മനുഷ്യാവകാശ കമീഷൻ ഇടപെട്ടു; വൈദ്യുതി കുടിവെള്ള കണക്​ഷനുകൾ പുനഃസ്ഥാപിച്ചു

മൂന്നാർ: വിച്ഛേദിച്ച വൈദ്യുതി, കുടിവെള്ള കണക്​ഷനുകൾ തോട്ടം ഉടമ​ പുനഃസ്ഥാപിച്ചുനൽകി. സംസ്ഥാന മനുഷ്യാവകാശ കമീഷ‍ൻെറ ഇടപെടലിനെ തുടർന്നാണ് മൂന്നാറിലെ തൊഴിലാളി ക്വാർട്ടേഴ്സിലേക്കുള്ള കണക്​ഷനുകൾ കമ്പനി പുനഃസ്ഥാപിച്ചത്. മാട്ടുപ്പെട്ടി ഹൈറേഞ്ച് സ്കൂളിൽ പഠിക്കുന്ന സഹോദരങ്ങളായ രണ്ടു വിദ്യാർഥികൾ സമർപ്പിച്ച പരാതിയിൽ അടിയന്തര നടപടി സ്വീകരിക്കാൻ കമീഷൻ അധ്യക്ഷൻ ജസ്റ്റിസ് ആന്‍റണി ഡൊമിനിക്​ മൂന്നാർ പ്ലാന്‍റേഷൻ ഇൻസ്പെക്ടർക്ക് നിർദേശം നൽകിയിരുന്നു. കുടിവെള്ളം വിച്ഛേദിച്ച കമ്പനി സമീപത്തെ കിണറിൽനിന്ന്​ വെള്ളം എടുക്കാൻ ഉപയോഗിച്ചിരുന്ന ഹോസി‍ൻെറ കണക്​ഷൻ എടുത്തുമാറ്റിയതായും പരാതിയിൽ പറയുന്നു. കമീഷ‍‍ൻെറ നിർദേശാനുസരണം ഇവരുടെ ക്വാർട്ടേഴ്സിലേക്ക്​ വൈദ്യുതി, കുടുവെള്ള കണക്​ഷനുകൾ കമ്പനി അധികൃതർ പുനഃസ്ഥാപിച്ചിട്ടുണ്ടെന്ന് പ്ലാന്‍റേഷൻ ഇൻസ്പെക്ടർ കമീഷനെ അറിയിച്ചു. വാദ്യോപകരണങ്ങളിൽ താളമിട്ട്​ സർഗകൈരളി -2022 ശിൽപശാല ചെറുതോണി: സർഗകൈരളി - 2022 ഏകദിന ശിൽപശാല അറക്കുളം ബി.ആർ.സിയുടെ നേതൃത്വത്തിൽ ചെറുതോണിയിൽ സംഘടിപ്പിച്ചു. കേരളത്തിലെ പ്രാദേശിക കലാരൂപങ്ങളും വാദ്യോപകരണങ്ങളും അടുത്തറിയുന്നതിനും കുട്ടികളുടെ സഹജ താളബോധവും കലാവാസനയും ഉണർത്തുന്നതിനുമായാണ്​ പരിപാടി സംഘടിപ്പിച്ചത്​. ഇടുക്കി ബ്ലോക്ക് പഞ്ചായത്ത് വൈസ് പ്രസിഡന്‍റ്​ രാജി ചന്ദ്രൻ അധ്യക്ഷതവഹിച്ചു. ജില്ല പഞ്ചായത്ത് വൈസ് പ്രസിഡന്‍റ്​ എം.ടി. ഉഷാകുമാരി ഉദ്ഘാടനം ചെയ്തു. ജില്ല പഞ്ചായത്ത് മെംബർ കെ.ജി. സത്യൻ, ബ്ലോക്ക് പഞ്ചായത്ത് മെംബർ ഡിറ്റാജ് ജോസഫ്, പഞ്ചായത്ത് ആരോഗ്യ വിദ്യാഭ്യാസ സ്ഥിരംസമിതി ചെയർപേഴ്സൻ ആലീസ് ജോസ്, പഞ്ചായത്ത് മെംബർമാരായ സെലിൻ വിൽസൺ, ടിന്‍റു സുഭാഷ്, പി.വി. അജേഷ് കുമാർ എന്നിവർ പ​ങ്കെടുത്തു. അറക്കുളം ബി.പി.സി സിനി സെബാസ്റ്റ്യൻ സ്വാഗതവും ട്രെയിനർ ഹസീനബീഗം നന്ദിയും പറഞ്ഞു. അറക്കുളം വിദ്യാഭ്യാസ ഉപജില്ലയിലെ 43 സ്ക്കൂളുകളിൽനിന്ന്​ 94 കുട്ടികളും 16 രക്ഷിതാക്കളും ഏഴ്​ അധ്യാപകരും പങ്കെടുത്തു. 10 വാദ്യോപകരണങ്ങൾ പരിചയപ്പെടുത്തുന്നതിനോടൊപ്പം കൂട്ടികളെ ഗ്രൂപ് തിരിച്ച് വാദ്യോപകരണങ്ങൾ അടുത്തറിയാൻ അവസരവും നൽകി. FOTO TDL SARGAKAIRALI 'സർഗകൈരളി -2022' ഏകദിന ശിൽപശാല ചെറുതോണിയിൽ ജില്ല പഞ്ചായത്ത്​ വൈസ് പ്രസിഡന്‍റ്​​ എം.ടി. ഉഷാകുമാരി ഉദ്ഘാടനം ​ചെയ്യുന്നു