കുയ്യാലി പുറമ്പോക്കിൽ അനധികൃതമായി കെട്ടിയ കുടിലുകൾ നഗരസഭ പൊളിച്ചു

ത​ല​ശ്ശേ​രി: കു​യ്യാ​ലി​യി​ലെ പു​റ​മ്പോ​ക്കി​ൽ സ്വ​കാ​ര്യ​വ്യ​ക്തി കെ​ട്ടി​യ കു​ടി​ലു​ക​ൾ ന​ഗ​ര​സ​ഭ അ​ധി​കൃ​ത​ർ എ​ത്തി പൊ​ളി​ച്ചു മാ​റ്റി. മ​തി​യാ​യ സൗ​ക​ര്യ​മി​ല്ലാ​തെ പ​ണി​ത കു​ടി​ലു​ക​ളി​ൽ അ​തി​ഥി തൊ​ഴി​ലാ​ളി​ക​ൾ കു​ടും​ബ​മാ​യി വാ​ട​ക​ക്ക് താ​മ​സി​ക്കു​ക​യാ​യി​രു​ന്നു. ഇ​വ​രെ ഒ​ഴി​പ്പി​ച്ച​തി​ന് ശേ​ഷ​മാ​ണ് 15 ഓ​ളം കു​ടി​ലു​ക​ൾ പൊ​ളി​ച്ചു മാ​റ്റി​യ​ത്. പ​രാ​തി​ക​ൾ വ്യാ​പ​ക​മാ​യ​തോ​ടെ​യാ​ണ് ന​ഗ​ര​സ​ഭ ന​ട​പ​ടി​യെ​ടു​ത്ത​ത്. മ​ഴ​ക്കാ​ല​ത്ത് ഈ ​പ്ര​ദേ​ശ​ത്ത് വെ​ള്ള​പ്പൊ​ക്കം ശ​ക്ത​മാ​യി​രു​ന്നു.

മ​ഴ വെ​ള്ളം കു​ടി​ലു​ക​ൾ​ക്ക് ചു​റ്റും കെ​ട്ടി​ക്കി​ട​ന്ന് താ​മ​സ​ക്കാ​ർ​ക്ക് ആ​രോ​ഗ്യ​പ്ര​ശ്ന​ങ്ങ​ൾ ഉ​ണ്ടാ​യ​തോ​ടെ​യാ​ണ് പ​രി​സ​ര​വാ​സി​ക​ളും സ്ഥ​ല​ത്തെ പൊ​തു​പ്ര​വ​ർ​ത്ത​ക​രും ന​ഗ​ര​സ​ഭ, ത​ഹ​സി​ൽ​ദാ​ർ, ജി​ല്ലാ ക​ല​ക്ട​ർ, മു​ഖ്യ​മ​ന്ത്രി തു​ട​ങ്ങി​യ അ​ധി​കാ​ര കേ​ന്ദ്ര​ങ്ങ​ളി​ൽ പ​രാ​തി​യു​മാ​യെ​ത്തി​യ​ത്. കു​ടി​ലു​ക​ളും പ​രി​സ​ര​വും ക​ണ്ടാ​ൽ ആ​ർ​ക്കും അ​റ​പ്പ് തോ​ന്നു​മാ​യി​രു​ന്നു. മി​ക്ക കു​ടി​ലു​ക​ളു​ടെ​യും അ​ക​ത്ത് വ​രെ മ​ഴ വെ​ള്ളം ക​യ​റും.

പ​ക​ർ​ച്ച​വ്യാ​ധി​ക​ൾ പൊ​ട്ടി​പ്പു​റ​പ്പെ​ടു​മെ​ന്ന ആ​ശ​ങ്ക നാ​ട്ടു​കാ​ർ പ്ര​ക​ടി​പ്പി​ച്ച​തോ​ടെ ന​ഗ​ര​സ​ഭ ആ​രോ​ഗ്യ വി​ഭാ​ഗം ഉ​ദ്യോ​ഗ​സ്ഥ​രും പൊ​ലീ​സ് ര​ഹ​സ്യാ​ന്വേ​ഷ​ണ​വി​ഭാ​ഗ​വും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യി​രു​ന്നു. വി​ഷ​യം ഗു​രു​ത​ര​മാ​ണെ​ന്ന് ഇ​വ​ർ മേ​ല​ധി​കാ​രി​ക​ൾ​ക്ക് റി​പ്പോ​ർ​ട്ട് ന​ൽ​കി​യ​തി​നെ തു​ട​ർ​ന്നാ​ണ് ന​ഗ​ര​സ​ഭ ഇ​ട​പെ​ട്ട് പൊ​ളി​ച്ച​ത്. അ​ന​ധി​കൃ​ത കു​ടി​ലു​ക​ൾ പൊ​ളി​ച്ചു നീ​ക്കി മ​ഴ​വെ​ള്ളം ഒ​ഴു​കി​പ്പോ​കാ​ൻ സൗ​ക​ര്യം ഒ​രു​ക്ക​ണ​മെ​ന്നാ​വ​ശ്യ​പ്പെ​ട്ട് ഡി.​വൈ.​എ​ഫ്.​ഐ ത​ല​ശ്ശേ​രി ടൗ​ൺ മേ​ഖ​ല ക​മ്മി​റ്റി​യും മു​ഖ്യ​മ​ന്ത്രി സ്പീ​ക്ക​ർ, ത​ദ്ദേ​ശ ഭ​ര​ണ മ​ന്ത്രി, സ​ബ് ക​ല​ക്ട​ർ, ന​ഗ​ര​സ​ഭ ചെ​യ​ർ​മാ​ൻ എ​ന്നി​വ​ർ​ക്ക് നി​വേ​ദ​നം ന​ൽ​കി​യി​രു​ന്നു.