ഇ-വേസ്റ്റ് കലക്ഷൻ ഡ്രൈവിൽ റെക്കോഡിട്ട് കോട്ടയം; ആദ്യ ഘട്ടത്തിൽ ശേഖരിച്ചത് 11 ടൺ മാലിന്യം

കോ​ട്ട​യം: കു​മി​യു​ന്ന ഇ-​മാ​ലി​ന്യം എ​ന്തു​ചെ​യ്യു​മെ​ന്ന ചി​ന്ത ഇ​നി വേ​ണ്ട. ഇ​വ ശേ​ഖ​രി​ച്ച് റീ ​സൈ​ക്കി​ൾ ചെ​യ്യാ​ൻ സം​സ്ഥാ​ന സ​ർ​ക്കാ​ർ ആ​വി​ഷ്‌​ക​രി​ച്ച ഇ-​വേ​സ്റ്റ് ക​ല​ക്ഷ​ൻ ഡ്രൈ​വി​ന്റെ ആ​ദ്യ​ഘ​ട്ടം വി​ജ​യം. ത​ദ്ദേ​ശ വ​കു​പ്പ്, ശു​ചി​ത്വ​മി​ഷ​ൻ, ക്ലീ​ൻ കേ​ര​ള ക​മ്പ​നി എ​ന്നി​വ ചേ​ർ​ന്ന് ന​ട​പ്പാ​ക്കി​യ ഇ-​വേ​സ്റ്റ് ക​ല​ക്ഷ​ൻ ഡ്രൈ​വി​ന്റ ഭാ​ഗ​മാ​യി ജി​ല്ല​യി​ൽ മൂ​ന്നു ത​ദ്ദേ​ശ സ്ഥാ​പ​ന​ത്തി​ൽ​നി​ന്നാ​യി ഹ​രി​ത​ക​ർ​മ സേ​നാം​ഗ​ങ്ങ​ൾ നീ​ക്കി​യ​ത് 11 ട​ൺ ഇ-​മാ​ലി​ന്യം. ച​ങ്ങ​നാ​ശ്ശേ​രി, വൈ​ക്കം ന​ഗ​ര​സ​ഭ​ക​ളി​ൽ​നി​ന്ന് മൂ​ന്ന്​ ട​ൺ വീ​ത​വും കു​റി​ച്ചി പ​ഞ്ചാ​യ​ത്തി​ൽ​നി​ന്ന് അ​ഞ്ച്​ ട​ണ്ണും ഇ-​വേ​സ്റ്റാ​ണ് മാ​ലി​ന്യ​മു​ക്ത ന​വ​കേ​ര​ളം കാ​മ്പ​യി​ന്റെ ഭാ​ഗ​മാ​യി നീ​ക്കി​യ​ത്.

സം​സ്ഥാ​ന​ത്താ​കെ അ​ഞ്ച് ത​ദ്ദേ​ശ സ്ഥാ​പ​ന​ങ്ങ​ളെ​യാ​ണ് ആ​ദ്യ​ഘ​ട്ടം എ​ന്ന നി​ല​ക്ക്​ ഇ-​മാ​ലി​ന്യം ശേ​ഖ​രി​ക്കാ​ൻ തെ​ര​ഞ്ഞെ​ടു​ത്ത​ത്. അ​തി​ൽ മൂ​ന്നെ​ണ്ണം കോ​ട്ട​യം ജി​ല്ല​യി​ലേ​താ​ണ്. ച​ങ്ങ​നാ​ശ്ശേ​രി, വൈ​ക്കം ന​ഗ​ര​സ​ഭ​ക​ളും കു​റി​ച്ചി പ​ഞ്ചാ​യ​ത്തും. ബാ​ക്കി ര​ണ്ട് ത​ദ്ദേ​ശ​സ്ഥാ​പ​ന​ങ്ങ​ൾ തൃ​ശൂ​ർ ജി​ല്ല​യി​ലേ​താ​ണ്. ഇ-​മാ​ലി​ന്യ​ത്തി​ന്​ വി​ല ന​ൽ​കി​യാ​ണ്​ ശേ​ഖ​രി​ക്കു​ന്ന​ത്. പി​ന്നീ​ട് ശാ​സ്ത്രീ​യ സം​സ്‌​ക​ര​ണ​ത്തി​നാ​യി ക്ലീ​ൻ കേ​ര​ള ക​മ്പ​നി​ക്ക്​ കൈ​മാ​റും.

