പരപ്പയിലെ ലോട്ടറി കടയിലേക്ക് പരിഭ്രാന്തിപരത്തി ഓടുന്ന പന്നി
നീലേശ്വരം: മലയോരത്ത് വീണ്ടും കാട്ടുപന്നികൾ റോഡിൽ ഇറങ്ങുന്നത് പരിഭ്രാന്തിപരത്തുന്നു. പരപ്പയിൽ ഒരുമാസം മുമ്പാണ് പന്നികൾ പട്ടാപ്പകൽ ടൗണിലൂടെ ഭീതി ജനിപ്പിച്ച് പരക്കംപാഞ്ഞത്. ചൊവ്വാഴ്ച രാവിലെയും പന്നികൾ കൂട്ടത്തോടെ ടൗണിലൂടെ തലങ്ങും വിലങ്ങും ഓടി.
തൊട്ടടുത്തുള്ള പരപ്പ ഗവ. സ്കൂൾ ഇല്ലാത്ത സമയമായതിനാൽ വലിയ അപകടം ഒഴിവായി. വ്യാപാര സ്ഥാപനങ്ങളുടെ വരാന്തയിലൂടെയും പന്നികൾ ഓടിക്കയറി. വെള്ളരിക്കുണ്ട് കഴിഞ്ഞ ആഴ്ചയിൽ അക്രമാസക്തമായ കാട്ടുപന്നിയെ വനപാലകർ വെടിവെച്ചിരുന്നു. ആളുകൾക്ക് പകൽസമയത്തും ടൗണിലെത്തി ആവശ്യങ്ങൾ നിറവേറ്റാൻ പറ്റാത്ത അവസ്ഥയാണ്.
തുറന്നിട്ട വ്യാപാരസ്ഥാപനങ്ങളിൽ കയറി സാധനങ്ങൾ നശിപ്പിക്കുന്ന അവസ്ഥയുമുണ്ട്. ഇരുചക്ര-മുച്ചക്ര വാഹനങ്ങളിൽ പോകുന്നവർക്കും പന്നികൾ ഭീഷണിയാവുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.