കൊച്ചി: ജല അതോറിറ്റിയിൽനിന്ന് വിരമിച്ച അവിവാഹിതനായ ജീവനക്കാര‍െൻറ മരണാനന്തര പെൻഷനും ആനുകൂല്യങ്ങളും അമ്മക്ക് അനുവദിക്കണമെന്ന് സംസ്ഥാന മനുഷ്യാവകാശ കമീഷൻ.
പറവൂർ ജല അതോറിറ്റി ഓഫിസിലെ ഹെഡ് ഓപറേറ്റർ തസ്തികയിൽനിന്ന് 2014ൽ വിരമിക്കുകയും 2017ൽ മരിക്കുകയും ചെയ്ത സി.കെ. മുരളീധര‍െൻറ മാതാവ് സി.കെ. പത്മാവതി അമ്മയുടെ പരാതിയിലാണ് നടപടി.
കുടുംബപെൻഷനും മറ്റ് ആനുകൂല്യങ്ങളും 84 വയസ്സുള്ള അമ്മക്ക് എത്രയുംവേഗം അനുവദിക്കണമെന്നാണ് അധ്യക്ഷൻ ജസ്റ്റിസ് ആന്‍റണി ഡൊമിനിക് ഉത്തരവിട്ടിരിക്കുന്നത്. പരാതിക്കാരിയുടെ പ്രായവും അവശതയും കണക്കിലെടുത്ത് നേരത്തെ തീരുമാനമെടുക്കേണ്ടതായിരുന്നെന്ന് ഉത്തരവിൽ പറഞ്ഞു. എത്രയുംവേഗം ഇക്കാര്യത്തിൽ നടപടിയെടുക്കണമെന്ന് ജല അതോറിറ്റി എം.ഡിക്ക് നിർദേശം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.