ഡോ. വന്ദനദാസ് കൊലക്കേസ്​; വിതുമ്പിക്കരഞ്ഞ്​ ഡോ. മുഹമ്മദ്​ ഷിബിൻ

കൊ​ല്ലം: സു​ഹൃ​ത്തും സ​ഹ​പാ​ഠി​യു​മാ​യി​രു​ന്ന ഡോ. ​വ​ന്ദ​ന​ദാ​സ് ആ​ക്ര​മി​ക്ക​പ്പെ​ട്ട സം​ഭ​വം കോ​ട​തി​മു​റി​യി​ൽ ഡോ.​ ​മു​ഹ​മ്മ​ദ്​ ഷി​ബി​ൻ വി​വ​രി​ച്ച​ത് വി​തു​മ്പി​ക്കൊ​ണ്ടാ​യി​രു​ന്നു. സം​ഭ​വ​ദി​വ​സം രാ​വി​ലെ എ​ട്ടി​ന്​​ ഇ​രു​വ​രു​ടെ​യും ഡ്യൂ​ട്ടി അ​വ​സാ​നി​ക്കേ​ണ്ട​താ​യി​രു​ന്നു. പു​ല​ർ​ച്ച അ​ഞ്ചി​നാ​ണ്​ ര​ണ്ട്​ പൊ​ലീ​സ്​ ഉ​ദ്യോ​ഗ​സ്ഥ​രും കു​ട​വ​ട്ടൂ​ർ സ്വ​ദേ​ശി​യാ​യ പ്ര​തി സ​ന്ദീ​പും ര​ണ്ട് സ​മീ​പ​വാ​സി​ക​ളും കൊ​ട്ടാ​ര​ക്ക​ര താ​ലൂ​ക്കാ​ശു​പ​ത്രി​യി​ലെ​ത്തു​ന്ന​ത്.

പ്ര​തി​യു​ടെ കാ​ലു​ക​ളി​ൽ മു​റി​വു​ണ്ടാ​യി​രു​ന്ന​തി​നാ​ൽ കാ​ഷ്വ​ൽ​റ്റി​യി​ലെ പ്രൊ​സീ​ജ്യ​ർ​ റൂ​മി​ലേ​ക്ക്​ മാ​റ്റു​ക​യാ​യി​രു​ന്നു. ഒ.​പി ചീ​ട്ടി​ൽ എ​ക്സ് ​റേ ​എ​ഴു​തി പ്ര​തി​യോ​ടൊ​പ്പം എ​ത്തി​യ​യാ​ളു​ടെ കൈ​യി​ൽ ന​ൽ​കി​ ഷി​ബി​ൻ പു​റ​ത്തേ​ക്ക്​ പോ​യി.

