ഇടവെട്ടിയിലെ തൊഴിലുറപ്പ് ക്രമക്കേട്​ അന്വേഷിക്കും

തൊടുപുഴ: ഇടവെട്ടി പഞ്ചായത്തിൽ തൊഴിലുറപ്പ് പദ്ധതിയുമായി ബന്ധപ്പെട്ട് നടന്ന ക്ര​മക്കേടുകളെക്കുറിച്ച്​ അന്വേഷിക്കാൻ കലക്​ടറുടെ ഉത്തരവ്. ഒരു മാസത്തിനുള്ളിൽ റിപ്പോർട്ട് നൽകാൻ ബ്ലോക്ക് പ്രോഗ്രാം ഓഫിസർക്ക് കലക്​ടർ ഷീബാ ജോർജ് നിർദേശം നൽകുകയും പഞ്ചായത്ത് സെക്രട്ടറിയോട്​ റിപ്പോർട്ട് ആവശ്യപ്പെടുകയു​ം ചെയ്​തു. പഞ്ചായത്തിലെ തൊഴിലുറപ്പുമായി ബന്ധപ്പെട്ട വ്യക്തിഗത ആസ്തികളുടെ നിർമാണത്തിൽ ക്രമക്കേട് നടന്നിട്ടുണ്ടെന്ന് സംസ്ഥാന മിഷനിലെ ജോയൻറ്​ ഡയറക്ടറുടെ അന്വേഷണത്തിൽ കണ്ടെത്തിയിരുന്നു. കിണർ കുത്താതെ പണം അനുവദിച്ചത് ഉൾ​െപ്പടെ ക്രമക്കേടാണ് കണ്ടെത്തിയത്.