പുനലൂർ: റേഷൻ സാധനങ്ങളുമായി വന്ന ലോറി മറിഞ്ഞു. പുനലൂർ-മടത്തറ മലയോര ഹൈവേയിൽ അടുക്കളമൂല വളവിൽ വെള്ളിയാഴ്ച വൈകിട്ടായിരുന്നു അപകടം.
പുനലൂർ വെയർ ഹൗസിൽ നിന്ന് അഞ്ചൽ, ചടയമംഗലം ഭാഗത്തേക്കുള്ള റേഷൻ സാധനങ്ങൾ കയറ്റിപ്പോയ വാഹനമാണ് അപകടത്തിലായത്. വളവ് തിരിയുമ്പോൾ നിയന്ത്രണം വിട്ട ലോറി പാതയിൽ തന്നെ മറിയുകയായിരുന്നു.
വണ്ടിയിലുണ്ടായിരുന്ന അരി, ഗോതമ്പ് തുടങ്ങിയ സാധനങ്ങൾ അധികവും ചാക്ക് പൊട്ടി പാതയിൽ വീണ് നശിച്ചു. അപകടത്തെ തുടർന്ന് ഏറെ നേരം ഇതുവഴിയുള്ള ഗതാഗതവും തടസ്സപ്പെട്ടു.
പുനലൂർ, പൊലീസ്, ഫയർഫോഴ്സ് എന്നിവരെത്തി െക്രയിനിെൻറ സഹായത്താൽ അപകടത്തിലായ വാഹനം ഉയർത്തി. സെപ്ലെ ഓഫിസ് അധികൃതർ എത്തി ശേഷിക്കുന്ന സാധനങ്ങൾ മറ്റൊരു വാഹനത്തിലേക്ക് മാറ്റി.
ഗുരുതരമായി പരിക്കേറ്റ ഡ്രൈവറെ തിരുവനന്തപുരം മെഡിക്കൽ കോളജ് ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.