പോളച്ചിറ നശിക്ക​ുന്ന​ു; അധികൃതർ ഇനിയെങ്കിലും ഉണരുമോ

കു​ന്ന​ത്തൂ​ർ: കു​ന്ന​ത്തൂ​ർ പ​ഞ്ചാ​യ​ത്തി​ലെ ആ​റ്റു​ക​ട​വ് വാ​ർ​ഡി​ൽ ഉ​ച്ചി​ക്കോ​ട്ട് ഏ​ലാ​യു​ടെ മ​ധ്യ​ഭാ​ഗ​ത്ത് സ്ഥി​തി ചെ​യ്യു​ന്ന പോ​ള​ച്ചി​റ ശാ​പ​മോ​ക്ഷം തേ​ടു​ന്നു. കാ​ർ​ഷി​ക​മേ​ഖ​ല​യും അ​വി​ക​സി​ത പ്ര​ദേ​ശ​വു​മാ​യ തോ​ട്ട​ത്തും​മു​റി ഗ്രാ​മ​ത്തി​ന്റെ പ്രാ​ണ​വാ​യു​വാ​യി​രു​ന്ന പോ​ള​ച്ചി​റ​യു​ടെ നാ​ശം ആ​രം​ഭി​ച്ച​ത് വ​ർ​ഷ​ങ്ങ​ൾ​ക്കു​മു​മ്പാ​ണ്. 50 സെ​ന്റ് സ്ഥ​ല​ത്ത് വ്യാ​പി​ച്ചു​കി​ട​ക്കു​ന്ന ഈ ​ജ​ലാ​ശ​യം വ​യ​ൽ​മ​ത്സ്യ​ങ്ങ​ളു​ടെ ക​ല​വ​റ കൂ​ടി​യാ​ണ്. ആ​ഫ്രി​ക്ക​ൻ പാ​യ​ലും പു​ല്ലും ചി​റ​യു​ടെ അ​ന്ത​ക​രാ​യി മാ​റി​യി​ട്ട് വ​ർ​ഷ​ങ്ങ​ളാ​യി.

ചി​റ​യു​ടെ ഒ​രു ഭാ​ഗ​ത്തും വെ​ള്ളം കാ​ണാ​നി​ല്ലാ​ത്ത അ​വ​സ്ഥ​യാ​ണ് ഇ​പ്പോ​ൾ. ച​ളി​യും പു​ല്ലും അ​ടി​ഞ്ഞു​കൂ​ടി പോ​ച്ച​ക്ക​ണ്ട​മാ​യി മാ​റി. ചി​റ​യു​ടെ സം​ര​ക്ഷ​ണ​ത്തി​ന് വ​ർ​ഷ​ങ്ങ​ൾ​ക്കു മു​മ്പ് നി​ർ​മി​ച്ച ഭി​ത്തി​യും ക​ൽ​പ്പ​ട​വു​ക​ളും ത​ക​ർ​ന്നു. കു​ന്ന​ത്തൂ​ർ കി​ഴ​ക്ക്, തോ​ട്ട​ത്തും​മു​റി, ആ​റ്റു​ക​ട​വ്, തൂ​മ്പി​ൻ​പു​റം, ഐ​വി​ള, കു​ന്നും​പു​റം തു​ട​ങ്ങി​യ ഭാ​ഗ​ങ്ങ​ളി​ലെ സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ​യു​ള്ള​വ​ർ കു​ളി​ക്കു​ന്ന​തി​നും വ​സ്ത്രം അ​ല​ക്കു​ന്ന​തി​നും വേ​ന​ൽ​ക്കാ​ല​ത്ത് ഈ ​ചി​റ​യെ​യാ​ണ് ആ​ശ്ര​യി​ച്ചി​രു​ന്ന​ത്.

കൂ​ടാ​െ​ത ഏ​ക്ക​ർ ക​ണ​ക്കി​ന് വ്യാ​പി​ച്ചു​കി​ട​ക്കു​ന്ന ഉ​ച്ചി​ക്കോ​ട്ട് ഏ​ലാ​യു​ടെ കാ​ർ​ഷി​ക​സ​മൃ​ദ്ധി​ക്കും ചി​റ ഉ​പ​ക​രി​ച്ചി​രു​ന്നു. ചി​റ​യി​ൽ പ്ര​ത്യേ​ക ഓ​വു​ക​ൾ നി​ർ​മി​ച്ച് അ​തി​ലൂ​ടെ​യാ​യി​രു​ന്നു ഏ​ലാ​യി​ലെ തോ​ടു​ക​ളി​ൽ വെ​ള്ള​മെ​ത്തി​ച്ചി​രു​ന്ന​ത്. എ​ന്നാ​ൽ ചി​റ​യു​ടെ നാ​ശം ഏ​ലാ​യി​ലെ കാ​ർ​ഷി​ക​സ​മൃ​ദ്ധി​യെ​യും പ്ര​തി​കൂ​ല​മാ​യി ബാ​ധി​ച്ചി​ട്ടു​ണ്ട്.

തോ​ട്ട​ത്തും​മു​റി പ്ര​ദേ​ശ​ത്തി​ന്റെ വ​ള​ർ​ച്ച​യു​ടെ നാ​ഴി​ക​ക്ക​ല്ലാ​യ പോ​ള​ച്ചി​റ​യെ സം​ര​ക്ഷി​ക്കു​ന്ന​തി​ൽ അ​ധി​കൃ​ത​ർ കാ​ട്ടു​ന്ന അ​ലം​ഭാ​വ​ത്തി​ൽ പ്ര​തി​ഷേ​ധം ശ​ക്ത​മാ​ണ്. നി​ര​വ​ധി​ത​വ​ണ ജ​ന​പ്ര​തി​നി​ധി​ക​ൾ​ക്ക് പ​രാ​തി ന​ൽ​കി​യെ​ങ്കി​ലും ന​ട​പ​ടി​യെ​ടു​ത്തി​ട്ടി​ല്ലെ​ന്ന് നാ​ട്ടു​കാ​ർ പ​റ​യു​ന്നു.