കേബിൾ കുരുക്ക്​

കൊ​ച്ചി: പോ​സ്റ്റു​ക​ളി​ൽ തി​ങ്ങി​നി​റ​ഞ്ഞും വ​ഴി​യി​ലേ​ക്ക് പൊ​ട്ടി​വീ​ണും കി​ട​ക്കു​ന്ന കേ​ബി​ളു​ക​ൾ കാ​ര​ണം ഉ​ണ്ടാ​കു​ന്ന അ​പ​ക​ട​ങ്ങ​ൾ തു​ട​ർ​ക്ക​ഥ​യാ​കു​ന്നു. മ​ഴ​ക്കാ​ലം കൂ​ടി​യാ​കു​ന്ന​തോ​ടെ ഇ​ത്ത​രം കേ​ബി​ളു​ക​ൾ ഉ​യ​ർ​ത്തു​ന്ന അ​പ​ക​ട ഭീ​ഷ​ണി ഗു​രു​ത​ര​മാ​കു​ക​യാ​ണ്.

കൊ​ച്ചി ന​ഗ​ര​ത്തി​ലും ജി​ല്ല​യി​ലെ മ​റ്റു പ​ല​യി​ട​ത്തും കേ​ബി​ളു​ക​ളി​ൽ കു​രു​ങ്ങി ഉ​ണ്ടാ​കു​ന്ന അ​പ​ക​ട​ങ്ങ​ൾ വ​ർ​ഷ​ങ്ങ​ളാ​യി റി​പ്പോ​ർ​ട്ട് ചെ​യ്യ​പ്പെ​ടു​ന്ന​വ​യാ​ണ്. അ​പ​ക​ട​ങ്ങ​ൾ ഉ​ണ്ടാ​കു​മ്പോ​ൾ അ​ധി​കാ​രി​ക​ൾ ഇ​ട​പെ​ട്ട് ഈ ​അ​പ​ക​ട​ക്കു​രു​ക്കു​ക​ൾ മാ​റ്റു​ന്നു​ണ്ടെ​ങ്കി​ലും മാ​സ​ങ്ങ​ൾ​ക്കു​ളി​ൽ ഇ​വ പൂ​ർ​വ​സ്ഥി​തി​യി​ലാ​കു​ന്ന കാ​ഴ്ച​യാ​ണ് നി​ല​വി​ലു​ള്ള​ത്.

അ​പ​ക​ട​ങ്ങ​ൾ നി​ര​വ​ധി

കേ​ബി​ളു​ക​ളി​ൽ കു​ടു​ങ്ങി നി​ര​വ​ധി അ​പ​ക​ട​ങ്ങ​ളാ​ണ് യാ​ത്ര​ക്കാ​ർ​ക്ക് ഉ​ണ്ടാ​കു​ന്ന​ത്. പു​ല​ർ​ച്ച​യും രാ​ത്രി​യി​ലു​മാ​ണ് അ​പ​ക​ട​ങ്ങ​ൾ ഏ​റെ​യും ഉ​ണ്ടാ​കു​ന്ന​തെ​ന്ന​ത് ആ​ശ​ങ്ക വ​ർ​ധി​പ്പി​ക്കു​ന്നു. ജൂ​ണി​ലാ​ണ്​ കാ​ക്ക​നാ​ട് കെ.​എ​സ്.​ഇ.​ബി​യു​ടെ പോ​സ്‌​റ്റി​ൽ അ​ല​ക്ഷ്യ​മാ​യി തൂ​ങ്ങി​ക്കി​ട​ന്ന കേ​ബി​ളി​ൽ കു​രു​ങ്ങി സ്‌​കൂ​ട്ട​ർ യാ​ത്ര​ക്കാ​ര​ന്‍റെ മൂ​ക്കി​ന് ഗു​രു​ത​ര പ​രി​ക്കേ​റ്റ​ത്. മേ​യി​ൽ സ​മാ​ന​മാ​യ അ​പ​ക​ടം അ​ങ്ക​മാ​ലി​യി​ലും ഉ​ണ്ടാ​യി.

