പാർക്ക്​ പുനരുദ്ധാരണം ആരംഭിച്ചു

പീരുമേട്: പീരുമേട് ഗ്രാമപഞ്ചായത്ത്​ നേതൃത്വത്തിൽ വളഞ്ചാങ്കാനം വളവിലെ പാർക്കിന്‍റെ പുനരുദ്ധാരണം ആരംഭിച്ചു. 1988ൽ പ്രവർത്തിച്ചിരുന്ന പാർക്ക് കാടുകയറി നശിക്കുകയായിരുന്നു. മൂന്ന് ഏക്കറോളം സ്ഥലത്തെ കാട് വെട്ടിനീക്കി വൃത്തിയാക്കുകയാണ് ആദ്യം ​ചെയ്യുന്നത്​. ത്രിതല പഞ്ചായത്ത്​ സഹായത്തോടെ നവീകരണം നടത്തും. ജില്ല പഞ്ചായത്ത് അംഗം കെ.ടി. ബിനു നിർമാണം ഉദ്ഘാടനം ചെയ്തു. പഞ്ചായത്ത് പ്രസിഡൻറ് എസ്. സാബു അധ്യക്ഷത വഹിച്ചു.