വിശ്വജിത്, അംജിത്കുമാർ
ചിങ്ങവനം: കെ.എസ്.ആർ.ടി.സി ബസ് ഡ്രൈവർക്കുനേരെ കൈയേറ്റശ്രമം നടത്തിയ യുവാക്കളെ അറസ്റ്റ് ചെയ്തു. പുതുപ്പള്ളി തച്ചുകുന്ന് വെട്ടിമറ്റം വീട്ടിൽ വിശ്വജിത് (23), പനച്ചിക്കാട് 40 ലക്ഷം കോളനിയിൽ പാറക്കൽ തോട്ടിൽ വീട്ടിൽ (നാട്ടകം മൂലവട്ടം മാടമ്പാട്ട് ഭാഗത്ത് വാടകക്ക് താമസം) പി.എ. അംജിത്കുമാർ (19) എന്നിവരെയാണ് ചിങ്ങവനം പൊലീസ് അറസ്റ്റ് ചെയ്തത്. നാട്ടകം കോളജ് ജങ്ഷനിൽ ഇവർ ഓടിച്ചിരുന്ന പെട്ടി ഓട്ടോറിക്ഷ കെ.എസ്.ആർ.ടി.സി ബസിന്റെ പിന്നിൽ ഇടിച്ചത് ബസിന്റെ ഡ്രൈവർ കാരണമാണെന്ന് ആരോപിച്ച് വനിത കണ്ടക്ടറെയും ഡ്രൈവറെയും അസഭ്യംപറയുകയും ഡ്രൈവറെ കൈയേറ്റം ചെയ്യാൻ ശ്രമിക്കുകയുമായിരുന്നു.
പരാതിയെ തുടർന്ന് ചിങ്ങവനം പൊലീസ് കേസെടുക്കുകയും ഇരുവരെയും പിടികൂടുകയുമായിരുന്നു. ചിങ്ങവനം എസ്.എച്ച്.ഒ അനില്കുമാറിന്റെ നേതൃത്വത്തിലാണ് ഇവരെ അറസ്റ്റ് ചെയ്തത്. വിശ്വജിത്തിന് കോട്ടയം ഈസ്റ്റ് സ്റ്റേഷനിലും അംജിത്കുമാറിന് ചിങ്ങവനം സ്റ്റേഷനിലും ക്രിമിനൽക്കേസുണ്ട്. ഇരുവരെയും കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.