എ‍‍ന്‍റെ ഇടുക്കി: കുടിയേറിയവരുടെ സ്വപ്​നഭൂമി

കു​ടി​യേ​റ്റ​ത്തി​ന്‍റെ ഭൂ​മി​ക​യാ​ണ്​ ഇ​ടു​ക്കി. കാ​ർ​ഷി​ക കു​ടി​യേ​റ്റം മാ​ത്ര​മ​ല്ല, ത​മി​ഴ്​ തോ​ട്ടം തൊ​ഴി​ലാ​ളി​ക​ളു​ടെ കു​ടി​യേ​റ്റ​വും ഗോ​ത്ര​ജ​ന​ത​യു​ടെ കു​ടി​യേ​റ്റ​വു​മെ​ല്ലാം ച​രി​ത്ര​ത്തി​ന്‍റെ ഭാ​ഗ​മാ​ണ്. ജീ​വ​നു​വേ​ണ്ടി പ​ലാ​യ​നം ചെ​യ്ത ഗോ​ത്ര​ജ​ന​ത​യു​ടെ കു​ടി​യേ​റ്റ​ത്തെ ഇ​നി​യും വേ​ണ്ട​വി​ധം പ​രി​ഗ​ണി​ച്ചി​ട്ടി​ല്ല.

കാ​ർ​ഷി​ക കു​ടി​യേ​റ്റ​ത്തി​ന്​​ നൂ​റ്റാ​ണ്ടു​ക​ൾ​ക്ക്​ മു​മ്പ്ത​ന്നെ കു​ടി​യേ​റി​യ ഗോ​ത്ര​ജ​ന​ത ത​ങ്ങ​ളു​ടെ ഭാ​ഷ​യും സം​സ്കാ​ര​വും ക​ല​യും സാ​ഹി​ത്യ​വു​മെ​ല്ലാം സ​ജീ​വ​മാ​യി നി​ല​നി​ർ​ത്തി​യ ഒ​രു​വി​ഭാ​ഗ​മാ​ണ്. ഗോ​ത്ര​ജ​ന​ത​യു​ടെ നൂ​റ്റാ​ണ്ടു​ക​ൾ പ​ഴ​ക്ക​മു​ള്ള അ​തി​ജീ​വ​ന സം​സ്കാ​ര​ത്തി​ന്‍റെ ശേ​ഷി​പ്പു​ക​ളും അ​വ​രു​ടെ ക​ല​യും പ്ര​കൃ​തി​യോ​ടി​ണ​ങ്ങി​യ ജീ​വി​ത​വു​മെ​ല്ലാം ഇ​ടു​ക്കി​യെ രൂ​പ​പ്പെ​ടു​ത്തി​യ​തി​ൽ പ്ര​ധാ​ന​മാ​ണ്. എ​ന്നാ​ൽ, പി​ന്നീ​ട്​ വ​ന്ന കു​ടി​യേ​റ്റ​ങ്ങ​ളി​ൽ ഇ​വ​ർ അ​രി​ക്​​വ​ത്​​ക​രി​ക്ക​പ്പെ​ട്ടു.

ജ​നി​ച്ച നാ​ടു​മി​ല്ല, വ​ന്നു​ക​യ​റി​യ നാ​ടു​മി​ല്ല എ​ന്ന അ​വ​സ്ഥ​യാ​ണ്​ ഇ​ടു​ക്കി​യി​ലേ​ക്ക്​ കു​ടി​യേ​റി​യ ത​മി​ഴ്​ തോ​ട്ടം തൊ​ഴി​ലാ​ളി​ക​ളു​ടേ​ത്. ഇ​പ്പോ​ഴും വ​ള​രെ പ്ര​തി​സ​ന്ധി​യി​ലൂ​ടെ ക​ട​ന്നു​പോ​കു​ന്ന ഒ​രു ജീ​വി​താ​ണ്​ ഇ​വ​രു​ടേ​ത്. ഇ​തി​നൊ​പ്പം തോ​ട്ടം വ്യ​വ​സാ​യി​ക​ളും ബ്രി​ട്ടീ​ഷു​കാ​രും ചേ​ർ​ന്ന്​ നി​ർ​മി​ച്ച വ്യ​വ​സാ​യ​ത്തി​ന്‍റെ സം​സ്കാ​ര​വു​മു​ണ്ട്. ഇ​ങ്ങ​നെ ന​ല്ല ജീ​വി​തം സ്വ​പ്​​നം​ക​ണ്ട്​ ക​യ​റി​യ ഒ​രു​പാ​ട്​ ആ​ളു​ക​ളു​ടെ കു​ടി​യേ​റ്റ​ത്തി​ന്‍റെ ഭൂ​മി​ക​യാ​ണ്​ ഇ​ടു​ക്കി.

