കട്ടപ്പന: കട്ടപ്പന റൂറൽ ഡെവലപ്മൻെറ് കോഒാപറേറ്റിവ് സൊസൈറ്റി ഭരണസമിതി തെരഞ്ഞെടുപ്പ് അട്ടിമറിക്കാൻ കോൺഗ്രസ് ശ്രമിക്കുകയാണെന്ന് സഹകരണ സംരക്ഷണ മുന്നണി തെരഞ്ഞെടുപ്പ് കമ്മിറ്റി. കോവിഡ് പഞ്ചാത്തലത്തിൽ ആറുമാസം നീട്ടിെവച്ച തെരഞ്ഞെടുപ്പാണ് ഇപ്പോൾ നടക്കുന്നത്. തെരഞ്ഞെടുപ്പ് നിർത്തിവെക്കണമെന്നാവശ്യപ്പെട്ട് കോൺഗ്രസ് നേതൃത്വം ഹൈകോടതിയെ സമീപിച്ചിരുന്നു. എന്നാൽ, കോടതി വിസമ്മതിച്ചു. ഇതോടെ വ്യാജ കാർഡ് നിർമിച്ച് സഹകാരികൾക്കിടയിൽ വിതരണം ചെയ്ത് തെരഞ്ഞെടുപ്പ് അട്ടിമറിക്കാനാണ് ശ്രമിക്കുന്നത്. തെരഞ്ഞെടുപ്പ് കമീഷൻ നിർദേശം അനുസരിച്ച് ഏഴിന് പകൽ അഞ്ചിന് മുമ്പ് രണ്ട് ഫോട്ടോയുമായി എത്തിയ അംഗങ്ങൾക്ക് കാർഡ് വിതരണം ചെയ്തിട്ടുണ്ട്. എന്നാൽ, കോൺഗ്രസ് നേതാക്കൾ ഒരു ഫോട്ടോ മാത്രംവാങ്ങി വ്യാജ കാർഡ് നിർമിച്ച് വിതരണം ചെയ്യുകയാണെന്ന് സംരക്ഷണ മുന്നണി ആരോപിച്ചു. ഇത് ജനാധിപത്യ വ്യവസ്ഥയോടുള്ള വെല്ലുവിളിയാണ്. വ്യാജ കാർഡ് വിതരണം നടക്കുന്ന വിവരം പൊലീസിലും വരണാധികാരിയെയും അറിയിച്ചിട്ടുണ്ട്. ജനാധിപത്യ വ്യവസ്ഥയെ അട്ടിമറിക്കാനുള്ള നീക്കം അവസാനിപ്പിക്കണമെന്ന് മുന്നണി പ്രസിഡൻറ് ടി.എസ്. ബിസി, സെക്രട്ടറി ടോമി ജോർജ്, വി.ആർ. സജി, കെ.ആർ. സോദരൻ, മാത്യു ജോർജ്, ജോസ് എട്ടിയിൽ, എം.ജെ. വർഗീസ്, ചന്ദ്രൻ തുടങ്ങിയവർ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.