കണ്ണൂർ: വാഹന പരിശോധനക്കിടെ മോട്ടോർ വാഹന വകുപ്പ് ഉദ്യോഗസ്ഥനെ കൈയേറ്റം ചെയ്യാൻ ശ്രമിച്ച ലോറി ഡ്രൈവർ അറസ്റ്റിൽ. കണ്ണൂർ ആർ.ടി.ഒ എൻഫോഴ്സ്മെൻറ് വിഭാഗം എം.വി.ഐ ഇ. ജയറാമിനെയാണ് കൈയേറ്റം ചെയ്യാൻ ശ്രമം നടന്നത്. സംഭവത്തിൽ വാരം സ്വദേശി വി.കെ. ജിതിനെ മട്ടന്നൂർ പൊലീസ് അറസ്റ്റുചെയ്തു.
നികുതി അടക്കാതെയും അമിതഭാരം കയറ്റിയും സർവിസ് നടത്തിയ ടിപ്പർ സ്േറ്റഷനിലേക്ക് കൊണ്ടു പോകുന്നതിനിടയിൽ ഇൻസ്പെക്ടറെ ജിതിൻ അസഭ്യം പറയുകയും കൈയേറ്റം ചെയ്യാൻ ശ്രമിക്കുകയും ചെയ്തുവെന്നാണ് കേസ്.
തുടർന്ന് ഇയാൾ പൊതുനിരത്തിൽ വാഹനമുപേക്ഷിച്ച് ഗതാഗത തടസ്സമുണ്ടാക്കി കടന്നുകളയാൻ ശ്രമിക്കുകയും ചെയ്തതായി പൊലീസ് അറിയിച്ചു. പ്രതിയെ ശനിയാഴ്ച കോടതിയിൽ ഹാജരാക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.