ജില്ല ജനറൽ ആശുപത്രി; അഞ്ചാം വാർഡ്​ അറ്റകുറ്റപ്പണി ഉടൻ തുടങ്ങാൻ നിർദേശം

കഴിഞ്ഞ ദിവസം കോൺക്രീറ്റ്​ അടർന്നുവീണ നാലാം വാർഡിൽ എന്തൊക്കെ അറ്റകുറ്റപ്പണി ചെയ്യണമെന്ന്​ എൻജിനീയറിങ്​ വിഭാഗം പരിശോധന നടത്തി എസ്റ്റിമേറ്റ്​ എടുക്കും

കോ​ട്ട​യം: പ്ലാ​സ്റ്റ​റി​ങ്​ അ​ട​ർ​ന്നു​വീ​ണ​തി​നെ തു​ട​ർ​ന്ന്​ നാ​ലു​മാ​സം മു​മ്പ്​ അ​ട​ച്ച ജ​ന​റ​ൽ ആ​ശു​പ​ത്രി​യി​ലെ അ​ഞ്ചാം വാ​ർ​ഡ്​ ന​വീ​ക​ര​ണ​ത്തി​ന്​ അ​ടി​യ​ന്ത​ര​മാ​യി ടെ​ൻ​ഡ​ർ ന​ൽ​കാ​ൻ തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ​യു​ടെ നേ​തൃ​ത്വ​ത്തി​ൽ ചേ​ർ​ന്ന യോ​ഗം നി​ർ​ദേ​ശി​ച്ചു. 10​ ദി​വ​സ​ത്തി​ന​കം ടെ​ൻ​ഡ​ർ പൂ​ർ​ത്തി​യാ​ക്കി പ​ണി ആ​രം​ഭി​ക്ക​ണം. ടെ​ൻ​ഡ​ർ എ​ടു​ക്കാ​ൻ ആ​ളി​ല്ലെ​ങ്കി​ൽ കാ​ല​താ​മ​സം ഒ​ഴി​വാ​ക്കാ​ൻ നി​ർ​മി​തി​പോ​ലു​ള്ള ഏ​ജ​ൻ​സി​യെ ഏ​ൽ​പി​ക്കാ​നും സൂ​പ്ര​ണ്ടി​നെ ചു​മ​ത​ല​പ്പെ​ടു​ത്തി. പ്ര​സ​വാ​ന​ന്ത​ര വാ​ർ​ഡാ​യ അ​ഞ്ചാം വാ​ർ​ഡി​ൽ പ​ള്ളം ബ്ലോ​ക്ക്​ പ​ഞ്ചാ​യ​ത്ത്​ അ​ധി​കൃ​ത​ർ പ​രി​ശോ​ധ​ന ന​ട​ത്തി അ​റ്റ​കു​റ്റ​പ്പ​ണി​ക്ക്​ 32 ല​ക്ഷം രൂ​പ​യു​ടെ എ​സ്റ്റി​മേ​റ്റ്​ ക​ണ​ക്കാ​ക്കി​യി​രു​ന്നു. എ​ന്നാ​ൽ, അ​ത്ര​യും ഫ​ണ്ടി​ല്ലാ​ത്ത​തി​നാ​ൽ 18 ല​ക്ഷ​മാ​യി പു​തു​ക്കി ന​ൽ​കി​യി​ട്ട്​ ര​ണ്ടു മാ​സ​മാ​യി. ഈ ​തു​ക ആ​ശു​പ​ത്രി വി​ക​സ​ന​സ​മി​തി ജി​ല്ല പ​ഞ്ചാ​യ​ത്ത് എ​ൻ​ജി​നീ​യ​റി​ങ് വി​ഭാ​ഗ​ത്തി​ന് കൈ​മാ​റി​യി​ട്ടും ന​ട​പ​ടി​യാ​യി​ട്ടി​ല്ല. അ​ഞ്ചാം വാ​ർ​ഡ്​ പ​ണി പൂ​ർ​ത്തി​യാ​യി​രു​ന്നെ​ങ്കി​ൽ നാ​ലാം വാ​ർ​ഡി​ലെ രോ​ഗി​ക​ളെ അ​ങ്ങോ​ട്ടു മാ​റ്റാ​ൻ ക​ഴി​യു​മാ​യി​രു​ന്നു​വെ​ന്ന്​ ആ​ശു​പ​ത്രി വി​ക​സ​ന സ​മി​തി അം​ഗ​ങ്ങ​ൾ ചൂ​ണ്ടി​ക്കാ​ട്ടി. ക​ഴി​ഞ്ഞ ദി​വ​സം കോ​ൺ​ക്രീ​റ്റ്​ അ​ട​ർ​ന്നു​വീ​ണ നാ​ലാം വാ​ർ​ഡി​ൽ എ​ന്തൊ​ക്കെ അ​റ്റ​കു​റ്റ​പ്പ​ണി ചെ​യ്യ​ണ​മെ​ന്ന്​ എ​ൻ​ജി​നീ​യ​റി​ങ്​ വി​ഭാ​ഗം പ​രി​ശോ​ധ​ന ന​ട​ത്തി എ​സ്റ്റി​മേ​റ്റ്​ എ​ടു​ക്കും. ആ​ശു​പ​​ത്രി വ​ള​പ്പി​ൽ ബ​ഹു​നി​ല മ​ന്ദി​രം പ​ണി​യു​ന്ന​തി​ന്‍റെ ഭാ​ഗ​മാ​യി പൈ​ലി​ങ്​ ന​ട​ത്തു​മ്പോ​ൾ നി​ല​വി​ലെ കെ​ട്ടി​ട​ത്തി​ന്​ കേ​ടു​പാ​ട്​ വ​രു​​മോ എ​ന്ന ആ​ശ​ങ്ക സൂ​പ്ര​ണ്ട്​ ബി​ന്ദു​കു​മാ​രി പ​ങ്കു​വെ​ച്ചു. എ​ന്നാ​ൽ, 80 മീ​റ്റ​ർ മാ​റി​യാ​ണ്​ കെ​ട്ടി​ടം പ​ണി​യു​ന്ന​തെ​ന്നും പ​ഴ​യ കെ​ട്ടി​ട​ത്തെ ബാ​ധി​ക്കി​ല്ലെ​ന്നും നി​ർ​വ​ഹ​ണ ഏ​ജ​ൻ​സി പ്ര​തി​നി​ധി അ​റി​യി​ച്ചു. കെ​ട്ടി​ട​ത്തി​നു മു​ക​ളി​ലെ ഷീ​റ്റ്​ മേ​ൽ​ക്കൂ​ര പ​കു​തി​യേ മ​റ​യ്​​ക്കു​ന്നു​ള്ളൂ. ഇ​തി​നാ​ൽ വെ​ള്ളം മേ​ൽ​ക്കൂ​ര​യി​ൽ നി​ൽ​ക്കു​ക​യാ​ണെ​ന്ന്​ ആ​ശു​പ​ത്രി വി​ക​സ​ന സ​മി​തി അം​ഗ​ങ്ങ​ൾ ശ്ര​ദ്ധ​യി​ൽ​പെ​ടു​ത്തി. എ​ൻ.​എ​ച്ച്.​എം നേ​രി​ട്ട്​ ​ചെ​യ്ത ജോ​ലി​യാ​ണ​ത്. വെ​ള്ളം ഒ​ഴു​ക്കി​ക്ക​ള​യാ​ൻ ഉ​ട​ൻ സൗ​ക​ര്യ​മൊ​രു​ക്ക​ണ​മെ​ന്നും എം.​എ​ൽ.​എ ആ​വ​ശ്യ​പ്പെ​ട്ടു. നേ​ത്ര​രോ​ഗ വി​ഭാ​ഗ​ത്തി​ന്‍റെ ഓ​പ​റേ​ഷ​ൻ തി​യ​റ്റ​ർ പൂ​ട്ടി​യ​തി​നു പ​ക​രം താ​ൽ​ക്കാ​ലി​ക സൗ​ക​ര്യ​ങ്ങ​ൾ ആ​ശു​പ​ത്രി​ക്കു​ള്ളി​ൽ 10, 11, 12 മു​റി​ക​ളി​ൽ​ത​ന്നെ ന​വം​ബ​ർ 23ന​കം ഏ​ർ​പ്പെ​ടു​ത്തും. നി​ല​വി​ലു​ള്ള രോ​ഗി​ക​ളെ പാ​മ്പാ​ടി താ​ലൂ​ക്ക്​ ആ​ശു​പ​​ത്രി​യി​ലേ​ക്ക്​ വി​ടു​ക​യാ​ണ്​ ചെ​യ്യു​ന്ന​ത്.

