ലഹരിത്താവളം; തൊ​ടു​പു​ഴ സ്​​റ്റേ​ഷ​ൻ പ​രി​ധി​യി​ൽ ഈ ​വ​ർ​ഷം പി​ടി​കൂ​ടി​യ​ത്​ 181 കേ​സ്​

തൊ​ടു​പു​ഴ: തൊ​ടു​പു​ഴ​യി​ലും സ​മീ​പ പ​രി​സ​ര​ങ്ങ​ളി​ലും ല​ഹ​രി ഉ​പ​യോ​ഗ​ത്തി​ൽ വ​ർ​ധ​ന. തൊ​ടു​പു​ഴ സ​ബ് ഡി​വി​ഷ​നി​ലെ ഏ​ഴോ​ളം സ്റ്റേ​ഷ​നു​ക​ളി​ൽ ജ​നു​വ​രി ഒ​ന്നു​മു​ത​ൽ ന​വം​ബ​ർ 21വ​രെ പൊ​ലീ​സ് പി​ടി​കൂ​ടി​യ​ത് 181 കേ​സ്. തൊ​ടു​പു​ഴ സ്റ്റേ​ഷ​ൻ പ​രി​ധി​യി​ലാ​ണ് ഭൂ​രി​ഭാ​ഗ​വും, 70 കേ​സു​ക​ൾ. 10 കി​ലോ​ക്ക്​ മു​ക​ളി​ൽ ക​ഞ്ചാ​വ് പി​ടി​കൂ​ടി​യ​തി​ന് മൂ​ന്ന് കേ​സു​ക​ളെ​ടു​ത്തു.

10 കി​ലോ​യി​ൽ താ​ഴെ ആ​റ് കേ​സും ഒ​രു കി​ലോ​യി​ൽ താ​ഴെ 20 കേ​സു​മെ​ടു​ത്തു. ക​രി​ങ്കു​ന്നം സ്റ്റേ​ഷ​നി​ൽ 39 കേ​സു​ണ്ട്. കാ​ളി​യാ​ർ 16, ക​രി​മ​ണ്ണൂ​ർ 25, മു​ട്ടം 13, കാ​ഞ്ഞാ​ർ 18 എ​ന്നി​ങ്ങ​നെ​യാ​ണ് ര​ജി​സ്റ്റ​ർ ചെ​യ്‍ത​ത്. കു​ള​മാ​വ് സ്റ്റേ​ഷ​ൻ പ​രി​ധി​യി​ൽ കേ​സു​ക​ളൊ​ന്നു​മി​ല്ല.

146 കേ​സിൽ തൊ​ണ്ടി​മു​ത​ൽ ക​ണ്ടെ​ത്തി. സ​ബ് ഡി​വി​ഷ​നി​ൽ ആ​കെ 46 കി​ലോ ക​ഞ്ചാ​വാ​ണ് ഇ​ക്കാ​ല​യ​ള​വി​ൽ പി​ടി​ച്ചെ​ടു​ത്ത​ത്. 145.17 ഗ്രാം ​എം​ഡി​എം​എ​യും 2.37 ഗ്രാം ​ഹഷീ​ഷ് ഓ​യി​ലും 0.49 ഗ്രാം ​ബ്രൗ​ൺ​ഷു​ഗ​റും പി​ടി​ച്ചെ​ടു​ത്തു.

വി​പ​ണി​യി​ൽ ല​ക്ഷ​ങ്ങ​ൾ വി​ല​മ​തി​ക്കു​ന്ന ല​ഹ​രി ഉ​ൽ​പ​ന്ന​ങ്ങ​ൾ ക​ഴി​ഞ്ഞ ദി​വ​സ​ങ്ങ​ളി​ൽ പി​ടി​കൂ​ടി. തൊ​ടു​പു​ഴ ഡി​വൈ.​എ​സ്‍.​പി​യു​ടെ നേ​തൃ​ത്വ​ത്തി​ൽ ന​ട​ത്തി​യ വ്യാ​പ​ക പ​രി​ശോ​ധ​ന​ക​ളി​ലാ​ണ് ഇ​ത്ര​യും കേ​സു​ക​ൾ പി​ടി​ച്ച​ത്.