വൈദ്യുതിയില്ല; ഇനിയും തുറക്കാതെ 2023ൽ ഉദ്ഘാടനം ചെയ്ത ആ​രോ​ഗ്യ കേ​ന്ദ്രം കെ​ട്ടി​ടം

നീ​ലേ​ശ്വ​രം: ഉ​ദ്ഘാ​ട​നം ക​ഴി​ഞ്ഞ് മൂ​ന്നു​വ​ർ​ഷം ക​ഴി​ഞ്ഞി​ട്ടും ചി​കി​ത്സ ല​ഭ്യ​മാ​ക്കാ​തെ സ​ർ​ക്കാ​ർ ആ​തു​രാ​ല​യ കെ​ട്ടി​ടം. നീ​ലേ​ശ്വ​രം ന​ഗ​ര​സ​ഭ​യി​ൽ മ​ത്സ്യ​ത്തൊ​ഴി​ലാ​ളി​ക​ൾ തി​ങ്ങി പാ​ർ​ക്കു​ന്ന തൈ​ക്ക​ട​പ്പു​റം കു​ടും​ബാ​രോ​ഗ്യ കേ​ന്ദ്ര​മാ​ണ് ഇ​ങ്ങ​നെ അ​ട​ഞ്ഞു​കി​ട​ക്കു​ന്ന​ത്‌.

കാ​സ​ർ​കോ​ട് വി​ക​സ​ന പാ​ക്കേ​ജി​ൽ ഉ​ൾ​പ്പെ​ടു​ത്തി നി​ർ​മി​ച്ച പു​തി​യ കെ​ട്ടി​ട​ത്തി​ന് വൈ​ദ്യു​തി ക​ണ​ക്ഷ​ൻ ല​ഭി​ക്കാ​ത്ത​താ​ണ് കു​ടും​ബാ​രോ​ഗ്യ കേ​ന്ദ്രം തു​റ​ന്നു പ്ര​വ​ർ​ത്തി​ക്കാ​ത്ത​തി​ന്റെ പ്ര​ധാ​ന കാ​ര​ണ​മാ​യി ചൂ​ണ്ടി​കാ​ണി​ക്ക​പ്പെ​ടു​ന്ന​ത്. 2023 മാ​ർ​ച്ചി​ൽ ആ​രോ​ഗ്യ മ​ന്ത്രി വീ​ണ ജോ​ർ​ജ് ഓ​ൺ​ലൈ​നാ​യാ​ണ് പു​തി​യ ആ​തു​രാ​ല​യ കെ​ട്ടി​ടം ഉ​ദ്ഘാ​ട​നം ചെ​യ്ത​ത്. വ​ർ​ഷ​ങ്ങ​ൾ ക​ഴി​ഞ്ഞി​ട്ടും വൈ​ദ്യു​തി ബ​ന്ധം ല​ഭ്യ​മാ​ക്കാ​ൻ ന​ഗ​ര​സ​ഭ​യു​ടെ ഭാ​ഗ​ത്തു​നി​ന്ന് ഇ​ട​പെ​ട​ലു​ക​ൾ ഉ​ണ്ടാ​യി​ട്ടി​ല്ലെ​ന്ന ആ​ക്ഷേ​പ​മാ​ണ് മ​ത്സ്യ​ത്തൊ​ഴി​ലാ​ളി​ക​ൾ ഉ​ന്ന​യി​ക്കു​ന്ന​ത്. വ​ർ​ഷ​ങ്ങ​ളാ​യി പു​തി​യ ജ​ന​റേ​റ്റ​റും പ്ര​വ​ർ​ത്ത​ന​ര​ഹി​ത​മാ​ണ്.

നി​ല​വി​ൽ തീ​ര​ദേ​ശ മേ​ഖ​ല​യാ​യ തൈ​ക്ക​ട​പ്പു​റ​ത്ത് പ്ര​വ​ർ​ത്തി​ക്കു​ന്ന പ്രാ​ഥ​മി​കാ​രോ​ഗ്യ കേ​ന്ദ്രം കു​ടും​ബാ​രോ​ഗ്യ കേ​ന്ദ്ര​മാ​യി ഉ​യ​ർ​ത്തി​യി​ട്ടും മ​തി​യാ​യ ചി​കി​ത്സ കി​ട്ടു​ന്നി​ല്ലെ​ന്നാ​ണ് ആ​ക്ഷേ​പം. നി​ല​വി​ൽ ഉ​ച്ച​വ​രെ മാ​ത്ര​മാ​ണ് ആ​ശു​പ​ത്രി പ്ര​വ​ർ​ത്തി​ക്കു​ന്ന​ത്. ഞാ​യ​റാ​ഴ്ച ദി​വ​സം ആ​ശു​പ​ത്രി പൂ​ർ​ണ​മാ​യും അ​വ​ധി​യാ​ണ്. മാ​ത്ര​മ​ല്ല തീ​ര​ദേ​ശ മേ​ഖ​ല​യി​ലെ ഏ​ക സ​ർ​ക്കാ​ർ ആ​ശു​പ​ത്രി​യി​ൽ കി​ട​ത്തി ചി​കി​ത്സ വേ​ണ​മെ​ന്ന ആ​വ​ശ്യ​വും ഇ​തു​വ​രെ പ​രി​ഗ​ണി​ച്ചി​ല്ല. ലാ​ബ് സൗ​ക​ര്യം ഉ​ണ്ടെ​ങ്കി​ലും വൈ​ദ്യു​തി പോ​യാ​ൽ അ​തും നി​ല​ക്കും.