കൊ​ട്ടി​യം: ദേ​ശീ​യ​പാ​ത​യു​ടെ ഭാ​ഗ​മാ​യ ഉ​യ​ര​പ്പാ​ത​യും സ​ർ​വീ​സ് റോ​ഡും ത​ക​ർ​ന്നു​വീ​ണ മൈ​ല​ക്കാ​ട്ട് ഉ​യ​ര​പ്പാ​ത ത​ക​ർ​ന്ന സ്ഥ​ല​ത്ത് നി​ന്നും മ​ണ്ണും മ​ണ്ണ് നി​റ​യ്ക്കാ​ൻ ഉ​പ​യോ​ഗി​ച്ചി​രു​ന്ന കോ​ൺ​ക്രീ​റ്റ് ബ്ലോ​ക്കു​ക​ളും നീ​ക്കം ചെ​യ്തു തു​ട​ങ്ങി. മ​ണ്ണ് നീ​ക്കി​യ ശേ​ഷം എ​ന്താ​ണ് ചെ​യ്യാ​ൻ പോ​കു​ന്ന​ത് എ​ന്ന് വ്യ​ക്ത​മാ​ക്കാ​ൻ ദേ​ശീ​യ​പാ​ത അ​തോ​റി​റ്റി​യോ ക​രാ​ർ ക​മ്പ​നി​യോ ത​യ്യാ​റാ​കു​ന്നി​ല്ല. പ​ത്തോ​ളം മ​ണ്ണു​മാ​ന്ത്രി യ​ന്ത്ര​ങ്ങ​ളും നി​ര​വ​ധി ജെ​സി​ബി​ക​ളും ഉ​പ​യോ​ഗി​ച്ചാ​ണ് മ​ണ്ണ് നീ​ക്കി തു​ട​ങ്ങി​യ​ത്. മ​ണ്ണ് മാ​ന്തി യ​ന്ത്രം ഉ​പ​യോ​ഗി​ച്ച് ഇ​വി​ടെ നി​ന്നും എ​ടു​ക്കു​ന്ന മ​ണ്ണ് ലോ​റി​ക​ളി​ൽ ക​യ​റ്റി മ​റ്റെ​വി​ടെ​യോ നി​ർ​മാ​ണം ന​ട​ക്കു​ന്ന സ്ഥ​ല​ത്തേ​ക്ക് കൊ​ണ്ടു​പോ​കു​ക​യാ​ണ് ചെ​യ്യു​ന്ന​ത്.

റോ​ഡ് നി​ർ​മാ​ണ​ത്തി​ന് ഉ​പ​യോ​ഗി​ച്ച മ​ണ്ണി​ന്‍റെ കു​ഴ​പ്പ​മാ​ണ് റോ​ഡ് ത​ക​ർ​ന്നു വീ​ഴാ​ൻ കാ​ര​ണ​മാ​യ​തെ​ന്നാ​ണ് വി​ദ​ഗ്ധ​ർ പ​റ​യു​ന്ന​ത്. കാ​യ​ലി​ൽ നി​ന്നെ​ടു​ത്ത മ​ണ്ണ് കോ​ൺ​ക്രീ​റ്റ് സ്ലാ​ബു​ക​ൾ​ക്കി​ട​യി​ൽ നി​റ​ച്ചാ​ണ് റോ​ഡ് നി​ർ​മി​ക്കു​ന്ന​ത്. മ​ഴ​ക്കാ​ല​ത്ത് വെ​ള്ളം മ​ണ്ണി​ലേ​ക്ക് ഇ​റ​ങ്ങു​മ്പോ​ൾ സ്വാ​ഭാ​വി​ക​മാ​യി മ​ണ്ണ് താ​ഴു​ന്ന പ്ര​ക്രി​യ ഉ​ണ്ടാ​കും. ഇ​ത്ത​ര​ത്തി​ൽ​വെ​ള്ളം ഇ​റ​ങ്ങി മ​ണ്ണ് ഇ​രു​ന്നതാ​ണ് കോ​ൺ​ക്രീ​റ്റ് സ്ലാ​ബു​ക​ളും മ​ണ്ണും താ​ഴ്ന്ന് ഗ​ർ​ത്തം രൂ​പ​പ്പെ​ടാ​ൻ ഇ​ട​യാ​ക്കി​യ​തെ​ന്ന് സ്ഥ​ലം സ​ന്ദ​ർ​ശി​ച്ച എ​ൻ​ജി​നി​യ​റിം​ഗ് വി​ദ​ഗ്​​ധ​ർ പ​റ​യു​ന്നു. പ​രി​സ്ഥി​തി​പ​ഠ​നം ന​ട​ത്താ​തെ​യും, പ്ര​ദേ​ശ​വാ​സി​ക​ളു​ടെ എ​തി​ർ​പ്പ് വ​ക​വെ​ക്കാ​തെ​യു​മാ​ണ് റോ​ഡ് നി​ർ​മാ​ണം ന​ട​ത്തി​യ​ത്. ത​ക​ർ​ന്ന സ​ർ​വീ​സ് റോ​ഡ് സ​ഞ്ചാ​ര​യോ​ഗ്യ​മാ​ക്കാ​നു​ള്ള ന​ട​പ​ടി​ക​ളാ​ണ് ഊ​ർ​ജി​ത​മാ​യി ന​ട​ക്കു​ന്ന​ത്.

