'ഉറവ വറ്റുന്ന ഗ്രാമങ്ങൾ' പരമ്പര; മന്ത്രി റോഷി അഗസ്റ്റിൻ പ്രതികരിക്കുന്നു ലക്ഷ്യം കുടിവെള്ള പ്രശ്നത്തിന്​ ശാശ്വത പരിഹാരം

തൊടുപുഴ: എല്ലായിടത്തും ജലക്ഷാമം രൂക്ഷമാകുന്ന സാഹചര്യമാണ്​ നിലവിലുള്ളത്​. കുടിവെള്ളക്ഷാമം നേരിടാൻ മുൻകാലങ്ങളിൽ നടത്തിയതുപോലുള്ള എല്ലാ സ്​പെഷൽ ഡ്രൈവുകളും ഇത്തവണയുമുണ്ടാകും. ജലജീവൻ മിഷ‍ൻെറ പ്രവർത്തനം ആരംഭിച്ചിട്ടുണ്ട്​. വരും വർഷങ്ങളിൽ കുടിവെള്ളപ്രശ്നം പൂർണമായും പരിഹരിക്കുകയാണ്​ ലക്ഷ്യം. ആവശ്യമായ എസ്റ്റിമേറ്റി‍ൻെറ അടിസ്ഥാനത്തിൽ എല്ലാ തദ്ദേശസ്ഥാപനങ്ങളുടെയും പദ്ധതികൾ ജലജീവൻ മിഷനിൽ ഉൾപ്പെടുത്തി ടെൻഡർ ചെയ്ത്​ തുടങ്ങി. ശേഷിക്കുന്ന ടെൻഡർ നടപടി നാലുമാസത്തിനകം പൂർത്തിയാക്കും. തദ്ദേശസ്ഥാപനങ്ങളുടെ സഹകരണത്തോടെ ബൃഹത്തായ പദ്ധതിയാണ്​ ഉദ്ദേശിക്കുന്നത്​. 2024-25 ആകുമ്പോഴേക്കും ഗ്രാമീണ കുടുംബങ്ങളിലെല്ലാം ശുദ്ധജല കണക്​ഷൻ എത്തിക്കാൻ കഴിയും. ഇതിനുള്ള പ്രവർത്തനങ്ങൾക്ക്​ തുടക്കംകുറിച്ചിട്ടുണ്ട്​. നിലവിലെ ജലസ്രോതസ്സുകൾ പൂർണമായും പ്രയോജനപ്പെടുത്താനും ഇവക്ക്​ ആവശ്യമായ അറ്റകുറ്റപ്പണി നടത്തുന്നതിന്​ നടപടി സ്വീകരിക്കാനും ബന്ധപ്പെട്ടവർക്ക്​ നിർദേശം നൽകിയിട്ടുണ്ട്​. രൂക്ഷമായ ജലക്ഷാമം അനുഭവപ്പെടുന്ന പ്രദേശങ്ങൾ കണ്ടെത്തി എന്തെങ്കിലും കൂടുതലായി ചെയ്യാൻ കഴിയുമോ എന്ന പരിശോധനയും നടത്തുന്നുണ്ട്​. ജലജീവൻ മി​ഷ‍‍ൻെറ പദ്ധതികളൊന്നും തുടങ്ങിയിട്ട്​ പൂർത്തിയാകാത്ത സാഹചര്യമില്ല. ത്രിതല പഞ്ചയത്തുക​ളുടേതടക്കം വിവിധ ഏജൻസികൾ നടപ്പാക്കിയ ചില പദ്ധതികളാണ്​ പൂർത്തിയാകാത്തത്​. അവ തടസ്സങ്ങൾ നീക്കി സമയബന്ധിതമായി പൂർത്തിയാക്കാൻ ബന്ധപ്പെട്ട ഏജൻസികൾക്ക്​ നിർദേശം നൽകുന്നതോടൊപ്പം ഇക്കാര്യം ഉറപ്പാക്കാൻ ആവശ്യമായ നിരീക്ഷണം നടത്തുകയും ചെയ്യും. TDL Roshi റോഷി അഗസ്റ്റിൻ TDL News cutting