കടുങ്ങല്ലൂരിൽ കോൺഗ്രസ് യോഗത്തിനിടെ എ - ഐ ഗ്രൂപ്പുകാർ ഏറ്റുമുട്ടി

ആലുവ: കടുങ്ങല്ലൂരിൽ കോൺഗ്രസ് യോഗത്തിനിടെ എ. - ഐ. ഗ്രൂപ്പുകാർ ഏറ്റുമുട്ടി. മണ്ഡലം ഭാരവാഹികളുടെ സ്ഥാനാരോഹണ ചടങ്ങിലാണ് കയ്യാങ്കളി ഉണ്ടായത്.

പാർട്ടി ഓഫീസിനകത്ത് പ്രവർത്തകരുടെ കയ്യാങ്കളിയുടെ ദൃശ്യങ്ങൾ പുറത്തായി. ഏറ്റുമുട്ടിയ പ്രവർത്തകർ കസേരകൾ വലിച്ചെറിഞ്ഞു.

എ ഗ്രൂപ്പിെൻറ നേതൃത്വത്തിലുള്ളതാണ് മണ്ഡലം കമ്മിറ്റി. ഇത്തവണ പഞ്ചായത്തിൽ രണ്ട് മണ്ഡലം കമ്മിറ്റികൾ രൂപീകരിച്ചിട്ടും ഐ ഗ്രൂപ്പിന് ഭാരവാഹിത്വം ലഭിച്ചില്ല. ഇതേതുടർന്ന് ഒരു സംഘം യോഗത്തിലേക്ക് പ്രതിഷേധവുമായി എത്തുകയായിരുന്നു.