ചങ്ങനാശ്ശേരി: മലിന ജലസ്രോതസ്സുകളെ പുനരുജ്ജീവിപ്പിക്കാന് ജനപങ്കാളിത്താധിഷ്ഠിത കര്മപരിപാടികള് ഉറപ്പാക്കണമെന്ന് അഡ്വ.ജോബ് മൈക്കിള് എം.എല്.എ. മാടപ്പള്ളി പഞ്ചായത്തിന്റെ ആഭിമുഖ്യത്തില് സര്ക്കാറിന്റെ നവകേരള കര്മപദ്ധതിയില് ഉള്പ്പെടുത്തി തദ്ദേശ സ്വയംഭരണ വകുപ്പ് നടപ്പാക്കുന്ന'തെളിനീരൊഴുകും നവകേരളം' കാമ്പയിന് ഉദ്ഘാടനം ചെയ്യുകയായിരുന്നു അദ്ദേഹം. ജനപ്രതിനിധികളും ഉദ്യോഗസ്ഥരും ജലസ്രോതസ്സുകളെ പുനരുജ്ജീവിപ്പിക്കാന് കൂടുതല് ജാഗരൂകരാകണമെന്നും അദ്ദേഹം പറഞ്ഞു. തദ്ദേശ സ്വയംഭരണ വകുപ്പിന്റെ മേല്നോട്ടത്തില്, തദ്ദേശ സ്വയംഭരണ സ്ഥാപനങ്ങളുടെ നേതൃത്വത്തില്, ഹരിതകേരള മിഷന്റെയും ശുചിത്വമിഷന്റെയും പങ്കാളിത്തത്തോടെ, ആരോഗ്യവകുപ്പ്, ജലവിഭവ വകുപ്പ്, കില, കുടുംബശ്രീ മിഷന്, ക്ലീന് കേരള കമ്പനി, തൊഴിലുറപ്പ് പദ്ധതി, വിനോദസഞ്ചാര വകുപ്പ് എന്നിവരുടെ സഹകരണത്തിലാണ് കാമ്പയിന് നടപ്പാക്കുന്നത്. പഞ്ചായത്ത് പ്രസിഡന്റ് മണിയമ്മ രാജപ്പന്റെ അധ്യക്ഷതയില് ചേര്ന്ന സമ്മേളനത്തില് അലക്സാണ്ടര് പ്രാകുഴി, ആന്സി ജോസഫ്, പി.എ. ബിന്സണ്, പി.എസ്. രതികല, രമ്യ റോയ്, അന്നമ്മ സാജന്, പി.എം. നൗഫല്, കെ.കെ. മോഹനന്, ബാബു പാറയില്, തങ്കമ്മ ശശിധരമേനോന്, ജിന്സണ് മാത്യു, സെലീനാമ്മ തോമസ്, സിനി വര്ഗീസ്, ജോര്ജ്കുട്ടി കൊഴുപ്പക്കളം, സന്ധ്യ എസ്. പിള്ള, മിനി നായര് തുടങ്ങിയവര് സംസാരിച്ചു. KTL CHR 1 MLA. 'തെളിനീരൊഴുകും നവകേരളം' കാമ്പയിന് മാടപ്പള്ളിയിൽ അഡ്വ.ജോബ് മൈക്കിള് എം.എല്.എ ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.