Posted On
date_range Updated On
date_range കാറിലെത്തിയ അക്രമിസംഘം നാലുപേരെ വെട്ടിപ്പരിക്കേൽപ്പിച്ചു
പുനലൂർ: രാത്രിയിൽ കാറിലെത്തിയ അജ്ഞാത സംഘത്തിന്റെ ആക്രമണത്തിൽ നാല് പേർക്ക് പരിക്ക്. തൊളിക്കോട് പാലത്തിന് സമീപം ശനിയാഴ്ച രാത്രിയായിരുന്നു ആക്രമണം. മണിയാർ കൊച്ചയ്യത്തിൽ പുത്തൻ വീട്ടിൽ അഖിൽ (31), തൊളിക്കോട് ജോബിൻ ഭവനിൽ തങ്കച്ചൻ (68), തൊളിക്കോട് അംബികാ വിലാസത്തിൽ ബിപിൻ (45), പടിഞ്ഞാറ്റിൻകര പുത്തൻവീട്ടിൽ ഹരീഷ് കുമാർ (50) എന്നിവർക്കാണ് പരിക്ക്. ഇവരെ പുനലൂർ താലൂക്ക് ആശുപത്രിയിൽ പ്രവേശിപ്പിച്ചു.
ശനിയാഴ്ച രാത്രി എട്ടരയോടെ തൊളിക്കോട് പാലത്തിനടുത്തായിരുന്നു ആക്രമണം. കാറിലെത്തിയ നാലംഗസംഘം പ്രദേശവാസികളോട് വിവരമാരായാനെന്നവണ്ണം ഇറങ്ങിയശേഷം പ്രകോപനമില്ലാതെ ആയുധം ഉപയോഗിച്ച് ആക്രമിക്കുകയായിരുന്നു. പരിസരവാസികൾ എത്തുന്നതിന് മുമ്പ് ഈ സംഘം രക്ഷപ്പെട്ടു. കാർ നമ്പർ, സി.സി.ടി.വി ദൃശ്യങ്ങൾ എന്നിവയെ അടിസ്ഥാനമാക്കി പുനലൂർ പൊലീസ് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.