അപകടക്കെണിയൊരുക്കി മരുതുംമൂട് പാത; നിർമാണത്തിലെ അശാസ്ത്രീയത ഭീഷണി

മു​ണ്ട​ക്ക​യം ഈ​സ്റ്റ്‌: കൊ​ട്ടാ​ര​ക്ക​ര-​ദി​ണ്ഡി​ഗ​ൽ ദേ​ശീ​യ​പാ​ത​യി​ൽ മ​രു​തും​മൂ​ട് മു​ത​ൽ മെ​ഡി​ക്ക​ൽ ട്ര​സ്റ്റ് ക​വ​ല​വ​രെ അ​പ​ക​ട​ങ്ങ​ൾ പ​തി​വാ​കു​ന്നു.റോ​ഡ് നി​ർ​മാ​ണ​ത്തി​ലെ അ​ശാ​സ്ത്രീ​യ​ത​യും സി​ഗ്ന​ൽ ബോ​ർ​ഡു​ക​ളു​ടെ അ​ഭാ​വ​വും വാ​ഹ​ന​ങ്ങ​ളു​ടെ അ​മി​ത വേ​ഗ​വു​മാ​ണ് അ​പ​ക​ട​ങ്ങ​ൾ​ക്ക് വ​ഴി​വെ​ക്കു​ന്ന​ത്. വീ​തി കു​റ​വാ​യ റോ​ഡി​ന്റെ ഒ​രു വ​ശ​ത്തേ​ക്കു​ള്ള ച​രി​വും അ​പ​ക​ട​ങ്ങ​ൾ​ക്കു കാ​ര​ണ​മാ​കു​ന്നു. കു​ത്തി​റ​ക്ക​ത്തി​ൽ അ​മി​ത​വേ​ഗ​ത്തി​ൽ വ​രു​ന്ന വാ​ഹ​ന​ങ്ങ​ൾ സ​മീ​പ​ത്തെ റ​ബ​ർ തോ​ട്ട​ത്തി​ലേ​ക്ക് പോ​കു​ക​യാ​ണ് പ​തി​വ്.

ഒ​രാ​ഴ്ച​ക്കി​ടെ മേ​ഖ​ല​യി​ൽ മാ​ത്രം എ​ട്ടോ​ളം അ​പ​ക​ട​മാ​ണ് ഉ​ണ്ടാ​യ​ത്. ക​ഴി​ഞ്ഞ ദി​വ​സം ഓ​ട്ടോ​യു​ടെ പി​ന്നി​ൽ മ​റ്റൊ​രു വാ​ഹ​നം ഇ​ടി​ച്ച്​ ര​ണ്ടു​പേ​ർ​ക്ക് സാ​ര​മാ​യി പ​രി​ക്കേ​റ്റു. ഏ​താ​നും മാ​സ​ങ്ങ​ൾ​ക്ക് മു​മ്പ് മെ​ഡി​ക്ക​ൽ ട്ര​സ്റ്റ് ക​വ​ല​യി​ൽ ബ​സും കാ​റും കൂ​ട്ടി​യി​ടി​ച്ച് ഡ്രൈ​വ​ർ മ​രി​ച്ചി​രു​ന്നു.

ഇ​തി​ന് അ​ടു​ത്ത നാ​ളു​ക​ളി​ൽ ത​ന്നെ ബ​സും ബൈ​ക്കും കൂ​ട്ടി​യി​ടി​ച്ച് യു​വാ​വും മ​രി​ച്ചു. കു​ട്ടി​ക്കാ​ന​ത്തി​നും മു​ണ്ട​ക്ക​യ​ത്തി​നും ഇ​ട​യി​ൽ അ​പ​ക​ട​ങ്ങ​ൾ കൂ​ടി​യ പ്ര​ദേ​ശ​ങ്ങ​ളി​ൽ സി​ഗ്ന​ൽ ബോ​ർ​ഡു​ക​ളും ക്രാ​ഷ് ബാ​രി​യ​ർ​ക​ളു​മെ​ല്ലാം സ്ഥാ​പി​ച്ചി​ട്ടു​ണ്ടെ​ങ്കി​ലും മ​രു​തും​മൂ​ട് മു​ത​ൽ മെ​ഡി​ക്ക​ൽ ട്ര​സ്റ്റ് ജ​ങ്​​ഷ​ൻ വ​രെ​യു​ള്ള ഭാ​ഗ​ത്ത് ഇ​വ​യൊ​ന്നു​മി​ല്ല.

നൂ​റ്റാ​ണ്ടു​ക​ൾ പ​ഴ​ക്ക​മു​ള്ള ക​ൽ​ക്കെ​ട്ടു​ക​ൾ മാ​ത്ര​മാ​ണ് ഇ​വി​ടെ മു​ന്ന​റി​യി​പ്പാ​യു​ള്ള​ത്.ഇ​താ​ക​ട്ടെ പ​യ​ർ വ​ള്ളി​ക​ൾ ക​യ​റി മൂ​ടി​യ നി​ല​യി​ലു​മാ​ണ്. മ​ഴ​യും മൂ​ട​ൽ​മ​ഞ്ഞു​മു​ള്ള സ​മ​യ​ങ്ങ​ളി​ൽ എ​തി​ർ​ദി​ശ​യി​ൽ വ​രു​ന്ന വാ​ഹ​ന​ങ്ങ​ളി​ൽ ത​ട്ടാ​തി​രി​ക്കാ​ൻ വെ​ട്ടി​ച്ചു​മാ​റ്റു​മ്പോ​ൾ അ​പ​ക​ടം സം​ഭ​വി​ക്കു​ന്ന​തും പ​തി​വാ​ണെ​ന്ന് നാ​ട്ടു​കാ​ർ പ​റ​യു​ന്നു.