ഫലം മാറിമറിഞ്ഞ് മിമിക്രി കൊല്ലം: ഫലപ്രഖ്യാപനത്തിനു പിന്നാലെതന്നെ വിജയികളുടെ കാര്യത്തിൽ ആക്ഷേപമുയർന്ന പെൺവിഭാഗം മിമിക്രിയിൽ അപ്പീലുകൾ തീർപ്പായപ്പോൾ ഫലം മാറിമറിഞ്ഞു. യുവജനോത്സവത്തിൽ നൂറിലധികം അപ്പീലുകൾ ലഭിച്ചിരുന്നെങ്കിലും ഈ വിഭാഗം മാത്രമാണ് ഫലം വ്യത്യാസമുണ്ടായത്. ബുധനാഴ്ച പ്രഖ്യാപിച്ച ഫലത്തിൽ പഴയ ഒന്ന്, രണ്ട് സ്ഥാനക്കാർ പുറത്തായി. അനുവദിച്ച നിശ്ചിത സമയം പാലിക്കാത്തതാണ് ഇരുവർക്കും വിനയായത്. ഇതോടെ മൂന്നാം സ്ഥാനത്തുണ്ടായിരുന്ന തിരുവനന്തപുരം ആറ്റിങ്ങൽ ഗവ. കോളജിലെ എ. അന്നദ ഒന്നാമതെത്തി. തിരുവനന്തപുരം എം.ഇ.ടി.സി.എ ഇന്സ്റ്റിറ്റ്യൂട്ട് ഒാഫ് ടീച്ചര് എജുക്കേഷനിലെ ശ്രുതി സുന്ദർ രണ്ടാം സ്ഥാനം നേടി. വര്ക്കല ശിവഗിരി എസ്.എൻ കോളജിലെ കാഴ്ച പരിമിതിയുള്ള ഷിഫ്ന മറിയം മൂന്നാം സ്ഥാനവും സ്വന്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.