നിഹാൽ, ഫത്താഹ്
തളിപ്പറമ്പ്: 66.224 ഗ്രാം എം.ഡി.എം.എയുമായി രണ്ട് യുവാക്കൾ തളിപ്പറമ്പ് എക്സൈസ് സംഘത്തിന്റെ പിടിയിലായി. ചെറുക്കള സ്വദേശി എം.പി. നിഹാൽ, ഞാറ്റു വയൽ സ്വദേശി സി. അബ്ദുൽ ഫത്താഹ് എന്നിവരാണ് പിടിയിലായത്.
എം.ഡി.എം.എ വിതരണ ശൃംഖലയിലെ പ്രധാന കണ്ണികളാണ് ഇവരെന്ന് എക്സൈസ് പറഞ്ഞു. തളിപ്പറമ്പ് എക്സൈസ് റേഞ്ച് ഇൻസ്പെക്ടർ ജെ. ജോസഫിന്റെ നേതൃത്വത്തിലുള്ള രാത്രികാല പട്രോളിങ്ങിനിടയിലാണ് യുവാക്കൾ പിടിയിലായത്. എക്സൈസിന്റെ നിരീക്ഷണത്തിലുള്ള യുവാക്കളെ സംശയാസ്പദമായി കണ്ട് പരിശോധിച്ചപ്പോഴാണ് എം.ഡി.എം.എ കണ്ടെടുത്തത്.
തളിപ്പറമ്പ് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതികളെ കോടതി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.