ഉ​ദ്യോ​ഗ​സ്ഥ​രെ പി​ൻ​വ​ലി​ച്ചു; വാ​ഹ​ന​ങ്ങ​ളു​മി​ല്ല, ജില്ലയിലെ പിങ്ക്​ പൊലീസിനെ ‘പൊളിച്ചടുക്കി

കോ​ട്ട​യം: സ്ത്രീ​ക​ളു​​ടെ​യും കു​ട്ടി​ക​ളു​ടെ​യും സു​ര​ക്ഷ ഉ​റ​പ്പാ​ക്കാ​ൻ ല​ക്ഷ​ങ്ങ​ൾ മു​ട​ക്കി ​ആ​രം​ഭി​ച്ച പി​ങ്ക്​ പൊ​ലീ​സി​നെ ഇ​ല്ലാ​താ​ക്കി​ അ​ധി​കൃ​ത​ർ. പി​ങ്ക്​ പൊ​ലീ​സി​ന്‍റെ ​വാ​ഹ​ന​ങ്ങ​ളും നി​ര​ത്തി​ൽ​നി​ന്ന്​ അ​പ്ര​ത്യ​ക്ഷ​മാ​യി. ഒ​രി​ട​ത്ത്​ വാ​ഹ​നം ക്യാ​മ്പി​ലെ പൊ​ലീ​സു​കാ​രു​ടെ ​കൈ​യി​ലാ​ണെ​ങ്കി​ൽ മ​റ്റൊ​രി​ട​ത്ത്​ സ്​​റ്റേ​ഷ​ൻ ആ​വ​ശ്യ​ങ്ങ​ൾ​ക്കാ​യി ഓ​ടു​ന്നു.

ഉ​ദ്യോ​ഗ​സ്ഥ​രെ പി​ൻ​വ​ലി​ക്കു​ക​യും കൂ​ടി ചെ​യ്ത​തോ​ടെ പി​ങ്ക്​ പൊ​ലീ​സി​ന്‍റെ പ്ര​വ​ർ​ത്ത​നം താ​റു​മാ​റാ​യി. കോ​ട്ട​യം ന​ഗ​ര​ത്തി​ൽ മി​ക​ച്ച രീ​തി​യി​ൽ പ്ര​വ​ർ​ത്ത​നം ന​ട​ത്തി​യി​രു​ന്ന​വ​രാ​ണ്​ പി​ങ്ക്​ പൊ​ലീ​സു​കാ​ർ. രാ​വി​ലെ മു​ത​ൽ രാ​ത്രി വ​രെ പി​ങ്ക്​ വാ​ഹ​നം നി​ര​ത്തി​ലു​ണ്ടാ​കു​മാ​യി​രു​ന്നു. കോ​ള​ജു​ക​ളു​ടെ​യും സ്കൂ​ളു​ക​ളു​ടെ​യും മു​ന്നി​ലും ബ​സ്​ സ്റ്റാ​ൻ​ഡി​ലു​മ​ട​ക്കം പി​ങ്ക്​ പൊ​ലീ​സു​കാ​ർ ക​രു​ത​ലു​മാ​യി കാ​ത്തു​നി​ന്നി​രു​ന്നു.

കെ.​എ​സ്.​ആ​ർ.​ടി.​സി സ്റ്റാ​ൻ​ഡി​ൽ മോ​ഷ​ണം ന​ട​ത്തി മു​ങ്ങാ​ൻ നോ​ക്കി​യ പ്ര​തി​​യെ ഓ​ടി​ച്ചി​ട്ടു പി​ടി​കൂ​ടി​യ ച​രി​ത്ര​മു​ള്ള പി​ങ്ക്​​പൊ​ലീ​സി​നെ​ അ​ധി​കൃ​ത​ർ ത​ന്നെ സ്റ്റേ​ഷ​ന​ക​ത്തൊ​തു​ക്കി. കോ​ട്ട​യം, ച​ങ്ങ​നാ​ശ്ശേ​രി, പാ​ലാ എ​ന്നി​വി​ട​ങ്ങ​ളി​ലാ​യി മൂ​ന്നു പി​ങ്ക്​ പൊ​ലീ​സ്​ വാ​ഹ​ന​ങ്ങ​ളാ​ണ്​ ഉ​ണ്ടാ​യി​രു​ന്ന​ത്. ര​ണ്ട്​ ഡ്രൈ​വ​ർ​മാ​ർ മു​ൻ സീ​റ്റി​ലും ര​ണ്ട്​ ഓ​ഫി​സ​ർ​മാ​ർ പി​ൻ​സീ​റ്റി​ലും എ​ന്നാ​യി​രു​ന്നു നി​ശ്ച​യി​ച്ചി​രു​ന്ന​ത്.

രാ​വി​ലെ എ​ട്ടു​മു​ത​ൽ ഉ​ച്ച​ക്ക്​ ര​ണ്ടു​വ​രെ, ര​ണ്ടു മു​ത​ൽ എ​ട്ടു വ​രെ എ​ന്നി​ങ്ങ​നെ ര​ണ്ട്​ ഷി​ഫ്​​റ്റു​ക​ളി​ലാ​യി​ട്ടാ​യി​രു​ന്നു ഡ്യൂ​ട്ടി. എ​ന്നാ​ൽ, കോ​ട്ട​യ​ത്ത്​ ഇ​പ്പോ​ൾ ഒ​രു ഡ്രൈ​വ​റേ​യു​ള്ളൂ. ര​ണ്ടാ​മ​ത്തെ​യാ​ളെ സ്ഥ​ലം​മാ​റ്റി. ര​ണ്ടാ​മ​ത്തെ ഷി​ഫ്​​റ്റി​ൽ ഓ​ടാ​ൻ ഡ്രൈ​വ​റി​ല്ല. പാ​ലാ​യി​ലെ വാ​ഹ​നം കു​റേ​നാ​ൾ വ​ർ​ക്ക്​​ഷോ​പ്പി​ലാ​യി​രു​ന്നു. പ​ണി ക​ഴി​ഞ്ഞി​റ​ങ്ങി​യ​പ്പോ​ൾ പി​ങ്ക്​ പൊ​ലീ​സി​നു കി​ട്ടി​യി​ല്ല. ക്യാ​മ്പി​ലെ ആ​വ​ശ്യ​ങ്ങ​ൾ​ക്ക്​ ഉ​പ​യോ​ഗി​ക്കു​ന്നു. നി​ല​വി​ൽ പാ​ലാ​യി​ൽ പി​ങ്ക്​ പൊ​ലീ​സി​ല്ല. ഇ​തി​നു പു​റ​മെ​യാ​ണ്​ പി​ങ്ക്​ പൊ​ലീ​സി​ന്​ സ്റ്റേ​ഷ​നി​ൽ ഡ്യൂ​ട്ടി ന​ൽ​കു​ന്ന​ത്.