മൂ​ല​മ​റ്റം: സൗ​ജ​ന്യ​മാ​യി ഭൂ​മി ല​ഭി​ച്ചി​ട്ടും വീ​ട് വെ​ച്ച് താ​മ​സി​ക്കാ​ൻ ക​ഴി​യാ​തെ നൂ​റ് ക​ണ​ക്കി​ന് ഭ​വ​ന​ര​ഹി​ത​ർ. ഭൂ​ര​ഹി​ത​രാ​യ ജ​ന​വി​ഭാ​ഗ​ങ്ങ​ൾ​ക്ക് സീ​റോ ലാ​ന്റ്‌​ല​സ് പ​ദ്ധ​തി​പ്ര​കാ​രം ല​ഭി​ച്ച ഏ​ക്ക​റു ക​ണ​ക്കി​ന് ഭൂ​മി​യാ​ണ് വാ​സ​യോ​ഗ്യം അ​ല്ലാ​ത്ത​തി​നാ​ൽ വീ​ട് നി​ർ​മി​ക്കാ​നോ താ​മ​സി​ക്കാ​നോ ക​ഴി​യാ​തെ കി​ട​ക്കു​ന്ന​ത്. പ്ര​ദേ​ശ​ത്ത് വെ​ള്ളം, വൈ​ദ്യു​തി, ഗ​താ​ഗ​തം തു​ട​ങ്ങി​യ അ​ടി​സ്ഥാ​ന സൗ​ക​ര്യ​ങ്ങ​ളി​ല്ലെ​ന്ന്​ ഗു​ണ​ഭോ​ക്​​താ​ക്ക​ൾ പ​റ​യു​ന്നു.

തൊ​ടു​പു​ഴ താ​ലൂ​ക്കി​ലെ കു​ട​യ​ത്തൂ​ർ കു​മാ​ര​മം​ഗ​ലം, മ​ണ​ക്കാ​ട് തു​ട​ങ്ങി​യ വി​വി​ധ പ​ഞ്ചാ​യ​ത്തു​ക​ളി​ൽ നി​ന്നു​ള്ള​വ​ർ​ക്കാ​ണ് 2014 -2015 കാ​ല​ഘ​ട്ട​ത്തി​ൽ സ​ർ​ക്കാ​ർ മൂ​ന്ന് സെ​ന്റ് വീ​തം ഭൂ​മി പ​തി​ച്ചു ന​ൽ​കി​യ​ത്. കു​ട​യ​ത്തൂ​ർ വി​ല്ലേ​ജി​ലെ ഏ​റ്റ​വും ഉ​യ​ർ​ന്ന പ്ര​ദേ​ശ​മാ​യ ഇ​ല​വീ​ഴാ​പൂ​ഞ്ചി​റ, ഇ​ല​പ്പ​ള്ളി വി​ല്ലേ​ജി​ലെ കു​മ്പ​ങ്കാ​നം പ്ര​ദേ​ശ​ങ്ങ​ളി​ലു​മാ​ണ് ഭൂ​മി ക​ണ്ടെ​ത്തി​യ​ത്. ഇ​ത് തി​ക​ച്ചും വാ​സ​യോ​ഗ്യ​മ​ല്ലാ​ത്ത സ്ഥ​ല​ത്താ​ണെ​ന്ന പ​രാ​തി അ​ന്നേ ഉ​യ​ർ​ന്നി​രു​ന്നു.

2018ലെ ​ക​ണ​ക്കു​ക​ൾ പ്ര​കാ​രം തൊ​ടു​പു​ഴ താ​ലൂ​ക്കി​ന് കീ​ഴി​ൽ 2,237 പേ​രാ​ണ്​ ഭൂ​ര​ഹി​ത പ​ട്ടി​ക​യി​ൽ ഇ​ടം​പി​ടി​ച്ചി​രു​ന്ന​ത്. ഇ​തി​ൽ 960 ഓ​ളം പേ​ർ​ക്ക് ക​ഴി​ഞ്ഞ സ​ർ​ക്കാ​ർ പ​ട്ട​യം ന​ൽ​കി​യി​രു​ന്നു. ഇ​തി​ൽ ഇ​ല​പ്പ​ള്ളി​യി​ൽ മാ​ത്രം 1,679 കു​ടും​ബ​ങ്ങ​ളെ താ​മ​സി​പ്പി​ക്കാ​നാ​ണ് സ​ർ​ക്കാ​ർ പ​ദ്ധ​തി ത​യ്യാ​റാ​ക്കി​യ​ത്. പ​കു​തി​യ​ല​ധി​കം പേ​ർ​ക്കും പ​ട്ട​യം ന​ൽ​കി​ക്ക​ഴി​ഞ്ഞു. എ​ന്നാ​ൽ പ​ട്ട​യം ല​ഭി​ച്ച​വ​ർ ആ​രും ത​ന്നെ താ​മ​സി​ക്കാ​നാ​യി ഇ​വി​ട​ങ്ങ​ളി​ൽ എ​ത്തി​യി​ട്ടി​ല്ല.

