മൂന്നാറിൽ ബാറ്ററി മോഷ്്ടാക്കൾ വിലസുന്നു

മൂന്നാർ: ടൗണിലും പരിസരത്തുമായി നിർത്തിയിടുന്ന ലോറികളിലെ ബാറ്ററികൾ മോഷ്്ടിക്കുന്ന സംഘം മൂന്നാറിൽ വിലസുന്നു. ഇരുപതോളം ലോറികളിലെ ബാറ്ററികൾ ചുരുങ്ങിയ ദിവസങ്ങൾക്കിടയിൽ നഷ്്ടമായി. സാധനങ്ങളുമായി എത്തുന്ന ലോറികൾ രാത്രി നിർത്തിയിടുന്നത്​ പഴയമൂന്നാറിലാണ്. ചിലത് മൂന്നാർ ടൗണിൻെറ വിവിധ ഭാഗങ്ങളിലും കിടക്കും. ഡ്രൈവർമാരില്ലാത്ത വാഹനങ്ങളിലെ ബാറ്ററിയാണ് കടത്തുന്നത്. പുലർച്ചയോടെ എത്തുമ്പോഴാണ് ലോറിത്തൊഴിലാളികൾ ബാറ്ററികൾ നഷ്്ടമായ വിവരം അറിയുന്നത്. ദീർഘദൂരയാത്രകൾ കഴിഞ്ഞ് വിശ്രമിക്കുന്നതും മൂന്നാറിൽ ഉള്ളതുമായ ലോറികളെയാണ് മോഷ്്ടാക്കൾ ലക്ഷ്യം വെക്കുന്നത്. പതിനായിരത്തിലേറെ രൂപയുടെ നഷ്്ടമാണ് ഉടമകൾക്കുണ്ടാകുന്നത്.