വെ​ള്ളം നി​റ​ഞ്ഞ പൊ​തു​കി​ണ​റു​ക​ളി​ൽ മാ​ലി​ന്യം

കൊ​ല്ല​ങ്കോ​ട്: പൊ​തു​കി​ണ​റു​ക​ൾ സ​മ​യ​ബ​ന്ധി​ത​മാ​യി ശു​ചീ​ക​രി​ക്കാ​ത്ത​ത് നാ​ട്ടു​കാ​ർ​ക്ക് ദു​രി​ത​മാ​യി. ഇ​പ്പോ​ൾ നി​റ​ഞ്ഞു​നി​ൽ​ക്കു​ന്ന കി​ണ​റി​ൽ​നി​ന്നും ഒ​രു കു​ടം വെ​ള്ളം പോ​ലും എ​ടു​ക്കാ​ൻ സാ​ധി​ക്കാ​ത്ത ദു​ര​വ​സ്ഥ​യാ​ണ്. പു​തു​ന​ഗ​രം, കൊ​ടു​വാ​യൂ​ർ, കൊ​ല്ല​ങ്കോ​ട്, എ​ല​വ​ഞ്ചേ​രി, മു​ത​ല​മ​ട എ​ന്നീ പ​ഞ്ചാ​യ​ത്തു​ക​ളി​ലാ​യി 18 പൊ​തു​കി​ണ​റു​ക​ളി​ൽ മാ​ലി​ന്യം നി​റ​ഞ്ഞ​തി​നാ​ൽ ഉ​പ​യോ​ഗ​ശൂ​ന്യ​മാ​യി​രി​ക്കു​ക​യാ​ണ്. തദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ വേ​ന​ൽ​ക്കാ​ല​ത്ത് കി​ണ​റു​ക​ൾ ശു​ചീ​ക​രി​ക്കാ​ത്ത​തു​കൊ​ണ്ടാ​ണ് കി​ണ​ർ നാ​ട്ടു​കാ​ർ​ക്ക് ഉ​പ​കാ​ര​മി​ല്ലാ​താ​യ​ത്.

ചി​ല കി​ണ​റു​ക​ൾ ശു​ചീ​ക​രി​ച്ച​താ​യി അ​ധി​കൃ​ത​ർ പ​റ​യു​ന്നു​ണ്ടെ​ങ്കി​ലും ഉ​പ​യോ​ഗ​ശൂ​ന്യ​മാ​യ​വ കൂ​ടു​ത​ലാ​ണ്. കൊ​ല്ല​ങ്കോ​ട് പ​ഞ്ചാ​യ​ത്തി​ൽ ഇ​ത്ത​ര​ത്തി​ൽ നാ​ല് കി​ണ​റു​ക​ൾ ഉ​പ​യോ​ഗി​ക്കാ​നാ​വി​ല്ല. നാ​ല് വ​ർ​ഷ​ങ്ങ​ൾ​ക്ക് മു​മ്പ് വ​രെ നാ​ട്ടു​കാ​ർ ഉ​പ​യോ​ഗി​ച്ചി​രു​ന്ന കി​ണ​റു​ക​ളാ​ണ് പ​രി​പാ​ല​നം ഇ​ല്ലാ​ത്ത​തി​നാ​ൽ നി​ല​വി​ൽ ഉ​പ​യോ​ഗ​ശൂ​ന്യ​മാ​യ​ത്. പോ​ത്ത​മ്പാ​ടം, ന​ണ്ട​ൻ കി​ഴാ​യ, കാ​മ്പ്ര​ത്ത് ച​ള്ള തു​ട​ങ്ങി​യ പ്ര​ദേ​ശ​ങ്ങ​ളി​ൽ നാ​ല് കി​ണ​റു​ക​ൾ സ​മാ​ന രീ​തി​യി​ൽ മാ​ലി​ന്യം നി​റ​ഞ്ഞി​രി​ക്കു​ക​യാ​ണ്. നെ​ന്മാ​റ, എ​ല​വ​ഞ്ചേ​രി പ​ഞ്ചാ​യ​ത്തു​ക​ളി​ൽ അ​ഞ്ച് കി​ണ​റു​ക​ളി​ണ് പ്ലാ​സ്റ്റി​ക് മാ​ലി​ന്യ​വും മ​റ്റും ഉ​പേ​ക്ഷി​ച്ച​തി​നാ​ൽ ശു​ചീ​ക​രി​ക്കാ​തെ നാ​ട്ടു​കാ​ർ​ക്ക് ഗു​ണ​മി​ല്ലാ​താ​യ​ത്.

പു​തു​ന​ഗ​രം പ​ഞ്ചാ​യ​ത്തി​ന് തൊ​ട്ട​ടു​ത്തു​ള്ള പൊ​തു​കി​ണ​ർ പ​ണി​ക​ൾ കൃ​ത്യ​മാ​യി ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ക്കാ​ത്ത​ത് വെ​ള്ളം ദു​ർ​ഗ​ന്ധം വ​മി​ക്കു​ക​യാ​ണ്. വ​ട​വ​ന്നൂ​ർ പ​ട്ട​ത്ത​ല​ച്ചി​യി​ലും നി​റ​ഞ്ഞു​നി​ൽ​ക്കു​ന്ന കി​ണ​റി​ന​ക​ത്ത് മ​ദ്യ​കു​പ്പി​ക​ളാ​ണ്. ല​ക്ഷ​ങ്ങ​ൾ ചെ​ല​വ​ഴി​ച്ച് കി​ണ​റു​ക​ൾ നി​ർ​മി​ക്കു​മ്പോ​ൾ അ​വ ഇ​രു​മ്പ് വ​ല ഉ​പ​യോ​ഗി​ച്ച് മ​റ​ക്കാ​നും സം​ര​ക്ഷി​ക്കാ​നും വേ​ണ്ട ന​ട​പ​ടി​ക​ൾ പ​ഞ്ചാ​യ​ത്തു​ക​ൾ ചെ​യ്യു​ന്നി​ല്ല.