ഗ്യാസ്​ ഡീലർഷിപ്പ്​ വാഗ്ദാനം ചെയ്ത്​ ഓൺലൈൻ തട്ടിപ്പ്

കോ​ട്ട​യം: ഗ്യാ​സ്​ ഡീ​ല​ർ​ഷി​പ്പ്​ ല​ഭ്യ​മാ​ക്കാ​മെ​ന്ന പേ​രി​ൽ ഓ​ൺ​ലൈ​ൻ ത​ട്ടി​പ്പ്​​ ന​ട​ത്തി കോ​ട്ട​യം സ്വ​ദേ​ശി​യാ​യ പ്ര​വാ​സി​യു​ടെ പ​ണം ത​ട്ടി​ച്ചെ​ടു​ത്ത​താ​യി പ​രാ​തി. ദോ​ഹ​യി​ല്‍ അ​ൽ ഖോ​റി​ൽ താ​മ​സി​ക്കു​ന്ന കോ​ട്ട​യം കാ​ഞ്ഞി​ര​പ്പ​ള്ളി തി​ട​നാ​ട്​ സ്വ​ദേ​ശി അ​ഭി​ലാ​ഷി​ന്റെ പ​ണ​മാ​ണ് ഓ​ൺ​ലൈ​ൻ ത​ട്ടി​പ്പി​നി​ര​യാ​യി ന​ഷ്ട​പ്പെ​ട്ട​ത്. ഒ​ക്ടോ​ബ​ർ അ​വ​സാ​നം ഓ​ൺ​ലൈ​നി​ൽ ക​ണ്ട എ​ൽ.​പി.​ജി​യു​ടെ പേ​രി​ലു​ള്ള വ്യാ​ജ വെ​ബ്സൈ​റ്റി​ലൂ​ടെ ഗ്യാ​സ്‌ ഡീ​ല​ര്‍ഷി​പ്പി​നു​ള്ള അ​പേ​ക്ഷ ന​ല്‍കി​യ​തോ​ടെ​യാ​ണ് ത​ട്ടി​പ്പി​ന്റെ തു​ട​ക്കം.

ഒ​രു ഗ്യാ​സ്‌ ഡീ​ല​ര്‍ഷി​പ് സ്ലോ​ട്ടി​ന് മൂ​ന്ന് ല​ക്ഷ​വും ആ​പ്ലി​ക്കേ​ഷ​ൻ ഫീ​സാ​യി 25000 രൂ​പ​യും അ​ട​ക്ക​ണ​മെ​ന്ന് വ്യാ​ജ സൈ​റ്റി​ൽ നി​ർ​ദ്ദേ​ശ​മു​ണ്ടാ​യി​രു​ന്നു. എ​ന്നാ​ൽ ഇ​ത്​ യ​ഥാ​ർ​ഥ സൈ​റ്റാ​ണെ​ന്ന്​ ക​രു​തി അ​ഭി​ലാ​ഷ് ത​ന്റെ​യും സ​ഹോ​ദ​ര​ന്റെ​യും പേ​രി​ൽ ര​ണ്ട് അ​പേ​ക്ഷ​ക​ള്‍ക്കാ​യി 50,000 രൂ​പ ഗൂ​ഗ്ള്‍ പേ ​വ​ഴി അ​ട​ക്കു​ക​യാ​യി​രു​ന്നു. കൂ​ടാ​തെ, ഫോ​ട്ടോ, ഐ.​ഡി പ്രൂ​ഫ്‌, പാ​ന്‍ കാ​ര്‍ഡ്‌ തു​ട​ങ്ങി​യ​വ​യും അ​പ് ലോ​ഡ്‌ ചെ​യ്തു. ന​വം​ബ​ര്‍ 10ന് ​ഡീ​ല​ര്‍ഷി​പ്പി​നു​ള്ള ലോ​ട്ട് ന​ട​ക്കു​മെ​ന്നും ഡീ​ല​ർ​ഷി​പ് ല​ഭി​ച്ചാ​ൽ ബാ​ക്കി​യു​ള്ള മു​ഴു​വ​ൻ തു​ക​യും അ​ട​ക്ക​ണ​മെ​ന്നു​മാ​യി​രു​ന്നു സൈ​റ്റി​ൽ പ​റ​ഞ്ഞി​രു​ന്ന​ത്.

