കാർ അപകടം: രണ്ടുകുട്ടികൾ അടക്കം നാലുപേർക്ക് പരിക്ക്

കുറവിലങ്ങാട്: എം.സി റോഡിൽ പുതുവേലിക്ക് സമീപംകാർ അപകടം. നിയന്ത്രണം നഷ്ടമായ കാർ റോഡരികിലൂടെ നടന്നുപോയ കാൽനടക്കാരനെ ഇടിച്ചുവീഴ്ത്തിയശേഷം പാർക്ക് ചെയ്തിരുന്ന ലോറിയിലേക്ക് ഇടിച്ചുകയറി.അപകടത്തിൽ നാലുപേർക്ക് സാരമായി പരിക്കേറ്റു.

കാറോടിച്ച കോട്ടയം നഗരത്തിൽ വാടകക്ക് താമസിക്കുന്ന ചെന്നിത്തല സ്വദേശി റോജി, ഇദ്ദേഹത്തിന്റെ രണ്ടു മക്കൾ, പുതുവേലിയിലെ ഷാപ്പിലെ സെക്യൂരിറ്റി ജീവനക്കാരൻ ജേക്കബ് എന്നിവർക്കാണ് പരിക്കേറ്റത്.

കാർ ഡ്രൈവറെയും, ജേക്കബിനെയും കൂത്താട്ടുകുളം ദേവമാതാ ആശുപത്രിയിൽ പ്രവേശിപ്പിച്ചു. കുട്ടികളെ രണ്ടുപേരെയും കാരിത്താസ് ആശുപത്രിയിൽ എത്തിച്ചു. ഞായറാഴ്ച ഉച്ചക്ക് 12.30നായിരുന്നു അപകടം.കോട്ടയം ഭാഗത്തേക്കുവന്ന കാർ. ഈ സമയം റോഡരികിലൂടെ നടന്നുവരികയായിരുന്ന ജേക്കബിനെ കാർ നിയന്ത്രണംവിട്ട് ഇടിക്കുകയായിരുന്നു.