കുളത്തൂപ്പുഴ: സഹകരണ അംഗ സമാശ്വസ പദ്ധതിപ്രകാരം സര്ക്കാര് അനുവദിച്ച ചികിത്സ ധനസഹായങ്ങള് ഗുണഭോക്താക്കള്ക്ക് വിതരണം ചെയ്തു. കുളത്തൂപ്പുഴ സര്വിസ് സഹകരണ ബാങ്കിൻെറ നേതൃത്വത്തില് കഴിഞ്ഞ ദിവസം സംഘടിപ്പിച്ച പരിപാടി പി.എസ്. സുപാല് എം.എല്.എ ഉദ്ഘാടനം ചെയ്തു. ഗുരുതര രോഗം ബാധിച്ചതും അശരണരുമായ സഹകാരികളെ സഹായിക്കാനായി നടപ്പാക്കുന്ന പദ്ധതി പ്രകാരം 11 ലക്ഷം രൂപയാണ് അനുവദിച്ചുകിട്ടിയത്. ആദ്യഘട്ടമെന്ന നിലയില് 52 പേര്ക്കാണ് ആശ്വാസ ധനസഹായം അനുവദിച്ചത്. ബാങ്ക് പ്രസിഡന്റ് കെ.ജെ. അലോഷ്യസ് അധ്യക്ഷത വഹിച്ചു. ജില്ല പഞ്ചായത്തംഗം കെ. അനില്കുമാര്, ബ്ലോക്ക് പഞ്ചായത്തംഗങ്ങളായ റീന ഷാജഹാന്, ഇ.കെ. സുധീര്, ഭരണസമിതി അംഗങ്ങളായ കെ.ജി. ബിജു, എസ്. മോഹനന്പിള്ള, ബി. രാജീവ്, കെ. ജോണി, കെ. അനില്കുമാര്, ഷാനിമോള്, മിനി വര്ഗീസ്, അപര്ണ, സെക്രട്ടറി പി. ജയകുമാര് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.