ഗൃഹനാഥനെ കാണാതായ സംഭവം; അന്വേഷണം ഊർജ്ജിതമാക്കണമെന്ന്​ മനുഷ്യാവകാശ കമ്മീഷൻ

കൊ​ല്ലം: ഗൃ​ഹ​നാ​ഥ​നെ കാ​ണാ​താ​യ സം​ഭ​വ​ത്തി​ൽ ആ​രോ​പ​ണ വി​ധേ​യ​രു​ടെ പ​രാ​തി​യി​ൽ മ​നു​ഷ്യാ​വ​കാ​ശ ക​മീ​ഷ​ന്‍റെ ഇ​ട​പെ​ട​ൽ. 2023 ഡി​സം​ബ​ർ 16മു​ത​ൽ കാ​ണാ​താ​യ അ​ഞ്ച​ൽ, ച​ണ്ണ​പ്പേ​ട്ട സ്വ​ദേ​ശി ക​ലേ​ന്ദ്ര​നെ ക​ണ്ടെ​ത്തു​ന്ന​തി​നു​ള്ള ശ്ര​മം ഊ​ർ​ജ്ജി​ത​മാ​ക്ക​ണ​മെ​ന്ന് മ​നു​ഷ്യാ​വ​കാ​ശ ക​മ്മീ​ഷ​ൻ അം​ഗം വി. ​ഗീ​ത ജി​ല്ല പൊ​ലീ​സ് മേ​ധാ​വി​ക്ക് നി​ർ​ദ്ദേ​ശം ന​ൽ​കി.​ര​ണ്ടു മാ​സ​ത്തി​ന​കം അ​ന്വേ​ഷ​ണം പൂ​ർ​ത്തി​യാ​ക്കി നി​യ​മ​ന​ട​പ​ടി സ്വീ​ക​രി​ക്ക​ണ​മെ​ന്നും ക​മ്മീ​ഷ​ൻ ആ​വ​ശ്യ​പ്പെ​ട്ടു.

ക​ലേ​ന്ദ്ര​നെ കാ​ണാ​താ​യ​തു​മാ​യി ബ​ന്ധ​പ്പെ​ട്ട് ത​ന്റെ ഭ​ർ​ത്താ​വി​നും ബ​ന്ധു​ക്ക​ൾ​ക്കു​മെ​തി​രെ ക​ലേ​ന്ദ്ര​ന്‍റെ ബ​ന്ധു​ക്ക​ൾ വ്യാ​ജ ആ​രോ​പ​ണ​ങ്ങ​ൾ സ​മൂ​ഹ​മാ​ധ്യ​മം വ​ഴി​യും പൊ​ലീ​സി​നും ന​ൽ​കി അ​പ​മാ​നി​ക്കു​ക​യാ​ണെ​ന്ന് ചൂ​ണ്ടി​ക്കാ​ട്ടി ച​ണ്ണ​പ്പേ​ട്ട സ്വ​ദേ​ശി​നി സ​മ​ർ​പ്പി​ച്ച പ​രാ​തി​യി​ലാ​ണ് ഉ​ത്ത​ര​വ്.

ക​മീ​ഷ​ൻ ജി​ല്ല പൊ​ലീ​സ് മേ​ധാ​വി​യി​ൽ നി​ന്നും റി​പ്പോ​ർ​ട്ട് വാ​ങ്ങി. പ​രാ​തി​ക്കാ​രി​യു​ടെ ഭ​ർ​ത്താ​വും ഭ​ർ​തൃ​പി​താ​വും സു​ഹൃ​ത്തു​ക്ക​ളു​മാ​യി ചേ​ർ​ന്ന് മ​ദ്യ​പി​ക്കു​ക​യും ക​ലേ​ന്ദ്ര​നു​മാ​യി അ​ടി​പി​ടി ഉ​ണ്ടാ​വു​ക​യും ചെ​യ്ത​താ​യി റി​പ്പോ​ർ​ട്ടി​ലു​ണ്ട്. ഇ​വ​ർ ക​ലേ​ന്ദ്ര​നെ കൊ​ല​പ്പെ​ടു​ത്തി​യ​താ​യി അ​യാ​ളു​ടെ ബ​ന്ധു​ക്ക​ൾ സ​മൂ​ഹ​മാ​ധ്യ​മം വ​ഴി പ്ര​ച​രി​പ്പി​ച്ചി​ട്ടു​ണ്ടെ​ന്നും റി​പ്പോ​ർ​ട്ടി​ലു​ണ്ട്.

കേ​സ് സ്പെ​ഷ​ൽ ടീം ​രൂ​പീ​ക​രി​ച്ച് അ​ന്വേ​ഷി​ക്കാ​ൻ പു​ന​ലൂ​ർ ഡി.​വൈ.​എ​സ്.​പി ക്ക് ​നി​ർ​ദ്ദേ​ശം ന​ൽ​കി​യി​രു​ന്ന​താ​യും അ​ന്വേ​ഷ​ണം ഊ​ർ​ജ്ജി​ത​മാ​യി ന​ട​ക്കു​ന്നു​ണ്ടെ​ന്നും റി​പ്പോ​ർ​ട്ടി​ൽ പ​റ​യു​ന്നു.​എ​ന്നാ​ൽ, അ​ന്വേ​ഷ​ണം മ​ന്ദ​ഗ​തി​യി​ലാ​ണെ​ന്ന് പ​രാ​തി​ക്കാ​രി അ​റി​യി​ച്ചു. ത​ന്‍റെ ഭ​ർ​ത്താ​വും സു​ഹൃ​ത്തു​ക്ക​ളും ക​ലേ​ന്ദ്ര​നെ ഉ​പ​ദ്ര​വി​ച്ചി​ട്ടി​ല്ല. യ​ഥാ​ർ​ത്ഥ കു​റ്റ​വാ​ളി​ക​ളെ നി​യ​മ​ത്തി​ന് മു​ന്നി​ലെ​ത്തി​ക്ക​ണ​മെ​ന്നും പ​രാ​തി​ക്കാ​രി ആ​വ​ശ്യ​പ്പെ​ട്ടു.