വയോദമ്പതികളുടെ സൈക്കിൾ യാത്രക്ക്​ മൂന്നര പതിറ്റാണ്ട് പഴക്കം

ഇ​ര​വി​പു​രം: ധ​ന​പാ​ല​ന്‍റെ​യും ഇ​ന്ദി​ര​യു​ടെ​യും സൈ​ക്കി​ൾ യാ​ത്ര​ക്ക്​ മൂ​ന്ന​ര പ​തി​റ്റാ​ണ്ട് കാ​ല​ത്തെ പ​ഴ​ക്കം. 35 വ​ർ​ഷ​മാ​യി പ​തി​വ് തെ​റ്റി​ക്കാ​തെ ഇ​ന്ദി​ര​യെ പ​ന്നി​ലി​രു​ത്തി​യു​ള്ള യാ​ത്ര​ക​ൾ തു​ട​രു​ക​യാ​ണ്. പു​ന്ത​ല​ത്താ​ഴം ടാ​ഗോ​ർ ന​ഗ​ർ 55 ച​രു​വി​ള വീ​ട്ടി​ൽ 73 കാ​ര​നാ​യ ധ​ന​പാ​ല​നും 55 കാ​രി​യാ​യ ഭാ​ര്യ ഇ​ന്ദി​ര​യും മു​ട​ങ്ങാ​തെ​യു​ള്ള സൈ​ക്കി​ൾ യാ​ത്ര പ്ര​ദേ​ശ​ത്തു​കാ​ർ​ക്കാ​കെ സ്ഥി​രം കാ​ഴ്ച​യാ​ണ്.

ഇ​ര​വി​പു​ര​ത്തെ കാ​പെ​ക്സ്​ ക​ശു​വ​ണ്ടി ഫാ​ക്ട​റി​യി​ൽ പീ​ലി​ങ്​ തൊ​ഴി​ലാ​ളി​യാ​ണ്​ ഇ​ന്ദി​ര. ധ​ന​പാ​ല​ൻ ഇ​ന്ദി​ര​യെ വി​വാ​ഹം​ക​ഴി​ച്ച നാ​ൾ മു​ത​ൽ സൈ​ക്കി​ളി​ലി​രു​ത്തി​യാ​ണ് ഫാ​ക്ട​റി​യി​ൽ കൊ​ണ്ടു​വി​ടു​ന്ന​തും തി​രി​കെ വി​ളി​ച്ചു​കൊ​ണ്ടു​പോ​കു​ന്ന​തും. സൈ​ക്കി​ളി​ലി​രു​ന്ന് പോ​കു​ന്ന​തി​ന് ത​നി​ക്ക്​ എ​ന്നും സ​ന്തോ​ഷ​മേ​യു​ള്ളു​വെ​ന്ന്​ ഇ​ന്ദി​ര​യും പ​റ​യു​ന്നു.

എ​ല്ലാ​ദി​വ​സ​വും മു​ട​ങ്ങാ​തെ ഇ​ന്ദി​ര​യെ ഫാ​ക്ട​റി​യി​ൽ കൊ​ണ്ടു​വി​ടു​ന്ന​തി​നും തി​രി​കെ കൊ​ണ്ടു​വ​രു​ന്ന​തി​നു​മാ​യി ഏ​ക​ദേ​ശം 40 കി​ലോ​മീ​റ്റ​റോ​ളം ധ​ന​പാ​ല​ൻ സൈ​ക്കി​ൾ ച​വി​ട്ടും. പ​ത്താം വ​യ​സ്സി​ൽ സൈ​ക്കി​ൾ ച​വി​ട്ടാ​ൻ തു​ട​ങ്ങി​യ ഇ​ദ്ദേ​ഹം ക​ഴി​ഞ്ഞ 63 വ​ർ​ഷ​മാ​യി സൈ​ക്കി​ളി​ലാ​ണ്​ കൂ​ടു​ത​ൽ യാ​ത്ര​ക​ളും. സ്കൂ​ൾ അ​ട​ക്കു​മ്പോ​ൾ കൊ​ല്ലം, ചി​ന്ന​ക്ക​ട പ​ള്ളി​ക്ക​ടു​ത്തു​ള്ള ഒ​രു ക​ട​യി​ൽ സ​ഹാ​യി​യാ​യി ജോ​ലി ചെ​യ്തി​രു​ന്ന ഇ​ദ്ദേ​ഹം അ​വി​ടെ നി​ന്നും ബീ​ഡി തെ​റു​പ്പ് പ​ഠി​ക്കു​ക​യും തെ​റു​പ്പ് തൊ​ഴി​ലാ​ളി​യാ​യി മാ​റു​ക​യു​മാ​യി​രു​ന്നു.

ക​ഴി​ഞ്ഞ 63 വ​ർ​ഷ​ത്തി​നി​ട​യി​ൽ ഒ​രു​പാ​ട് സൈ​ക്കി​ളു​ക​ൾ വാ​ങ്ങി​യി​ട്ടു​ണ്ട്. ഭ​ർ​ത്താ​വി​ന്‍റെ ആ​രോ​ഗ്യ​ത്തി​ന്‍റെ ര​ഹ​സ്യം സൈ​ക്കി​ൾ ച​വി​ട്ടു​ന്ന​താ​ണെ​ന്ന് ബോ​ധ്യ​മു​ള്ള​തി​നാ​ൽ ബ​സി​ൽ പോ​കാ​ൻ പ​റ​ഞ്ഞാ​ലും ഇ​ന്ദി​ര ഭ​ർ​ത്താ​വി​ന്‍റെ സൈ​ക്കി​ളി​ൽ ഇ​രു​ന്നേ ജോ​ലി​ക്കു പോ​കാ​റു​ള്ളൂ.

നാ​ലു​മ​ക്ക​ളി​ൽ കൂ​ലി​പ്പ​ണി​ക്കാ​ര​നാ​യ മൂ​ത്ത മ​ക​ൻ ജോ​ലി​ക്കു​പോ​കു​ന്ന​തും സൈ​ക്കി​ളി​ലാ​ണ്. ഭാ​ര്യ​യു​മൊ​ത്തു​ള്ള ധ​ന​പാ​ല​ന്‍റെ സൈ​ക്കി​ൾ യാ​ത്ര മൂ​ന്ന​ര പ​തി​റ്റാ​ണ്ട് പി​ന്നി​ടു​മ്പോ​ഴും സൈ​ക്കി​ളു​മാ​യി ബ​ന്ധ​പ്പെ​ട്ട് യാ​തൊ​രു അ​പ​ക​ട​ങ്ങ​ളും ഉ​ണ്ടാ​യി​ട്ടി​ല്ലെ​ന്ന് ധ​ന​പാ​ല​നും ഭാ​ര്യ ഇ​ന്ദി​ര​യും സാ​ക്ഷ്യ​പ്പെ​ടു​ത്തു​ന്നു. മു​ട​ങ്ങാ​തെ സൈ​ക്കി​ൾ ച​വി​ട്ടു​ന്ന​തി​ലൂ​ടെ ജീ​വി​ത ശൈ​ലീ​രോ​ഗ​ങ്ങ​ളെ വീ​ടി​ന്‍റെ പ​ടി​ക്ക്​ പു​റ​ത്തു​നി​ർ​ത്തു​ക​യാ​ണ് ധ​ന​പാ​ല​ൻ.