രേ​ഖ ത​ഹ​സി​ൽ​ദാ​രെ ചു​മ​ത​ല​പ്പെ​ടു​ത്തി​യ​താ​യി ഡെ​പ്യൂ​ട്ടി ക​ല​ക്ട​ർ (എ​ൽ.​ആ​ർ) അ​റി​യി​ച്ചു. പൊ​ന്ത​ൻ​പു​ഴ-​മു​ക്ക​ട റോ​ഡി​ൽ പൊ​ന്ത​ൻ​പു​ഴ​യി​ൽ​നി​ന്ന് എ​രു​മേ​ലി​ക്കു തി​രി​യു​ന്ന ഭാ​ഗ​ത്ത് സൈ​ൻ ബോ​ർ​ഡു​ക​ൾ സ്ഥാ​പി​ക്കു​മെ​ന്ന് പൊ​തു​മ​രാ​മ​ത്ത് നി​ര​ത്തു​വി​ഭാ​ഗം എ​ക്സി​ക്യൂ​ട്ടി​വ് എ​ൻ​ജി​നീ​യ​ർ അ​റി​യി​ച്ചു.

ച​ങ്ങ​നാ​ശ്ശേ​രി ന​ഗ​ര​സ​ഭ​യി​ൽ നി​ലാ​വ് പ​ദ്ധ​തി​യു​മാ​യി ബ​ന്ധ​പ്പെ​ട്ട വ​ഴി​വി​ള​ക്കു​ക​ളി​ൽ പ്ര​കാ​ശി​ക്കാ​ത്ത​വ കെ.​എ​സ്.​ഇ.​ബി​യി​ൽ​നി​ന്ന് അ​റ്റ​കു​റ്റ​പ്പ​ണി ന​ട​ത്തി ല​ഭി​ച്ചി​ട്ടു​ണ്ടെ​ന്നും സ്ഥാ​പി​ക്കാ​ൻ ന​ട​പ​ടി സ്വീ​ക​രി​ച്ചു​വ​രു​ന്ന​താ​യും ജോ​ബ് മൈ​ക്കി​ൾ എം.​എ​ൽ.​എ ഉ​ന്ന​യി​ച്ച വി​ഷ​യ​ത്തി​ന് മ​റു​പ​ടി​യാ​യി ന​ഗ​ര​സ​ഭ സെ​ക്ര​ട്ട​റി അ​റി​യി​ച്ചു. മാ​മ്മൂ​ട്-​വെ​ങ്കോ​ട്ട റോ​ഡ് നി​ർ​മാ​ണ​ത്തി​ന്‍റെ ക​രാ​ർ ന​ട​പ​ടി​ക​ൾ പൂ​ർ​ത്തീ​ക​രി​ച്ച് ക​രാ​റു​കാ​ര​ന് സൈ​റ്റ് കൈ​മാ​റി​യ​താ​യി പൊ​തു​മ​രാ​മ​ത്ത് നി​ര​ത്ത് വി​ഭാ​ഗം എ​ക്സി​ക്യൂ​ട്ടി​വ് എ​ൻ​ജി​നീ​യ​ർ അ​റി​യി​ച്ചു.

ജി​ല്ല ആ​സൂ​ത്ര​ണ​സ​മി​തി ഹാ​ളി​ൽ ന​ട​ന്ന യോ​ഗ​ത്തി​ൽ അ​ഡീ​ഷ​ന​ൽ ജി​ല്ല മ​ജി​സ്ട്രേ​റ്റ് എ​സ്. ശ്രീ​ജി​ത്ത് അ​ധ്യ​ക്ഷ​ത​വ​ഹി​ച്ചു. കോ​ട്ട​യം ന​ഗ​ര​സ​ഭ ചെ​യ​ർ​മാ​ൻ എം.​പി. സ​ന്തോ​ഷ്‌​കു​മാ​ർ, ഡെ​പ്യൂ​ട്ടി പ്ലാ​നി​ങ്​ ഓ​ഫി​സ​ർ പി.​എ. അ​മാ​ന​ത്ത് തു​ട​ങ്ങി​യ​വ​ർ പ​ങ്കെ​ടു​ത്തു.