പു​ല​ർ​ച്ച 5.30ഓ​ടെ അ​മ്മ​യോ​ടൊ​പ്പം ബൈ​ക്കി​ൽ സ​ഞ്ച​രി​ക്കു​ക​യാ​യി​രു​ന്ന യു​വാ​വി​ന്​ പൊ​ട്ടി​ക്കി​ട​ന്ന കേ​ബി​ളി​ൽ ക​ഴു​ത്ത് കു​ടു​ങ്ങി സാ​ര​മാ​യ പ​രി​ക്കേ​ൽ​ക്കു​ക​യാ​യി​രു​ന്നു. വീ​ഴ്ച​യു​ടെ ആ​ഘാ​ത​ത്തി​ൽ ക​ഴു​ത്തി​നും തു​ട​യെ​ല്ലി​നും യു​വാ​വി​ന് പ​രി​ക്കേ​റ്റി​രു​ന്നു. കൂ​ടാ​തെ പ​ള്ളി​ക്ക​ര അ​മ്പ​ല​പ്പ​ടി റി​ല​യ​ൻ​സി​ന് സ​മീ​പം താ​ഴ്ന്നു​കി​ട​ന്ന കേ​ബി​ൾ ടോ​റ​സി​ന്‍റെ പി​ന്നി​ലു​ട​ക്കി വൈ​ദ്യു​തി പോ​സ്റ്റ് മ​റി​യു​ക​യും അ​മ്പ​ല​പ്പ​ടി പെ​രി​ങ്ങാ​ല മേ​ഖ​ല​ക​ളി​ൽ മൂ​ന്ന് മ​ണി​ക്കൂ​റി​ല​ധി​കം വൈ​ദ്യു​തി മു​ട​ങ്ങു​ക​യും ചെ​യ്തി​രു​ന്നു.

വേ​ണം അ​ടി​യ​ന്ത​ര ന​ട​പ​ടി

പോ​സ്റ്റു​ക​ളി​ൽ വൈ​ദ്യു​തി കേ​ബി​ളു​ക​ൾ​ക്ക് പു​റ​മെ തി​ങ്ങി​നി​റ​ഞ്ഞ്​ കി​ട​ക്കു​ന്ന കേ​ബി​ളു​ക​ൾ ഏ​ത് സ്വ​കാ​ര്യ ക​മ്പ​നി​യു​ടേ​താ​ണെ​ന്ന് പോ​ലും അ​റി​യാ​ത്ത വി​ധ​ത്തി​ലാ​ണ് അ​വ​ശേ​ഷി​ക്കു​ന്ന​ത്. ഇ​ത്ത​രം കേ​ബി​ളു​ക​ളി​ൽ​നി​ന്ന് വൈ​ദ്യു​തി ആ​ഘാ​തം ഏ​ൽ​ക്കാ​നു​ള്ള സാ​ധ്യ​ത​യും ഏ​റെ​യാ​ണ്.