അപകടകാരണം കലുങ്ക് തകർന്നതെന്ന്​ പ്രാഥമിക വിലയിരുത്തൽ

കൊ​ട്ടി​യം : മൈ​ല​ക്കാ​ടി​ന് സ​മീ​പം നി​ർ​മാ​ണ​ത്തി​ലി​രി​ക്കു​ന്ന ദേ​ശീ​യ പാ​ത ഇ​ടി​ഞ്ഞു​താ​ഴു​ന്ന​തി​ന് കാ​ര​ണ​മാ​യ​ത് ഉ​യ​ര​പ്പാ​ത​ക്ക് താ​ഴെ​യു​ള്ള കോ​ൺ​ക്രീ​റ്റ്​ ക​ലു​ങ്ക് ത​ക​ർ​ന്ന​തെ​ന്ന്​ പ്രാ​ഥ​മി​ക നി​ഗ​മ​നം. ക​ലു​ങ്കി​ന് മു​ക​ൾ​ഭാ​ഗ​ത്തെ കോ​ൺ​ക്രീ​റ്റ് പൂ​ർ​ണ​മാ​യും ഇ​ടി​ഞ്ഞു​താ​ഴ്ന്ന​തോ​ടെ 30 അ​ടി​യി​ലേ​റെ ഉ​യ​ര​ത്തി​ൽ നി​ർ​മ്മി​ച്ച ഉ​യ​ര​പ്പാ​ത ഒ​ന്ന​ട​ങ്കം താ​ഴേ​ക്ക് ഇ​രി​ക്കു​ക​യാ​യി​രു​ന്നു. ഉ​യ​ര​പ്പാ​ത ത​ക​ർ​ന്ന​തോ​ടെ സ​ർ​വീ​സ് റോ​ഡ് അ​ട​ക്കം ത​ഴു​ത്ത​ല ഏ​ലാ​യി​ലെ ച​തു​പ്പി​ലേ​ക്ക് നീ​ങ്ങി മാ​റി. ക​ലു​ങ്കി​ന് അ​ടി​യി​ൽ കൂ​ടി ക​ട​ന്നു പോ​കു​ന്ന 300 എം.​എം. ജ​ല​വി​ത​ര​ണ​ക്കു​ഴ​ൽ സോ​ക്ക​റ്റി​ൽ നി​ന്നും ഊ​രി സ​ർ​വീ​സ് റോ​ഡി​നൊ​പ്പം അ​ഞ്ച് മീ​റ്റ​റോ​ളം നി​ര​ങ്ങി മാ​റി.