ഇ​തി​നു​ശേ​ഷം പ്ര​തി സ​ന്ദീ​പ്​ കൂ​ടെ​യെ​ത്തി​യ​യാ​ളെ​യും പൊ​ലീ​സ്​ ഉ​ദ്യോ​ഗ​സ്ഥ​രെ​യും ആ​ക്ര​മി​ക്കു​ക​യും ഒ​രാ​ളു​ടെ ത​ല​യി​ൽ ക​ത്രി​ക​യു​പ​യോ​ഗി​ച്ച്​ കു​ത്തു​ക​യും ചെ​യ്തു. ത​ട​യാ​നെ​ത്തി​യ പൊ​ലീ​സ്​ ഉ​ദ്യോ​ഗ​സ്ഥ​നെ​യും ആം​ബു​ല​ൻ​സ്​ ഡ്രൈ​വ​റെ​യും ആ​ക്ര​മി​ച്ചു. തു​ട​ർ​ന്നാ​ണ്​ കാ​ഷ്വ​ൽ​റ്റി​യി​ലെ പ്രൊ​സീ​ജ്യ​ർ​ റൂ​മി​ലേ​ക്കെ​ത്തി​യ ഡോ. ​വ​ന്ദ​ന​ദാ​സി​നെ പ്ര​തി ആ​ക്ര​മി​ച്ച​ത്. പ്രൊ​സീ​ജ്യ​ർ​ റൂ​മി​ൽ​നി​ന്നു​ള്ള നി​ല​വി​ളി​കേ​ട്ടാ​ണ്​ കാ​ഷ്വ​ൽ​റ്റി​യി​ലെ ഫാ​ർ​മ​സി​ക്കു​സ​മീ​പം നി​ന്ന ഷി​ബി​ൻ അ​വി​ടേ​ക്ക്​ ഓ​ടി​യെ​ത്തു​ന്ന​ത്. അ​വി​ടെ​വെ​ച്ച്​ ​പ്ര​തി സ​ന്ദീ​പ്​ വ​ന്ദ​ന​യു​ടെ ഇ​ട​തു​കൈ​യി​ൽ പി​ടി​ച്ചു​നി​ർ​ത്തി ഒ​ര​ടി​യോ​ളം നീ​ള​മു​ള്ള സ​ർ​ജി​ക്ക​ൽ ക​ത്രി​ക ഉ​പ​യോ​ഗി​ച്ച്​ ‘നി​ന്നെ കൊ​ല്ലു​മെ​ടീ ...’ എ​ന്ന്​ ​ആ​ക്രോ​ശി​ച്ച്​ ത​ല​യി​ലും പു​റ​ത്തും കു​ത്തു​ക​യാ​യി​രു​ന്നു.

പ​രി​ഭ്രാ​ന്ത​നാ​യ​ ഷി​ബി​ൻ വ​ന്ദ​ന​യെ കാ​ലി​ൽ പി​ടി​ച്ചു​വ​ലി​ച്ച്​ ര​ക്ഷി​ക്കാ​ൻ ശ്ര​മി​ച്ചി​ട്ടും ന​ട​ന്നി​ല്ല. തു​ട​ർ​ന്ന്, പ്ര​തി​യു​ടെ കാ​ലി​ൽ ച​വി​ട്ടി​മാ​റ്റി വ​ന്ദ​ന ഓ​ടി​ര​ക്ഷ​പ്പെ​ടാ​ൻ ശ്ര​മി​ക്കു​ക​യാ​യി​രു​ന്നു. ആ ​സ​മ​യം ക​ഴു​ത്തി​ലും പു​റ​ത്തും ത​ല​യി​ലും ആ​ഴ​ത്തി​ലു​ള്ള മു​റി​വേ​റ്റി​രു​ന്ന വ​ന്ദ​ന ന​ട​ക്കാ​നും ശ്വാ​സ​മെ​ടു​ക്കാ​നും പ്ര​യാ​സ​മു​ള്ള​താ​യി പ​റ​ഞ്ഞു. തു​ട​ർ​ന്ന്,​ വ​ന്ദ​ന​യെ പു​റ​ത്തു​ണ്ടാ​യി​രു​ന്ന പൊ​ലീ​സ്​ വാ​ഹ​ന​ത്തി​ൽ​ കൊ​ട്ടാ​ര​ക്ക​ര​യി​ലു​ള്ള വി​ജ​യ ഹോ​സ്പി​റ്റ​ലി​ലെ​ത്തി​ക്കു​ക​യാ​യി​രു​ന്നു. തു​ട​ർ​ന്ന്, വ​ന്ദ​ന​ദാ​സ്​ മ​രി​ച്ച​താ​യും ഷി​ബി​ൻ മൊ​ഴി​ന​ൽ​കി. ഒ​ന്നാം സാ​ക്ഷി​യു​ടെ മൊ​ഴി​കേ​ൾ​ക്കാ​ൻ കോ​ട​തി​യി​ൽ ഡോ. ​വ​ന്ദ​ന​ദാ​സി​ന്‍റെ മാ​താ​പി​താ​ക്ക​ളാ​യ മു​ട്ടു​ചി​റ ന​മ്പി​ച്ചി​റ​ക്കാ​ലാ​യി​ൽ മോ​ഹ​ൻ​ദാ​സും വ​സ​ന്ത​കു​മാ​രി​യു​മെ​ത്തി​യി​രു​ന്നു.