എസ്​.ഐ പരാതിക്കാരനെക്കൊണ്ട്​ യുവാവിനെ അടിപ്പിച്ചതായി പരാതി

കൊ​ല്ലം​: പ്രാ​ക്കു​ള​ത്ത് യു​വാ​ക്ക​ൾ ത​മ്മി​ൽ ത​ല്ലി​യ കേ​സി​ൽ മ​ധ്യ​സ്ഥ ച​ർ​ച്ച​ക്കി​ടെ എ​സ്.​ഐ പ​രാ​തി​ക്കാ​ര​നെ​ക്കൊ​ണ്ട് എ​തി​ർ​ക​ക്ഷി​യു​ടെ മു​ഖ​ത്ത​ടി​പ്പി​ച്ച​താ​യി പ​രാ​തി. തു​ട​ർ​ന്ന്​ എ​സ്.​ഐ യു​വാ​വി​ന്റെ കാ​ലി​ലും ന​ടു​വി​നും ബൂ​ട്ടി​ട്ട് ച​വി​ട്ടി​യ​താ​യും പ​രാ​തി​യു​ണ്ട്.

അ​ഞ്ചാ​ലും​മൂ​ട് എ​സ്.​ഐ ജ​യ​ശ​ങ്ക​ർ, തൃ​ക്ക​രു​വ മാ​വ​ഴി​ക​ത്ത് പ​ടി​ഞ്ഞാ​റ്റ​തി​ൽ സെ​ബാ​സ്റ്റ്യ​നെ (19) പ​രാ​തി​ക്കാ​ര​നാ​യ പ്രാ​ക്കു​ളം സ്വ​ദേ​ശി രാ​ഹു​ലി(19)​നെ കൊ​ണ്ട്​ അ​ടി​പ്പി​ച്ചു എ​ന്നാ​ണ്​ യു​വാ​വി​ന്റെ ബ​ന്ധു​ക്ക​ൾ സി​റ്റി പൊ​ലീ​സ് ക​മീ​ഷ​ണ​ർ​ക്ക് ന​ൽ​കി​യ പ​രാ​തി​യി​ൽ പ​റ​യു​ന്ന​ത്.

ഫു​ട്ബാ​ൾ മ​ത്സ​ര​ത്തെ തു​ട​ർ​ന്ന് യു​വാ​ക്ക​ൾ ത​മ്മി​ൽ ത​ർ​ക്കം നി​ല​നി​ന്നി​രു​ന്നു. ക​ഴി​ഞ്ഞ​ദി​വ​സം വൈ​കീ​ട്ട് സാ​മ്പ്രാ​ണി​ക്കോ​ടി​യി​ലേ​ക്ക് അ​ഗ്നി​ശ​മ​ന​സേ​ന​യെ​ത്തി​യ​ത് അ​ന്വേ​ഷി​ക്കാ​നാ​യി പ്രാ​ക്കു​ള​ത്തെ​ത്തി​യ സെ​ബാ​സ്റ്റ്യ​നും രാ​ഹു​ലും ത​മ്മി​ൽ ത​ർ​ക്ക​വും ത​ല്ലു​മു​ണ്ടാ​യി.

ബു​ധ​നാ​ഴ്ച രാ​വി​ലെ അ​ഞ്ചാ​ലും​മൂ​ട് പൊ​ലീ​സി​ൽ രാ​ഹു​ൽ ന​ൽ​കി​യ പ​രാ​തി​യി​ൽ പ്ര​ശ്ന​പ​രി​ഹാ​ര​ത്തി​നെ​ന്ന് പ​റ​ഞ്ഞ് ഇ​രു​വ​രെ​യും വി​ളി​ച്ചു​വ​രു​ത്തി. എ​സ്.​ഐ​യു​ടെ മു​റി​യി​ൽ​വെ​ച്ച്​ രാ​ഹു​ലി​നോ​ട് സെ​ബാ​സ്റ്റ്യ​നെ മു​ഖ​ത്ത​ടി​ക്കാ​ൻ എ​സ്.​ഐ ജ​യ​ശ​ങ്ക​ർ പ​റ​യു​ക​യും അ​ടി​ക്കാ​തി​രു​ന്ന​തോ​ടെ ആ​വ​ർ​ത്തി​ച്ചാ​വ​ശ്യ​പ്പെ​ടു​ക​യും യു​വാ​വ്​ അ​ടി​ക്കു​ക​യും ചെ​യ്തു.

രാ​ഹു​ലി​ന്‍റെ പ​രാ​തി​യി​ൽ കേ​സെ​ടു​​ത്തി​ല്ലെ​ങ്കി​ലും സെ​ബാ​സ്റ്റ്യ​നെ വി​ട്ട​യ​ക്കാ​തെ എ​സ്.​ഐ മ​ർ​ദി​ക്കു​ക​യും തു​ട​ർ​ന്ന്​ പൊ​തു​പ്ര​വ​ർ​ത്ത​ക​ർ ഇ​ട​പെ​ട്ട​തി​നെ തു​ട​ർ​ന്ന് വി​ടു​ക​യു​മാ​യി​രു​ന്നു​വെ​ന്നും പ​രാ​തി​യി​ൽ പ​റ​യു​ന്നു. സെ​ബാ​സ്റ്റ്യ​ന്‍റെ പ​രാ​തി​യി​ൽ എ​സ്.​ഐ ജ​യ​ശ​ങ്ക​റി​നും രാ​ഹു​ലി​നു​മെ​തി​രെ കേ​സെ​ടു​ത്തു. സ്​​പെ​ഷ​ൽ ബ്രാ​ഞ്ച് എ.​സി.​പി സ​ക്ക​റി​യ അ​ഞ്ചാ​ലും​മൂ​ട് സ്റ്റേ​ഷ​നി​ലെ​ത്തി യു​വാ​ക്ക​ളി​ൽ നി​ന്നും ഡ്യൂ​ട്ടി​യി​ലു​ണ്ടാ​യി​രു​ന്ന പൊ​ലീ​സു​കാ​രി​ൽ നി​ന്നും വി​വ​ര​ങ്ങ​ൾ ശേ​ഖ​രി​ച്ചു.

യു​വാ​ക്ക​ളോ​ട് വ്യാ​ഴാ​ഴ്ച രാ​വി​ലെ എ.​സി.​പി ഓ​ഫി​സി​ലെ​ത്താ​ൻ നി​ർ​ദേ​ശി​ച്ചു. എ​ന്നാ​ൽ, എ​സ്.​ഐ പ​റ​ഞ്ഞ​ത​നു​സ​രി​ച്ചാ​ണ് രാ​ഹു​ൽ ത​ന്നെ അ​ടി​ച്ച​തെ​ന്ന വാ​ച​കം ത​ന്‍റെ മൊ​ഴി വാ​യി​ച്ചു​കേ​ൾ​പ്പി​ച്ച​പ്പോ​ൾ ഇ​ല്ലാ​യി​രു​ന്നു​വെ​ന്നും ഇ​ത് എ​സ്.​ഐ​യെ ര​ക്ഷി​ക്കാ​നു​ള്ള ശ്ര​മ​മാ​ണെ​ന്നും സെ​ബാ​സ്​​റ്റ്യ​ൻ ആ​രോ​പി​ച്ചു. ഇ​ത്ത​രം സം​ഭ​വ​ങ്ങ​ളൊ​ന്നും ഉ​ണ്ടാ​യി​ട്ടി​ല്ലെ​ന്നാ​ണ് അ​ഞ്ചാ​ലും​മൂ​ട് പൊ​ലീ​സി​ന്റെ വി​ശ​ദീ​ക​ര​ണം.