befi - സമാപനം കണ്ണൂർ പഴയ ബസ് സ്റ്റാൻഡ് പരിസരത്ത് സി.ഐ.ടി.യു ജില്ല ജനറൽ സെക്രട്ടറി കെ. മനോഹരൻ ഉദ്ഘാടനം ചെയ്യുന്നു കണ്ണൂർ: അഖിലേന്ത്യ പൊതു പണിമുടക്കിന്റെ പ്രചാരണാർഥം ബാങ്ക് എംപ്ലോയീസ് ഫെഡറേഷൻ ഓഫ് ഇന്ത്യ ജില്ല കമ്മിറ്റിയുടെ നേതൃത്വത്തിൽ ജില്ല വാഹന പ്രചാരണ ജാഥ നടത്തി. ടി.ഐ. മധുസൂദനൻ എം.എൽ.എ, ബെഫി ജില്ല സെക്രട്ടറി പി. രാജേഷിന് പതാക കൈമാറി ഉദ്ഘാടനം ചെയ്തു. ജാഥ തളിപ്പറമ്പ്, കല്യാശ്ശേരി, അഴീക്കോട്,തലശ്ശേരി എന്നിവിടങ്ങളിലെ സ്വീകരണത്തിനുശേഷം കണ്ണൂർ പഴയ ബസ് സ്റ്റാൻഡ് പരിസരത്ത് സമാപിച്ചു. സമാപന പൊതുയോഗം സി.ഐ.ടി.യു ജില്ല ജനറൽ സെക്രട്ടറി കെ. മനോഹരൻ ഉദ്ഘാടനം ചെയ്തു. ബെഫി സംസ്ഥാന പ്രസിഡൻറ് ടി. നരേന്ദ്രൻ മുഖ്യപ്രഭാഷണം നടത്തി. സി.പി. സൗന്ദർരാജ് അധ്യക്ഷത വഹിച്ചു. കെ.പി. രഘുനാഥൻ സ്വാഗതം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.