കെ.​എ​സ്.​ഇ.​ബി​യു​ടെ പോ​സ്റ്റു​ക​ളി​ൽ സ​ർ​വി​സ് കേ​ബി​ളു​ക​ൾ വ​ലി​ക്കു​ന്ന​തി​ന് ഇ​ല​ക്ട്രി​ക്ക​ൽ ഇ​ൻ​സ്പെ​ക്ട​റേ​റ്റ് വ​കു​പ്പി​ൽ​നി​ന്ന്​ സേ​ഫ്റ്റി സ​ർ​ട്ടി​ഫി​ക്ക​റ്റ് ആ​വ​ശ്യ​മാ​ണ്. അ​ത​ത് ഓ​പ​റ്റേ​റ്റ​ർ​മാ​ർ അ​വ​രു​ടെ കേ​ബി​ളു​ക​ൾ ടാ​ഗ് ചെ​യ്ത് അ​ട​യാ​ള​പ്പെ​ടു​ത്ത​ണം. എ​ന്നാ​ൽ, ഈ ​ന​ട​പ​ടി ഒ​ന്നും കൃ​ത്യ​മാ​യി ന​ട​പ്പാ​ക്ക​പ്പെ​ടു​ന്നി​ല്ല. മൂ​ന്ന് വ​ർ​ഷം മു​മ്പ് ന​ഗ​ര​ത്തി​ൽ അ​ല​ക്ഷ്യ​മാ​യി കി​ട​ന്ന കേ​ബി​ളി​ൽ കു​രു​ങ്ങി യു​വാ​വി​ന് ജീ​വ​ൻ ന​ഷ്ട​മാ​യ സാ​ഹ​ച​ര്യം ഉ​ണ്ടാ​യ​പ്പോ​ൾ ഹൈ​കോ​ട​തി അ​ട​ക്കം വി​ഷ​യ​ത്തി​ൽ അ​ടി​യ​ന്ത​ര ന​ട​പ​ടി ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ, വ​ർ​ഷ​ങ്ങ​ൾ​ക്കി​പ്പു​റ​വും അ​പ​ക​ട ഭീ​ഷ​ണി ഉ​യ​ർ​ത്തു​ക​യാ​ണ് കേ​ബി​ളു​ക​ൾ. വ​ലി​യ അ​പ​ക​ട​ങ്ങ​ളി​ലേ​ക്ക് വ​ഴി​വെ​ക്കു​ന്ന​തി​ന് മു​മ്പ് ഇവ നീക്കം ചെ​യ്യു​ന്ന​തി​നു​ള്ള ന​ട​പ​ടി അ​ധി​കാ​രി​ക​ൾ സ്വീ​ക​രി​ക്ക​ണ്ട​ത് അ​ത്യാ​വ​ശ്യ​മാ​യി​രി​ക്കു​ക​യാ​ണ്.

കു​രു​ക്കി​ൽ ന​ഗ​ര​വും

കൊ​ച്ചി ന​ഗ​ര​ത്തി​ലെ പ്ര​ധാ​ന റോ​ഡു​ക​ളി​ലും അ​ല​ക്ഷ്യ​മാ​യി കി​ട​ക്കു​ന്ന കേ​ബി​ളു​ക​ൾ വ​ലി​യ അ​പ​ക​ട ഭീ​ഷ​ണി സൃ​ഷ്ടി​ക്കു​ന്നു​ണ്ട്.ബാ​ന​ർ​ജി റോ​ഡി​ൽ ആ​ൽ​ബ​ർ​ട്സ് കോ​ള​ജും സ്കൂ​ളും സ്ഥി​തി ചെ​യ്യു​ന്ന ഭാ​ഗ​ത്ത് മീ​ഡി​യ​ന്‍റെ ഭാ​ഗ​ത്ത് ഉ​ണ്ടാ​യി​രു​ന്ന പോ​സ്റ്റ് ഒ​ടി​യു​ക​യും അ​തി​ൽ ഉ​ണ്ടാ​യി​രു​ന്ന കേ​ബി​ളു​ക​ൾ കെ​ട്ടി​വെ​ച്ചി​രി​ക്കു​ന്ന സ്ഥി​തി​യി​ലു​മാ​ണ്. ഇ​തി​ലൂ​ടെ പോ​കു​ന്ന വി​ദ്യാ​ർ​ഥി​ക​ൾ അ​ട​ക്ക​മു​ള്ള​വ​ർ​ക്ക് ഇ​ത് വ​ലി​യ ഭീ​തി ഉ​ണ്ടാ​ക്കു​ന്നു​ണ്ട്.

കൂ​ടാ​തെ കെ.​എ​സ്.​ആ​ർ.​ടി.​സി ബ​സ്​​സ്റ്റാ​ൻ​ഡ്​ പ​രി​സ​ര​ത്തും ചി​റ്റൂ​ർ റോ​ഡ്, പു​ല്ലേ​പ്പ​ടി റോ​ഡ്, ക​ലൂ​ർ-​ക​തൃ​ക്ക​ട​വ് റോ​ഡ് തു​ട​ങ്ങി​യ പ്ര​ധാ​ന റോ​ഡു​ക​ളി​ലും ന​ട​പാ​ത​ക​ളി​ലേ​ക്കും റോ​ഡി​ലേ​ക്കും ചാ​ഞ്ഞു​കി​ട​ന്ന് കേ​ബി​ളു​ക​ൾ അ​പ​ക​ട സാ​ഹ​ച​ര്യം സൃ​ഷ്ടി​ക്കു​ന്നു​ണ്ട്.