തലശ്ശേരി: കോണോർവയൽ ക്രിക്കറ്റ് സ്റ്റേഡിയത്തിൽ നടക്കുന്ന ബാബു അച്ചാരത്ത് മെമ്മോറിയൽ ട്രോഫി ജില്ല എ ഡിവിഷൻ ലീഗ് ക്രിക്കറ്റ് ചാമ്പ്യൻഷിപ്പിൽ സി.ഒ.ടി. അഹമ്മദ് ഫർസീന്റെ ഉജ്ജ്വല ഓൾറൗണ്ട് പ്രകടന മികവിൽ തലശ്ശേരി ബ്രദേഴ്സ് ക്രിക്കറ്റ് ക്ലബ് 19 റൺസിന് ടെലിച്ചറി ടൗൺ ക്രിക്കറ്റ് ക്ലബിനെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത ബ്രദേഴ്സ് ക്രിക്കറ്റ് ക്ലബ് 38.1 ഓവറിൽ 147 റൺസിന് ഓൾ ഔട്ടായി. സി.ഒ.ടി. അഹമ്മദ് ഫർസീൻ 70 റൺസെടുത്തു. ടെലിച്ചറി ടൗണിനുവേണ്ടി ഫൻസീർ ഹനീഫ 25 റൺസിന് മൂന്ന് വിക്കറ്റും എ.വി. ജിനു, അനീഷ് കക്കോട്ട്, സി.ജെ. സോജൻ എന്നിവർ രണ്ട് വിക്കറ്റ് വീതവും വീഴ്ത്തി. മറുപടിയായി ടെലിച്ചറി ടൗൺ ക്രിക്കറ്റ് ക്ലബ് 37.4 ഓവറിൽ 128 റൺസിന് ഓൾ ഔട്ടായി. കെ.കെ. റയീസ് 24 റൺസെടുത്തു. എ.കെ. അശ്വിൻ അംജിത്ത് 24 റൺസിന് നാല് വിക്കറ്റും ഷഹീൻ 26 റൺസിന് മൂന്ന് വിക്കറ്റും വീഴ്ത്തി. സി.ഒ.ടി. അഹമ്മദ് ഫർസീനെ കളിയിലെ കേമനായി തിരഞ്ഞെടുത്തു. ഞായറാഴ്ച ടെലിച്ചറി സ്റ്റുഡന്റ്സ് സ്പോർട്ടിങ് ക്ലബ് തലശ്ശേരി അബ്ബ ക്രിക്കറ്റ് ക്ലബിനെ നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.