തൊ​ളി​ക്കോ​ട് പ​മ്പ് ഹൗ​സി​ൽ വ്യാ​ഴാ​ഴ്ച മു​ത​ൽ ഇ​ല​ക്ട്രി​ക്ക​ൽ പാ​ന​ൽ ബോ​ർ​ഡി​ന്‍റെ അ​റ്റ​കു​റ്റ​പ​ണി​ക​ൾ ന​ട​ക്കു​ന്ന​തി​നാ​ൽ പ​മ്പി​ങ്​ നി​റു​ത്തി​വ​ച്ചി​രി​ക്കു​ക​യാ​യി​രു​ന്നു. അ​തു കൊ​ണ്ട് ഇ​തു വ​ഴി​യു​ള​ള ജ​ല​വി​ത​ര​ണ​ക്കു​ഴ​ലി​ൽ ജ​ല​വി​ത​ര​ണം ഇ​ല്ലാ​യി​രു​ന്ന​ത് അ​പ​ക​ട​ത്തി​ന്‍റെ തീ​വ്ര​ത കു​റ​ച്ചു. 300 എം.​എം. പൈ​പ്പ് ത​ക​ർ​ന്ന് വെ​ള്ളം കു​തി​ച്ചെ​ത്തി​യി​രു​ന്നെ​ങ്കി​ൽ റോ​ഡി​ൽ കു​ടു​ങ്ങി പോ​യ വാ​ഹ​ന​ങ്ങ​ള​ട​ക്കം ഒ​ലി​ച്ച് സ​മീ​പ​ത്തെ ച​തു​പ്പി​ൽ പ​തി​ച്ചേ​നെ.

പ​നം​കു​റ്റി​മ​ല​ജ​ല ശു​ദ്ധീ​ക​ര​ണ ശാ​ല​യി​ൽ നി​ന്നു​ള്ള പ​മ്പി​ങ് ശ​നി​യാ​ഴ്ച രാ​വി​ലെ പു​ന​രാ​രം​ഭി​ച്ചു. റോ​ഡ് ത​ക​ർ​ന്ന സ്ഥ​ല​ത്തെ ജ​ല​വി​ത​ര​ണ​ക്കു​ഴ​ൽ മാ​റ്റി സ്ഥാ​പി​ക്കു​ന്ന​തി​നാ​ൽ ഇ​ത്തി​ക്ക​ര​യി​ൽ നി​ന്നും കൊ​ട്ടി​യം ഭാ​ത്തേ​യ്ക്കു​ള്ള വാ​ൽ​വ് അ​ട​ച്ചി​രി​ക്കു​ന്ന​തി​നാ​ൽ കൊ​ട്ടി​യം ഗു​രു​മ​ന്ദി​രം, കാ​രി​ക്കു​ഴി, കൊ​ല്ലം കോ​ർ​പ്പ​റേ​ഷ​ൻ പ​ഴ​യാ​റ്റി​ൻ​കു​ഴി ജ​ല​സം​ഭ​ര​ണി​ക​ളി​ൽ നി​ന്നും ജ​ല​വി​ത​ര​ണം മു​ട​ങ്ങി​യി​രി​ക്കു​ക​യാ​ണ്. ത​ക​ർ​ന്ന ക​ലു​ങ്കി​ന് പു​റ​ത്തു ജ​ല​വി​ത​ര​ണ​ക്കു​ഴ​ൽ സ്ഥാ​പി​ച്ച് ജ​ല​വി​ത​ര​ണം ന​ട​ത്തു​ന്ന​തി​നു​ള്ള ന​ട​പ​ടി​ക​ളാ​ണ് പു​രോ​ഗ​മി​ക്കു​ന്ന​ത്. സ​ർ​വ്വീ​സ് റോ​ഡി​നോ​ട് ചേ​ർ​ന്ന് നി​ർ​മ്മി​ച്ച കൂ​റ്റ​ൻ ഓ​ട​യും ത​ക​ർ​ന്നു. ഏ​ലാ​യി​ൽ 100 മീ​റ്റ​റോ​ളം ഉ​ള്ളി​ലോ​ട്ട് വി​ള്ള​ലു​ണ്ടാ​യി.​അ​ശാ​സ്ത്രീ​യ​മാ​യാ​ണ് തോ​ട് ക​ട​ന്നു പോ​കു​ന്ന​തി​ന് ക​ലു​ങ്ക് നി​ർ​മ്മി​ച്ച​തെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു. ര​ണ്ട് ഘ​ട്ട​ങ്ങ​ളി​ലാ​യി​രു​ന്നു ക​ലു​ങ്ക് നി​ർ​മ്മാ​ണം. തോ​ട്ടി​ൽ മ​ഴ​യ​ത്ത് ആ​യി​രു​ന്നു ക​ലു​ങ്കി​ന്‍റെ കോ​ൺ​ക്രീ​റ്റിം​ഗ് ന​ട​ത്തി​യ​തെ​ന്ന് നാ​ട്ടു​കാ​ർ ആ​രോ​പി​ച്ചു.