അ​തി​ന്​​ശേ​ഷം ലോ​ട്ടി​ല്‍ വി​ജ​യി​ച്ചെ​ന്ന സ​ന്ദേ​ശ​ങ്ങ​ളും മു​ഴു​വ​ൻ തു​ക​യും കൂ​ടു​ത​ല്‍ രേ​ഖ​ക​ളും സ​മ​ര്‍പ്പി​ക്കാ​ന്‍ ആ​വ​ശ്യ​പ്പെ​ടു​ന്ന കു​റി​പ്പു​ക​ളു​മാ​ണ് വ്യാ​ജ സൈ​റ്റി​ലൂ​ടെ പി​ന്നീ​ട് ല​ഭി​ച്ച​ത്. കൂ​ടു​ത​ൽ വി​ശ​ദീ​ക​ര​ണ​ങ്ങ​ൾ​ക്കാ​യി വെ​ബ്സൈ​റ്റി​ല്‍ ന​ല്‍കി​യ ഫോ​ണ്‍ ന​മ്പ​റു​ക​ളി​ലേ​ക്ക്‌ വി​ളി​ച്ച​പ്പോ​ള്‍ എ​ല്ലാം പ്ര​വ​ർ​ത്ത​ന​ര​ഹി​ത​മാ​യി​രു​ന്നു. തു​ട​ർ​ന്ന് എ​ൽ.​പി.​ജി ഓ​ഫി​സു​മാ​യി ബ​ന്ധ​പ്പെ​ട്ട​പ്പോ​ൾ അ​ത്​ വ്യാ​ജ സൈ​റ്റാ​ണെ​ന്ന മ​റു​പ​ടി​യാ​ണ്​ ല​ഭി​ച്ച​തെ​ന്ന്​ അ​ഭി​ലാ​ഷ്​ പ​റ​ഞ്ഞു. ഇ​തോ​ടെ​യാ​ണ് ത​ട്ടി​പ്പി​ന്‌ ഇ​ര​യാ​യെ​ന്ന്‌ മ​ന​സ്സി​ലാ​ക്കു​ന്ന​ത്. അ​പേ​ക്ഷ​ക്കാ​യി ന​ൽ​കി​യ പ​ണം ‘ര​വി​ശ​ങ്ക​ർ ബി​ന്ദ്’ എ​ന്ന പേ​രി​ലു​ള്ള പേ​ഴ്സ​ന​ല്‍ അ​ക്കാ​ണ്ടി​ലേ​ക്കാ​ണ് പോ​യ​തെ​ന്നും ക​ണ്ടെ​ത്തി.

തു​ട​ർ​ന്ന്​ അ​ഭി​ലാ​ഷ്​ സൈ​ബ​ർ സെ​ൽ നാ​ഷ​ന​ൽ പോ​ർ​ട്ട​ൽ, തി​ട​നാ​ട് പൊ​ലീ​സ് സ്റ്റേ​ഷ​ൻ, മും​ബൈ സൈ​ബ​ർ സെ​ൽ, ചീ​ഫ് മി​നി​സ്റ്റ​ർ സെ​ൽ എ​ന്നി​വി​ട​ങ്ങ​ളി​ൽ പ​രാ​തി ന​ൽ​കി. എ​ന്നാ​ല്‍, ഇ​തു​വ​രെ ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ലെ​ന്നും വ്യാ​ജ വെ​ബ്സൈ​റ്റ് ഇ​പ്പോ​ഴും പ്ര​വ​ര്‍ത്തി​ക്കു​ക​യാ​ണെ​ന്നും അ​ഭി​ലാ​ഷ് പ​റ​ഞ്ഞു. പൊ​തു​ജ​ന​ങ്ങ​ളെ ജാ​ഗ്ര​ത​പ്പെ​ടു​ത്താ​നും മ​റ്റു​ള്ള​വ​ര്‍ ഇ​ത്ത​രം ത​ട്ടി​പ്പി​ന്‌ ഇ​ര​യാ​കു​ന്ന​ത്‌ ത​ട​യാ​നും അ​ധി​കാ​രി​ക​ള്‍ ഉ​ട​ന്‍ ന​ട​പ​ടി സ്വീ​ക​രി​ക്ക​ണ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.