യാ​തൊ​രു വി​ധ അ​ടി​സ്ഥാ​ന സൗ​ക​ര്യ​ങ്ങ​ളും ഇ​ല്ലാ​ത്ത​തി​നു പു​റ​മെ ഇ​വി​ട​ങ്ങ​ളി​ൽ എ​ത്തി​പ്പെ​ടാ​നു​ള്ള ബു​ദ്ധി​മു​ട്ടും ജ​ന​ങ്ങ​ളെ അ​ക​റ്റി. 1,679 പേ​ർ ഇ​ല​പ്പ​ള്ളി പോ​ലു​ള്ള ഉ​യ​ർ​ന്ന പ്ര​ദേ​ശ​ത്ത് താ​മ​സി​ക്കാ​ൻ എ​ത്തു​മ്പോ​ൾ വേ​ണ്ടു​ന്ന യാ​തൊ​രു വി​ധ അ​ടി​സ്ഥാ​ന സൗ​ക​ര്യ​ങ്ങ​ളും സ​ർ​ക്കാ​ർ ഒ​രു​ക്കി​യി​ട്ടു​മി​ല്ല.

ക​ണ്ണ​ട​ച്ച് ഇ​രു​ട്ടാ​ക്കി റ​വ​ന്യൂ വ​കു​പ്പ്​

ഭൂ​ര​ഹി​ത​രാ​യി കു​ട​യ​ത്തൂ​ർ വി​ല്ലേ​ജി​ൽ മാ​ത്രം 85 ഗു​ണ​ഭോ​ക്താ​ക്ക​ളു​ണ്ടെ​ന്നാ​ണ് ക​ണ​ക്ക്. മു​ഖ്യ​മ​ന്ത്രി പ​ങ്കെ​ടു​ത്ത പ​ട്ട​യ വി​ത​ര​ണ മേ​ള​യി​ൽ ഇ​ല​വീ​ഴാ​പൂ​ഞ്ചി​റ​യി​ൽ അ​നു​വ​ദി​ച്ച മൂ​ന്ന് സെ​ന്റ് വീ​ത​മു​ള്ള സ്ഥ​ല​ത്തി​ന്റെ പ​ട്ട​യം വി​ത​ര​ണ​ത്തി​ന്​ ശ്ര​മം ന​ട​ത്തി​യി​രു​ന്നു. എ​ന്നാ​ൽ വാ​സ​യോ​ഗ്യ​മ​ല്ലെ​ന്ന് ചൂ​ണ്ടി​ക്കാ​ട്ടി പൂ​ഞ്ചി​റ​യി​ലെ സ്ഥ​ല​ത്തി​ന്റെ പ​ട്ട​യം കൈ​പ​റ്റാ​വാ​ൻ ഗു​ണ​ഭോ​ക്​​താ​ക്ക​ൾ. തൊ​ടു​പു​ഴ താ​ലൂ​ക്കി​ലെ ഭൂ​ര​ഹി​ത​രാ​യ​വ​രു​ടേ​താ​യി നൂ​റു​ക​ണ​ക്കി​ന് അ​പേ​ക്ഷ​ക​ളാ​ണ് റ​വ​ന്യു വ​കു​പ്പി​ന്റെ മു​ന്നി​ലെ​ത്തി​യ​ത്. ഇ​തി​ൽ 44 പേ​ർ​ക്കാ​ണ് ഇ​ല​വീ​ഴാ​പൂ​ഞ്ചി​റ​യി​ൽ സ്ഥ​ലം അ​നു​വ​ദി​ച്ച​ത്.

എ​ന്നാ​ൽ സ​ർ​ക്കാ​ർ സൗ​ജ​ന്യ​മാ​യി ന​ൽ​കു​ന്ന സ്ഥ​ല​മാ​ണെ​ങ്കി​ലും അ​വ നേ​രി​ൽ കാ​ണു​ന്ന​വ​ർ ഈ ​സ്ഥ​ലം സ​ർ​ക്കാ​രി​ൽ നി​ന്നും കൈ​പ​റ്റു​വാ​ൻ മ​ടി​ക്കു​ക​യാ​ണ്. ഗ​താ​ഗ​ത സൗ​ക​ര്യ​മി​ല്ലാ​ത്ത​തും ഇ​ടി​മി​ന്ന​ൽ ഭീ​ഷ​ണി നി​ല​നി​ൽ​ക്കു​ന്ന​തു​മാ​യ ഈ ​പ്ര​ദേ​ശം വേ​ണ്ട എ​ന്ന നി​ല​പാ​ടി​ലാ​ണ് പ​ല ഭൂ​ര​ഹി​ത​രും. പ​ട്ട​യം കൈ​പ്പ​റ്റി​യ പ​ല​രും തി​രി​ച്ചേ​ൽ​പ്പി​ക്കു​ക​യും പ​രാ​തി പ​റ​യു​ക​യും ചെ​യ്ത​തി​ന്റെ അ​ടി​സ്ഥാ​ന​ത്തി​ൽ മാ​സ​ങ്ങ​ൾ​ക്ക് മു​ന്നെ ഡെ​പ്യൂ​ട്ടി ക​ല​ക്ട​റും ത​ഹ​സി​ൽ​ദാ​റും ഉ​ൾ​പ്പ​ടെ റ​വ​ന്യൂ വ​കു​പ്പ്​ അ​ധി​കൃ​ത​ർ ഇ​ല​വീ​ഴാ​പൂ​ഞ്ചി​റ സ​ന്ദ​ർ​ശി​ച്ചി​രു​ന്നു. എ​ന്നാ​ൽ തീ​രു​മാ​നം മാ​ത്രം എ​ങ്ങു​മെ​ത്തി​യി​ല്ല.