ശ​നി​യാ​ഴ്ച മു​ത​ൽ അ​വി​ടെ ശ​സ്ത്ര​ക്രി​യ തു​ട​ങ്ങും. ഇ​തി​നാ​യി വാ​ഹ​ന​സൗ​ക​ര്യം ആ​ശു​പ​ത്രി ഏ​ർ​പ്പെ​ടു​ത്തും. ബ​ദ​ൽ സം​വി​ധാ​നം വൈ​കു​ന്ന​തി​നെ​യും എം.​എ​ൽ.​എ വി​മ​ർ​ശി​ച്ചു. അ​ടി​യ​ന്ത​ര​മാ​യി ചെ​യ്യേ​ണ്ട ജോ​ലി​ക​ൾ വൈ​കു​ന്ന​ത്​ ജ​ന​ങ്ങ​ൾ​ക്ക്​ ബു​ദ്ധി​മു​ട്ടു​ണ്ടാ​ക്കു​മെ​ന്നും എം.​എ​ൽ.​എ പ​റ​ഞ്ഞു. ആ​ശു​പ​ത്രി വി​ക​സ​ന സ​മി​തി അം​ഗ​ങ്ങ​ളാ​യ പി.​കെ. ആ​ന​ന്ദ​ക്കു​ട്ട​ൻ, പോ​ൾ​സ​ൻ പീ​റ്റ​ർ, സാ​ബു ഈ​ര​യി​ൽ, ജി​ല്ല പ​ഞ്ചാ​യ​ത്തം​ഗം വൈ​ശാ​ഖ്, മു​നി​സി​പ്പ​ൽ കൗ​ൺ​സി​ല​ർ സി​ൻ​സി പാ​റ​യി​ൽ എ​ന്നി​വ​ർ പ​​ങ്കെ​ടു​ത്തു.