കാറുകൾ കൂട്ടിയിടിച്ച് യാത്രികർക്ക് പരിക്ക്

കോട്ടയം: കാറുകൾ കൂട്ടിയിടിച്ച് യാത്രക്കാർക്ക് നിസ്സാര പരിക്ക്. ഏറ്റുമാനൂർ-പൂഞ്ഞാർ റൂട്ടിൽ വെട്ടിമുകൾ ജങ്ഷന് സമീപമായിരുന്നു അപകടം. പരിക്കേറ്റവരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു.

കേരള കോൺഗ്രസ്-എം ജില്ല സെക്രട്ടറി അപ്പച്ചൻ പാറത്തോട്ടിലിനും ഒപ്പമുണ്ടായിരുന്നവർക്കുമാണ് പരിക്കേറ്റത്. ഈ സമയം ഇതുവഴിയെത്തിയ കേരള കോൺഗ്രസ് ജില്ല പ്രസിഡന്‍റ് സജി മഞ്ഞക്കടമ്പൻ രക്ഷാപ്രവർത്തനത്തിന് നേതൃത്വം നൽകി. കാറിന്‍റെ ചില്ലുകൾ തകർത്താണ് കാറിനുള്ളിലുണ്ടായിരുന്നവരെ പുറത്തെടുത്തത്.