ആഫ്രിക്കൻ പന്നിപ്പനി: കർഷകർക്ക്​ 18.75 ലക്ഷം നഷ്ടപരിഹാരം

തൊ​ടു​പു​ഴ: ജി​ല്ല​യി​ൽ ആ​ഫ്രി​ക്ക​ൻ പ​ന്നി​പ്പ​നി സ്ഥി​രീ​ക​രി​ച്ച​തി​നെ​ത്തു​ട​ർ​ന്ന്​ ദ​യാ​വ​ധ​ത്തി​ന്​ വി​ധേ​യ​മാ​ക്കി​യ പ​ന്നി​ക​ളു​ടെ ഉ​ട​മ​ക​ൾ​ക്ക്​ ന​ഷ്ട​പ​രി​ഹാ​ര​മാ​യി ന​ൽ​കു​ന്ന​ത്​ 18.75 ല​ക്ഷം രൂ​പ. സ​മ​യ​ബ​ന്ധി​ത​മാ​യി ന​ഷ്ട​പ​രി​ഹാ​രം ല​ഭ്യ​മാ​ക്കാ​ൻ ന​ട​പ​ടി സ്വീ​ക​രി​ച്ച​താ​യി ജി​ല്ല മൃ​ഗ​സം​ര​ക്ഷ​ണ ഓ​ഫി​സ​ർ ഡോ. ​ബി​നോ​യ്​ പി. ​മാ​ത്യു അ​റി​യി​ച്ചു. ഇ​തി​നി​ടെ, ഏ​താ​നും പ​ന്നി​ക​ൾ ച​ത്ത​താ​യി ക​ണ്ടെ​ത്തി​യ​തി​നെ​ത്തു​ട​ർ​ന്ന്​ വ​ണ്ണ​പ്പു​റം, കോടിക്കുളം പ​ഞ്ചാ​യ​ത്തു​ക​ളി​ലെ ചി​ല ഫാ​മു​ക​ളി​ൽ​നി​ന്ന്​ കൂ​ടി ര​ക്ത​സാ​മ്പി​ൾ ശേ​ഖ​രി​ച്ച്​ പ​രി​ശോ​ധ​ന​ക്ക്​ അ​യ​ച്ചു. ക​രി​മ​ണ്ണൂ​ർ പ​ഞ്ചാ​യ​ത്തി​ൽ ചാ​ലാ​ശ്ശേ​രി​യി​ലെ ഫാ​മി​ൽ രോ​ഗം സ്ഥി​രീ​ക​രി​ച്ച​തി​നെ​ത്തു​ട​ർ​ന്ന്​ ഒ​രു കി​ലോ​മീ​റ്റ​ർ ചു​റ്റ​ള​വി​​ലു​ള്ള ഫാ​മു​ക​ളി​ലെ 262 പ​ന്നി​ക​ളെ ദ​യാ​വ​ധ​ത്തി​ന്​ വി​ധേ​യ​മാ​ക്കി​യി​രു​ന്നു.

രോ​ഗ​വ്യാ​പ​നം നി​യ​ന്ത്രി​ക്കു​ന്ന​തി​ന്റെ ഭാ​ഗ​മാ​യി ക​രി​മ​ണ്ണൂ​ർ, ആ​ല​ക്കോ​ട്, ഇ​ട​വെ​ട്ടി പ​ഞ്ചാ​യ​ത്തു​ക​ളി​ൽ എ​ട്ട്​ ഫാ​മു​ക​ളി​ലെ പ​ന്നി​ക​ളെ​യാ​ണ് കൊ​ന്ന​ത്. ഇ​വ​ക്ക്​ തൂ​ക്ക​ത്തി​ന്‍റെ അ​ടി​സ്ഥാ​ന​ത്തി​ലാ​ണ്​ ന​ഷ്ട​പ​രി​ഹാ​രം നി​ശ്ച​യി​ച്ച​ത്. 11,600 മു​ത​ൽ 7,50,800 രൂ​പ​വ​രെ ന​ഷ്ട​പ​രി​ഹാ​രം ല​ഭി​ക്കു​ന്ന ഫാ​മു​ക​ൾ ഇ​ക്കൂ​ട്ട​ത്തി​ലു​ണ്ട്. പ​ര​മാ​വ​ധി ഒ​രു മാ​സ​ത്തി​ന​കം തു​ക വി​ത​ര​ണം ചെ​യ്യാ​നാ​ണ്​ തീ​രു​മാ​നം. രോ​ഗം സ്ഥി​രീ​ക​രി​ക്കു​ന്ന​തി​ന്​ മു​മ്പ്​ ച​ത്ത പ​ന്നി​ക​ൾ​ക്ക്​ പ്രാ​യം ക​ണ​ക്കാ​ക്കി ദു​ര​ന്ത​നി​വാ​ര​ണ നി​ധി​യി​ൽ​നി​ന്ന്​ ധ​ന​സ​ഹാ​യം അ​നു​വ​ദി​ക്കാ​നും ആ​ലോ​ച​ന​യു​ണ്ട്. എ​ന്നാ​ൽ, ഇ​ക്കാ​ര്യ​ത്തി​ൽ സ​ർ​ക്കാ​ർ​ത​ല​ത്തി​ൽ അ​ന്തി​മ തീ​രു​മാ​നം ഉ​ണ്ടാ​ക​ണം. വ​ണ്ണ​പ്പു​റം പ​ഞ്ചാ​യ​ത്തി​ലെ പ​ട്ട​യ​ക്കു​ടി, കോ​ടി​ക്കു​ളം പ​ഞ്ചാ​യ​ത്തി​ലെ വ​ണ്ട​മ​റ്റം എ​ന്നി​വി​ട​ങ്ങ​ളി​ൽ 20ഓ​ളം പ​ന്നി​ക​ൾ ച​ത്ത​താ​യി ക​ണ്ടെ​ത്തി​യ​തി​നെ​ത്തു​ട​ർ​ന്നാ​ണ്​ സാ​മ്പി​ൾ ശേ​ഖ​രി​ച്ച​ത്. പ​രി​ശോ​ധ​ന​ഫ​ലം ഏ​താ​നും ദി​വ​സ​ങ്ങ​ൾ​ക്ക​കം ല​ഭി​ക്കും. മു​ൻ​ക​രു​ത​ൽ ന​ട​പ​ടി​ക​ളു​ടെ ഭാ​ഗ​മാ​യി കു​മ​ളി, ക​മ്പം​മെ​ട്ട്, ബോ​ഡി​മെ​ട്ട്​ എ​ന്നി​വി​ട​ങ്ങ​ളി​ലെ മൃ​ഗ​സം​ര​ക്ഷ​ണ വ​കു​പ്പ്​ ചെ​ക്​​പോ​സ്റ്റു​ക​ളി​ൽ പ​രി​ശോ​ധ​ന ക​ർ​ശ​ന​മാ​ക്കി​യ​താ​യും അ​ധി​കൃ​ത​ർ അ​റി​യി​ച്ചു.