നെടുങ്കണ്ടം: ഒന്നര പതിറ്റാണ്ടായി പരാതിക്കിടയില്ലാതെയും മുടക്കം കൂടാതെയും ജനങ്ങള്ക്ക് കുടിവെള്ളം വിതരണം ചെയ്ത മേവിടമെട്ട് കുടിവെള്ള പദ്ധതിക്ക് നെടുങ്കണ്ടം പഞ്ചായത്തിലെ മാതൃക പദ്ധതിക്കുള്ള പുരസ്കാരം. പഞ്ചായത്ത് 17ആം വാര്ഡിലാണ് പദ്ധതി. പദ്ധതിയുടെ ചുമതലയുള്ള ഭരണസമിതി കോവിഡ് കാലത്ത് പദ്ധതി പ്രദേശത്തുള്ള നിര്ധനര്ക്ക് ഭക്ഷ്യക്കിറ്റുകള് വിതരണം ചെയ്തതും പദ്ധതി പ്രദേശവും പഞ്ചായത്ത് റോഡുകളും സഞ്ചാരയോഗ്യമാക്കുകയും ചെയ്തതുകൂടി പരിഗണിച്ചാണ് അംഗീകാരം. 62 ലക്ഷം രൂപയാണ് മേവിടമെട്ട് കുടിവെള്ള പദ്ധതിയുടെ നിര്മാണച്ചെലവ്. ആദ്യഘട്ടത്തില് 63 കുടുംബങ്ങളായിരുന്നു ഗുണഭോക്താക്കള്. നിലവില് 113 കുടുംബങ്ങളുണ്ട്. പാസ്റ്റര് തോമസുകുട്ടി താഴേമുറിയില് പ്രസിഡന്റും സിബി കോട്ടൂപ്പള്ളി സെക്രട്ടറിയുമായ ഒമ്പതംഗ ഭരണസമിതിക്കാണ് പദ്ധതിയുടെ ചുമതല. അനുമോദന സമ്മേളനം ഗ്രാമപഞ്ചായത്ത് പ്രസിഡന്റ് ശോഭന വിജയന് ഉദ്ഘാടനം ചെയ്തു. വാര്ഡ് അംഗം ആര്. ഷിബു ചെരികുന്നേല് അധ്യക്ഷതവഹിച്ചു. വൈസ് പ്രസിഡന്റ് സിജോ നടക്കല് മുഖ്യപ്രഭാഷണം നടത്തി. സമിതി ഭാരവാഹികൾ പുരസ്കാരം പഞ്ചായത്ത് പ്രസിഡന്റില്നിന്ന് ഏറ്റുവാങ്ങി. idl ndk മേവിടമെട്ട് കുടിവെള്ള പദ്ധതി
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.