എ​ൽ.​സി.​ഡി, എ​ൽ.​ഇ.​ഡി ടെ​ലി​വി​ഷ​ൻ, റെ​ഫ്രി​ജ​റേ​റ്റ​ർ, വാ​ഷി​ങ് മെ​ഷീ​ൻ, മൈ​ക്രോ​വേ​വ് ഓ​വ​ൻ, ഇ​ൻ​ഡ​ക്ഷ​ൻ കു​ക്ക​ർ, വാ​ട്ട​ർ കൂ​ള​ർ, ലാ​പ്ടോ​പ് തു​ട​ങ്ങി 44 ഇ​ന​ങ്ങ​ളാ​ണ് ശേ​ഖ​രി​ക്കു​ന്ന​ത്. ഓ​രോ​ന്നി​നും വി​ല നി​ശ്ച​യി​ച്ചി​ട്ടു​ണ്ട്. തൂ​ക്കം ക​ണ​ക്കാ​ക്കി വി​ല ന​ൽ​കും. സി.​എ​ഫ് ലാ​മ്പ്, ട്യൂ​ബ് ലൈ​റ്റ്, മാ​ഗ്നെ​റ്റി​ക് ടേ​പ്, ഫ്ലോ​പ്പി, ലൈ​റ്റ് ഫി​റ്റി​ങ്സ് തു​ട​ങ്ങി​യ ആ​പ​ത്ക​ര​മാ​ലി​ന്യ​ത്തി​ന്​ വി​ല ല​ഭി​ക്കി​ല്ല. ഇ​വ ശേ​ഖ​രി​ക്കു​ന്ന​തി​ന് അ​ത​ത് ത​ദ്ദേ​ശ​സ്ഥാ​പ​ന​ങ്ങ​ൾ ക്ലീ​ൻ കേ​ര​ള ക​മ്പ​നി​ക്ക് പ​ണം ന​ൽ​ക​ണം.

ഫെ​ബ്രു​വ​രി 28 മു​ത​ൽ മാ​ർ​ച്ച് മൂ​ന്നു​വ​രെ ന​ട​ത്തി​യ ച​ങ്ങ​നാ​ശ്ശേ​രി ന​ഗ​ര​സ​ഭ​യി​ലെ 37 വാ​ർ​ഡി​ൽ​നി​ന്ന്​ 3033.62 കി​ലോ ഇ-​മാ​ലി​ന്യം നീ​ക്കി. ഫെ​ബ്രു​വ​രി 23 മു​ത​ൽ 27 വ​രെ കു​റി​ച്ചി പ​ഞ്ചാ​യ​ത്തി​ലെ 20 വാ​ർ​ഡി​ൽ​നി​ന്നാ​യി 5250.1 കി​ലോ ഇ-​മാ​ലി​ന്യം നീ​ക്കി. ഒ​ന്നാം വാ​ർ​ഡി​ൽ നി​ന്നു​മാ​ത്രം 853 കി​ലോ ശേ​ഖ​രി​ച്ചു. വൈ​ക്കം ന​ഗ​ര​സ​ഭ​യി​ലെ 26 വാ​ർ​ഡി​ലാ​യി​രു​ന്നു ഡ്രൈ​വ്. 3072.836 കി​ലോ ഇ-​മാ​ലി​ന്യം ശേ​ഖ​രി​ച്ചു. ഫെ​ബ്രു​വ​രി 22 മു​ത​ൽ മാ​ർ​ച്ച് നാ​ലു വ​രെ​യാ​ണ് വൈ​ക്ക​ത്ത് ഡ്രൈ​വ് സം​ഘ​ടി​പ്പി​ച്ച​ത്.