ഇ​ടി​മി​ന്ന​ൽ ​പ്ര​ദേ​ശം; ജീ​വ​ന്​ ഭീ​ഷ​ണി

ഇ​ല​വീ​ഴാ​പൂ​ഞ്ചി​റ​യി​ലെ സ്ഥ​ല​ത്ത് എ​ത്ത​ണ​മെ​ങ്കി​ൽ ഗ​താ​ഗ​ത യോ​ഗ്യ​മാ​യ റോ​ഡ് പോ​ലും ഇ​ല്ല. സ​മു​ദ്ര​നി​ര​പ്പി​ൽ നി​ന്നും 3,200 അ​ടി ഉ​യ​ര​മു​ള്ള പ്ര​ദേ​ശ​മാ​ണി​വി​ടം. കൂ​ടാ​തെ ഇ​ടി​മി​ന്ന​ല​പ​ക​ടം ഏ​റ്റ​വും അ​ധി​കം ഉ​ണ്ടാ​കു​ന്ന പ്ര​ദേ​ശ​മാ​ണ്. ഇ​ടി​മി​ന്ന​ലേ​റ്റ് നി​ര​വ​ധി​യാ​ളു​ക​ൾ​ക്ക് ഗു​രു​ത​ര​മാ​യി പ​രി​ക്കേ​റ്റി​ട്ടു​ണ്ട്. ഇ​ല​വീ​ഴാ​പൂ​ഞ്ചി​റ​യി​ൽ മാ​ത്രം 157 കു​ടും​ബ​ങ്ങ​ളെ താ​മ​സി​പ്പി​ക്കാ​നാ​ണ് സ​ർ​ക്കാ​ർ പ​ദ്ധ​തി.

കു​മ്പ​ങ്കാ​നം പ്ര​ദേ​ശ​ത്തും ഇ​തു​ത​ന്നെ​യാ​ണ് അ​വ​സ്ഥ. പ്ര​ദേ​ശ​ങ്ങ​ളി​ൽ വീ​ടു​വ​ച്ച് താ​മ​സം തു​ട​ങ്ങി​യാ​ൽ ജീ​വി​ത ചി​ല​വ് ക​ണ്ടെ​ത്തു​ന്ന​തി​നു മ​റ്റു മാ​ർ​ഗ്ഗ​ങ്ങ​ളി​ല്ലാ​തെ വ​രും. വ​ർ​ഷ​ങ്ങ​ൾ​ക്ക് മു​ന്നെ ഭൂ​ര​ഹി​ത​രി​ല്ലാ​ത്ത കേ​ര​ളം പ​ദ്ധ​തി​യി​ൽ​പെ​ടു​ത്തി ഇ​വി​ടെ നി​ര​വ​ധി​യാ​ളു​ക​ൾ​ക്ക് സ്ഥ​ലം അ​നു​വ​ദി​ച്ചി​രു​ന്നെ​ങ്കി​ലും വീ​ടു​വ​യ്ക്കു​ന്ന​തി​ന് ആ​രും ത​യ്യാ​റാ​യി​ട്ടി​ല്ല. പ്ര​ദേ​ശ​ത്ത്​ എ​ത്തി​പ്പെ​ടാ​ൻ ജീ​പ്പു​ക​ളും ഓ​ട്ടോ​റി​ക്ഷ​ക​ളു​മാ​ണ്​ ആ​ശ്ര​യം. ഇ​വി​ടേ​യ്ക്കു​ള്ള വാ​ഹ​ന​ഗ​താ​ഗ​തം ദു​ഷ്‌​ക​ര​മാ​ണ്. കാ​ഞ്ഞാ​റി​ൽ നി​ന്നും വ​ല്ല​പ്പോ​ഴു​മു​ള്ള ട്രി​പ്പ് ജീ​പ്പു​ക​ളെ ആ​ശ്ര​യി​ച്ചാ​ണ് നി​ല​വി​ൽ പൂ​ഞ്ചി​റ നി​വാ​സി​ക​ൾ സ​ഞ്ച​രി​ക്കു​ന്ന​ത്.