ഇ​വ​രു​ടെ​യെ​ല്ലാം സം​സ്കാ​രം കൂ​ടി​ച്ചേ​ർ​ന്ന ഇ​ട​മാ​ണ്​ ഇ​ടു​ക്കി. പ്ര​തി​കൂ​ല കാ​ലാ​വ​സ്ഥ​യും രോ​ഗ​ങ്ങ​ളും മൂ​ലം ക​ൺ​മു​ന്നി​ൽ കു​ഞ്ഞു​ങ്ങ​ൾ മ​രി​ക്കു​ന്ന​ത്​ കാ​ണേ​ണ്ടി​വ​ന്ന മാ​താ​പി​താ​ക്ക​ൾ, കു​ടി​യി​റ​ക്ക​പ്പെ​ട്ട്​ എ​ല്ലാം ന​ഷ്ട​പ്പെ​ട്ട​വ​ർ, ഇ​തി​നെ​തി​രാ​യ വ​ലി​യ കാ​ർ​ഷി​ക​പോ​രാ​ട്ടം, ഇ​തെ​ല്ലാം കൂ​ടി​ച്ചേ​ർ​ന്ന കാ​ർ​ഷി​ക ചെ​റു​ത്തു​നി​ൽ​പ്പി​ന്‍റെ​യും സ്വ​ന്തം ജ​ന്മ​ദേ​ശ​ത്തി​ന്‍റെ വേ​ര​റ്റു​പോ​യ ഒ​രു​പാ​ട്​ ജീ​വി​ത​ങ്ങ​ളു​ടെ​യും കൂ​ടി ഭൂ​മി​യാ​ണ്​​ ഇ​വി​ടം എ​ന്ന്​ പ​റ​യാം.

ഇ​വി​ടു​ത്തെ പ്ര​കൃ​തി​യും കാ​ലാ​വ​സ്ഥ​യും ജൈ​വ​വൈ​വി​ധ്യ​വു​മെ​ല്ലാം എ​ന്നെ എ​ഴു​ത്തു​കാ​ര​നെ​ന്ന നി​ല​യി​ൽ ഇ​ടു​ക്കി​യോ​ട്​ ചേ​ർ​ത്തു​നി​ർ​ത്തു​ന്ന ഘ​ട​ക​ങ്ങ​ളാ​ണ്. ഇ​ത്ര​യ​ധി​കം ​പ്ര​തി​സ​ന്ധി​ക​ൾ നേ​രി​ട്ട, പ്ര​തി​രോ​ധം തീ​ർ​ത്ത, ന​ഷ്ട​ങ്ങ​ൾ സ​ഹി​ച്ച ഒ​രു ജ​ന​ത​യു​ടെ ജീ​വി​ത​മെ​ഴു​താ​നു​ള്ള കെ​ൽ​പ്​ എ​ന്‍റെ സ​ർ​ഗാ​ത്മ​ക​ത​ക്കു​ണ്ടോ എ​ന്ന്​ സം​ശ​യ​മാ​ണ്​. കാ​ഞ്ചി​യാ​റാ​ണ്​ എ​ന്‍റെ സ്വ​ദേ​ശം.

അ​ഞ്ചു​രു​ളി​യും മ​റ​യൂ​രു​മാ​ണ്​ ഇ​ടു​ക്കി​യി​ൽ എ​നി​ക്ക്​ ഏ​റെ ഇ​ഷ്ട​മു​ള്ള സ്ഥ​ല​ങ്ങ​ൾ. ​മ​ണ്ണും മ​നു​ഷ്യ​നും ഒ​ന്നു​പോ​ലെ പ്ര​ധാ​ന​പ്പെ​ട്ട​താ​ണ്. പ്ര​കൃ​തി​യെ മ​റ​ന്നു​ള്ള വി​ക​സ​ന​ത്തി​നും മ​നു​ഷ്യ​നെ മ​റ​ന്നു​ള്ള പ്ര​കൃ​തി സ്​​നേ​ഹ​ത്തി​നു​മ​പ്പു​റം ര​ണ്ടും സ​ന്തു​ലി​താ​വ​സ്ഥ​യി​ൽ നി​ല​നി​ൽ​ക്കു​ന്ന വി​ക​സ​ന​മാ​ണ്​ ഇ​ടു​ക്കി​ക്ക്​ വേ​ണ്ട​ത്.

('ജ​ക്ക​ര​ന്ത' എ​ന്ന നോ​വി​ലി​ലൂ​ടെ കേ​ന്ദ്ര​സാ​ഹി​ത്യ അ​ക്കാ​ദ​മി​യു​ടെ 2021ലെ ​യു​വ​പു​ര​സ്‌​കാ​ർ അ​വാ​ർ​ഡ്​ ജേ​താ​വാ​ണ്​ മോ​ബി​ൻ മോ​ഹ​ന​ൻ)