തൊടുപുഴ ബ്ലോക്കിൽ ഭവനനിർമാണത്തിന് ഊന്നൽ

തൊടുപുഴ: ഭവനരഹിതർക്കായി സമ്പൂർണ ഭവനപദ്ധതി, ആരോഗ്യകേന്ദ്രങ്ങളെ ജന സൗഹൃദമാക്കാനുള്ള 'ആർദ്രം' പദ്ധതി എന്നിവക്ക്​ ഊന്നൽ നൽകുന്ന തൊടുപുഴ ബ്ലോക്ക് പഞ്ചായത്തിന്‍റെ 2022-23 വർഷത്തെ ബജറ്റ്​ അവതരിപ്പിച്ചു. ക്ഷീരവികസനം, ഫലവൃക്ഷത്തൈ വിതരണം, മാലിന്യ സംസ്​കരണം, ഭിന്നശേഷിക്കാരുടെ ക്ഷേമം, അടിസ്ഥാന സൗകര്യ വികസനം, പട്ടികജാതി പട്ടികവർഗ വികസനം, സാംസ്​കാരിക പുരോഗതി എന്നിവക്കൊപ്പം ടൂറിസം വികസനത്തിനും ഊന്നൽ നൽകുന്നു. തൊഴിലുറപ്പ് പദ്ധതിക്കായി അഞ്ചുകോടി രൂപ വകയിരുത്തി​. 21,53,70,000 രൂപ വരവും 21,39,74,500 രൂപ ചെലവും പ്രതീക്ഷിക്കുന്ന ബജറ്റാണ്​ ​ബ്ലോക്ക്​ പഞ്ചായത്ത്​ വൈസ്​ പ്രസിഡന്‍റ്​ എൻ.കെ. ബിജു അവതരിപ്പിച്ചത്​. പ്രസിഡന്‍റ്​ ട്രീസ ജോസ്​ അധ്യക്ഷതവഹിച്ചു. സ്ഥിരം സമിതി അധ്യക്ഷരായ കെ.എ. ഗ്ലോറി, പൗലോസ്​, മാർട്ടിൻ ജോസഫ്, ലാലി ജോയി, ഭരണസമിതി അംഗങ്ങളായ ബിന്ദു ഷാജി, നീതുമോൾ ഫ്രാൻസിസ്​, ഇ.കെ. അജിനാസ്​, സുനി സാബു, അന്നു അഗസ്റ്റിൻ, ജോബി പൊന്നാട്ട്, ജിജോ കഴിക്കിച്ചാലിൽ, എ. ജയൻ എന്നിവർ പങ്കെടുത്തു. ---------- TDL thodupuzha budget തൊടുപുഴ ബ്ലോക്ക് പഞ്ചായത്ത് ബജറ്റ്​ വൈസ് പ്രസിഡന്‍റ്​ എം.കെ. ബിജു അവതരിപ്പിക്കുന്നു ---------- ലിഫ്​റ്റ്​ ലൈസന്‍സ് പുതുക്കണം ഇടുക്കി: ജില്ലയിലെ വിവിധ സ്ഥാപനങ്ങളില്‍ ഇലക്ട്രിക്കല്‍ ഇന്‍സ്പെക്ടറുടെ അനുമതിയില്ലാതെയും ലൈസന്‍സുകള്‍ പുതുക്കാതെയും പ്രവര്‍ത്തിക്കുന്ന ലിഫ്റ്റുകള്‍ / എസ്‌കലേറ്ററുകള്‍ 'കേരള ലിഫ്റ്റ്സ് ആന്‍ഡ് എസ്‌കലേറ്റേഴ്സ് റൂള്‍സ് 2012' പ്രകാരം നിയമവിധേയമാക്കണം. 30 ദിവസത്തിനുള്ളില്‍ അപേക്ഷ നൽകണമെന്ന് ഇലക്ട്രിക്കല്‍ ഇന്‍സ്പെക്ടര്‍ അറിയിച്ചു. ഫോണ്‍: 04862 253465. elidukki@gmail.com