കൊടുംചൂടിനൊപ്പം കാ​ട്ടാ​ന ശ​ല്യ​വും; ഏലം കർഷകർ ദുരിതത്തിൽ

അ​ടി​മാ​ലി: ക​ന​ത്ത ചൂ​ടി​നൊ​പ്പം കാ​ട്ടാ​ന ശ​ല്യ​വും രൂ​ക്ഷ​മാ​യ​തോ​ടെ ദേ​വി​കു​ളം, ഉ​ടു​മ്പ​ൻ​ചോ​ല താ​ലൂ​ക്കു​ക​ളി​ൽ ഏ​ലം ക​ർ​ഷ​ക​ർ ദു​രി​ത​ത്തി​ൽ. ക​ഴി​ഞ്ഞ മൂ​ന്ന്​ മാ​സ​ത്തി​നി​ടെ 1000 ഹെ​ക്ട​റി​ല​ധി​കം ഏ​ല​ച്ചെ​ടി​ക​ൾ കാ​ട്ടാ​ന​ക​ൾ ന​ശി​പ്പി​ച്ച​താ​യാ​ണ് ക​ർ​ഷ​ക​ർ പ​റ​യു​ന്ന​ത്. ഏ​റ്റ​വും കൂ​ടു​ത​ൽ നാ​ശം നേ​രി​ട്ട​ത് ചി​ന്ന​ക്ക​നാ​ൽ ബി​യ​ൽ റാ​മി​ലാ​ണ്.

ക​ന​ത്ത ചൂ​ട്​ കാ​ര​ണം ഏ​ല​ച്ചെ​ടി​ക​ൾ വ്യാ​പ​ക​മാ​യി ഉ​ണ​ങ്ങി ന​ശി​ക്കു​ന്ന​തി​നി​ടെ​യാ​ണ് തു​ട​ർ​ച്ച​യാ​യ കാ​ട്ടാ​ന ശ​ല്യ​വും ഭീ​ഷ​ണി​യാ​കു​ന്ന​ത്. ഇ​തോ​ടെ ഏ​ലം ഉ​ല്പാ​ദ​നം കാ​ര്യ​മാ​യി കു​റ​യു​മെ​ന്ന ആ​ശ​ങ്ക​യി​ലാ​ണ്​ ക​ർ​ഷ​ക​ർ. മൂ​ന്ന് വ​ർ​ഷ​ത്തെ ഇ​ട​വേ​ള​ക്ക് ശേ​ഷം ഏ​ല​ത്തി​ന് ചെ​റി​യ വി​ല വ​ർ​ധ​ന​യു​ണ്ടാ​യ സ​മ​യ​ത്താ​ണ്​ തി​രി​ച്ച​ടി.

2018 മ​ഹാ​പ്ര​ള​യ​ത്തി​നു​ശേ​ഷം ഏ​റ്റ​വും കൂ​ടു​ത​ൽ വി​ള​നാ​ശം ഉ​ണ്ടാ​കു​ന്ന​ത് കാ​ട്ടാ​ന ശ​ല്യം മൂ​ല​മാ​ണ്. കാ​ട്ടാ​ന​ക​ളെ ഭ​യ​ന്ന്​ തൊ​ഴി​ലാ​ളി​ക​ളി​ൽ ഭൂ​രി​ഭാ​ഗ​വും ജോ​ലി​ക്ക്​ എ​ത്തു​ന്നി​ല്ല. ഇ​ത് വേ​ന​ൽ​ക്കാ​ല പ്ര​തി​രോ​ധ പ്ര​വ​ർ​ത്ത​ന​ങ്ങ​ളെ ദോ​ഷ​ക​ര​മാ​യി ബാ​ധി​ക്കു​ന്നു. ഉ​ള്ള​തെ​ല്ലാം വി​റ്റു പെ​റു​ക്കി​യാ​ണ് ചെ​റു​കി​ട ഏ​ലം ക​ർ​ഷ​ക​ർ പി​ടി​ച്ചു​നി​ൽ​ക്കു​ന്ന​ത്. ഇ​തി​നി​ടെ​യാ​ണ് കാ​ട്ടാ​ന​ക​ളു​ടെ താ​ണ്ഡ​വം. അ​ടി​മാ​ലി, മാ​ങ്കു​ളം, പ​ള്ളി​വാ​സ​ൽ, ബൈ​സ​ൺ​വാ​ലി, ശാ​ന്ത​ൻ​പാ​റ, രാ​ജ​കു​മാ​രി, ചി​ന്ന​ക്ക​നാ​ൽ പ​ഞ്ചാ​യ​ത്തു​ക​ളി​ലാ​ണ് കാ​ട്ടാ​ന ശ​ല്യം രൂ​ക്ഷം. ഏ​ലം കൃ​ഷി​യും ഈ ​പ​ഞ്ചാ​യ​ത്തു​ക​ളി​ലാ​ണ്​ കൂ​ടു​ത​ൽ.

പ​ല ക​ർ​ഷ​ക​രും സൗ​രോ​ർ​ജ വൈ​ദ്യു​തി വേ​ലി, കി​ട​ങ്ങ് മു​ത​ലാ​യ​വ സ്ഥാ​പി​ച്ചി​ട്ടു​ണ്ട്. എ​ന്നി​ട്ടും കാ​ട്ടാ​ന​ക്കൂ​ട്ടം ഹെ​ക്ട​ർ ക​ണ​ക്കി​ന് ഏ​ല​മാ​ണ് ന​ശി​പ്പി​ക്കു​ന്ന​ത്. ചി​ന്ന​ക്ക​നാ​ലി​ൽ വ​നം വ​കു​പ്പ് വാ​ച്ച​ർ ശ​ക്തി​വേ​ലി​നെ കാ​ട്ടാ​ന ച​വി​ട്ടി​ക്കൊ​ന്നി​രു​ന്നു. ഇ​തി​നു​ശേ​ഷം വ്യാ​പ​ക​മാ​യി ഏ​ല​കൃ​ഷി​യും നി​ര​വ​ധി വീ​ടു​ക​ളും കാ​ട്ടാ​ന​ക​ൾ ന​ശി​പ്പി​ച്ചു. ഇ​തി​നെ​തി​രെ ക​ർ​ഷ​ക രോ​ഷ​വും ശ​ക്ത​മാ​ണ്.